ಹೈಟಕ್‌ ಆಗ್ತಿದೆ ಮೋದಿ 'ಚಾಯ್‌ ನಿಲ್ದಾಣ'

ಅಹಮದಾಬಾದ್: ಪ್ರಧಾನಿ ನರೇಂದ್ರ ಮೋದಿ ಅವರು ಚಾಯ್‌ ಮಾರುತ್ತಿದ್ದ ರೈಲು ನಿಲ್ದಾಣ ಅಭಿವೃದ್ಧಿಗೆ ಶೀಘ್ರದಲ್ಲಿಯೇ 8 ಕೋಟಿ ರೂ. ಅನುದಾನ ಲಭ್ಯವಾಗಲಿದೆ. ಇತ್ತೀಚೆಗೆ ರೈಲೈ ಇಲಾಖೆ ಸಹಾಯಕ ಸಚಿವ ಮನೋಜ್ ಸಿನ್ಹಾ ಅವರು ಈ ಯೋಜನೆಯನ್ನು ಘೋಷಿಸಿದ್ದರು.

ಅಹ್ಮದಾಬಾದ್‌ ನಗರದಿಂದ 95 ಕಿ.ಮೀ. ದೂರದಲ್ಲಿರುವ ವಾಡ್‌ನಗರ್ ರೈಲು ನಿಲ್ದಾಣದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ತಂದೆಯ ಚಹಾ ಅಂಗಡಿಯಲ್ಲಿ ಚಾಯ್‌ ಮಾರುತ್ತಿದ್ದರು ಎನ್ನುವುದು ವಿಶೇಷ.

ಫೇಸ್‌ಲಿಫ್ಟ್ ಯೋಜನೆಯ ಬಗ್ಗೆ ವಿವರ ನೀಡಿರುವ ರೈಲ್ವೆ ಇಲಾಖೆಯ ವಿಭಾಗೀಯ ವ್ಯವಸ್ಥಾಪಕ ದಿನೇಶ್ ಕುಮಾರ್, ಮೆಲ್ಸಾನಾ ಜಿಲ್ಲೆಯ ವಾಡ್‌ನಗರ್ ಹಾಗೂ ನೆರೆಹೊರೆಯ ಸ್ಥಳಗಳ ಅಭಿವೃದ್ಧಿಪಡಿಸುವ ಯೋಜನೆಗೆ ಅಂದಾಜು ನೂರು ಕೋಟಿ ರೂ. ವೆಚ್ಚವಾಗಲಿದೆ ಎಂದಿದ್ದಾರೆ.

ಮೆಹ್ಸಾನಾ-ತರಾಂಗ ಬೆಟ್ಟದ ರೈಲ್ವೆ ಮಾರ್ಗ ಅಭಿವೃದ್ಧಿ ಕಾರ್ಯ ಪ್ರಾರಂಭವಾಗಿದೆ. ಗೇಜ್‌ಗಳ ಪರಿವರ್ತನಾ ಕಾರ್ಯ ಈ ವರ್ಷದ ಅಂತ್ಯದ ವೇಳೆಗೆ ಪೂರ್ಣಗೊಳ್ಳಲಿದೆ.