ಮೋದಿ ರಚಿಸಿದ ಮಹಾಬಲಿಪುರಂ ಕವಿತೆ ತಮಿಳಿಗೆ ತರ್ಜುಮೆ

ಚೆನ್ನೈ: ತಮಿಳುನಾಡಿನ ಮಹಾಬಲಿಪುರಂ ತೀರ ಪ್ರದೇಶದಲ್ಲಿ ಹೆಜ್ಜೆಹಾಕುತ್ತಾ ಸಮುದ್ರದ ಅಲೆಗ­ಳೊಂದಿಗೆ ಸಂವಹನ ನಡೆಸುವ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಅವರು ರಚಿಸಿದ್ದ ಅಪರೂಪದ ಕವಿತೆ ತಮಿಳು ಅವತರಣಿಕೆಯಲ್ಲಿ ಹೊರ­ಬಂದಿದ್ದು, ತಮಿಳಿಗರ ಮೆಚ್ಚುಗೆ ಗಳಿಸಿದೆ.

ಮೋದಿ ಹಾಗೂ ಕ್ಸಿ ಜಿನ್ ಅವರನ್ನು ಸ್ವಾಗತಿಸಿದ ತಮಿಳುನಾಡಿನ ಕಡಲತಡಿಯ ಪ್ರವಾಸಿತಾಣ ಮಾಮಲ್ಲಪುರಂ (ಮಹಾಬಲಿಪುರಂ) .

ಇತ್ತೀಚೆಗೆ ಮೋದಿ ಅವರು ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರೊಂದಿಗೆ ಮಹಾಬಲಿಪುರಂ ತಾಣದಲ್ಲಿಅನೌಪಚಾರಿಕ ಸಭೆ ನಡೆಸಿದ್ದಲ್ಲದೇ ಅವರಿಗೆ ವಿಶೇಷ ಆತಿಥ್ಯ ನೀಡಿದ್ದರು. ಕಡಲ ತೀರದಲ್ಲಿ ನಡೆಯುವಾಗ, ಸಮುದ್ರದ ಸೌಂದರ್ಯ ಮತ್ತು ಅದರಲ್ಲಿ ಅಡಗಿರುವ ಜೀವನ ದೃಷ್ಟಿಯನ್ನು ಅನ್ವೇಷಿಸಿ ಮೋದಿ ಕವಿತೆ ಬರೆದು ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿ­ದ್ದರು.

ಟ್ರೆಂಡ್‌ ಸೃಷ್ಟಿಸಿದ ಡೋಂಟ್‌ ಗೋ ಬ್ಯಾಕ್‌ ಮೋದಿ

ಭಾನುವಾರ ಇದರ ತಮಿಳು ಅವತರಣಿಕೆಯನ್ನು ಪ್ರಧಾನಿ ಮೋದಿ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದು ತಮಿಳರ ಮೆಚ್ಚುಗೆಗೆ ಪಾತ್ರವಾಗಿದೆ.