ಫಿಟ್‌ ಇಂಡಿಯಾಗೆ ಚಾಲನೆ

ಹೊಸದಿಲ್ಲಿ: ದೈಹಿಕ ಮತ್ತು ಮಾನಸಿಕ ಆರೋಗ್ಯ ವರ್ಧನೆಗೆ ಉತ್ತೇಜನ ನೀಡುವ ಉದ್ದೇಶದ 'ಫಿಟ್‌ ಇಂಡಿಯಾ' ಅಭಿಯಾನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಗುರುವಾರ ಚಾಲನೆ ನೀಡಿದರು.

ರಾಷ್ಟ್ರೀಯ ಕ್ರೀಡಾ ದಿನಾಚರಣೆ ಅಂಗವಾಗಿ ಆ.29 ರಂದು ಇಲ್ಲಿನ ಇಂದಿರಾ ಗಾಂಧಿ ಕ್ರೀಡಾಂಗಣದಲ್ಲಿ ಅಭಿಯಾನಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ''ನವಭರತದ ನಾಗರಿಕರು ಸದೃಢರಾಗುವತ್ತ ಗಮನಹರಿಸಬೇಕು, ಸ್ವಾರ್ಥ ಮನೋಭಾವದ ಜಾಗದಲ್ಲಿ ಸ್ವಾಸ್ಥ್ಯ ಮನೋಭಾವ ತುಂಬಬೇಕು,'' ಎಂದು ಕರೆ ನೀಡಿದರು.

''ಯಶಸ್ಸಿಗೆ ಯಾವುದೇ 'ಎಲೆವೇಟರ್‌' (ಲಿಫ್ಟ್‌) ಇರುವುದಿಲ್ಲ. ಕಷ್ಟಪಟ್ಟು ಒಂದೊಂದೇ ಮೆಟ್ಟಿಲು ಮೇಲೇರಬೇಕು,'' ಎಂದು ಹೇಳುವ ಮೂಲಕ ಕಷ್ಟಸಹಿಷ್ಣುತೆ ಬಗ್ಗೆ ಒತ್ತಿ ಹೇಳಿದರು. ಚಟುವಟಿಕೆಯ ಜೀವನಶೈಲಿ ಅಳವಡಿಸಿಕೊಳ್ಳಲು ಸಲಹೆ ನೀಡಿದರು.