ದೇವಮಾನವ ಈಗ ಕೈದಿ ನಂ. 1997; ಜೈಲಿನಲ್ಲಿ ರಾತ್ರಿಯಿಡೀ ನಿದ್ರೆಯಿಲ್ಲದೆ ಕಳೆದ ಎಂಎಸ್‌ಜಿ

ಚಂಡೀಗಢ/ರೋಹ್ಟಕ್‌: ಜಗತ್ತಿನಾದ್ಯಂತ 6 ಕೋಟಿಗೂ ಅಧಿಕ ಅನುಯಾಯಿಗಳನ್ನು ಹೊಂದಿರುವ ಡೇರಾ ಸಚ್ಚಾ ಸೌದಾ ಮುಖ್ಯಸ್ಥ ಗುರ್ಮೀತ್‌ ರಾಮ್ ರಹೀಂ ಸಿಂಗ್‌ 1997ನೇ ಕೈದಿಯಾಗಿ ಮೊದಲ ದಿನವನ್ನು ರೋಹ್ಟಕ್‌ನ ಜಿಲ್ಲಾ ಜೈಲಿನಲ್ಲಿ ಕಳೆದರು. ಅತ್ಯಾಚಾರ ಪ್ರಕರಣದಲ್ಲಿ ಪಂಚಕುಲಾದ ಸಿಬಿಐ ವಿಶೇಷ ನ್ಯಾಯಾಲಯ ಶುಕ್ರವಾರ ಅವರನ್ನು 'ದೋಷಿ' ಎಂದು ತೀರ್ಪು ನೀಡಿದ ಬಳಿಕ ಅವರನ್ನು ಹೆಲಿಕಾಪ್ಟರ್‌ ಮೂಲಕ ಸುನರಿಯಾಗೆ ಕರೆತರಲಾಯಿತು.

ಎಲ್ಲ ಪೂರ್ವಭಾವಿ ಪ್ರಕ್ರಿಯೆಗಳನ್ನು ಮುಗಿಸಿದ ಬಳಿಕ ರಾತ್ರಿ 8:30ರ ವೇಳೆಗೆ ಅವರನ್ನು ಜೈಲಿನೊಳಕ್ಕೆ ಕಳುಹಿಸಲಾಯಿತು.

ಈ ಸ್ವಯಂ ಘೋಷಿತ ದೇವಮಾನವ (ಎಂಎಸ್‌ಜಿ- ಮೆಸೆಂಜರ್‌ ಆಫ್‌ ಗಾಡ್‌) ರಾತ್ರಿ ಒಂದು ಚಪಾತಿ ಹಾಗೂ ಒಂದು ಲೋಟ ಹಾಲು ಮಾತ್ರ ಸೇವಿಸಿದರು ಎಂದು ಜೈಲಿನ ಅಧಿಕಾರಿಗಳು ತಿಳಿಸಿದ್ದಾರೆ.

ದೇವ ವೇಷದ ದಾನವ

ಇಡೀ ರಾತ್ರಿ ಎಚ್ಚರದಿಂದಿದ್ದ ಅವರು, ಒಂದು ಗಂಟೆ ಯೋಗಾಭ್ಯಾಸ ಮಾಡಿದ ಬಳಿಕ ಬೆಳಗಿನ ಜಾವ 5ರ ವೇಳೆಗೆ ನಿದ್ರೆಗೆ ಜಾರಿದರು ಎಂದು ಮೂಲಗಳು ತಿಳಿಸಿವೆ.

ಗುರ್ಮೀತ್‌ಗೆ ಯಾವುದೇ ವಿಶೇಷ ಸೌಲಭ್ಯಗಳನ್ನು ನೀಡಲಾಗಿದೆ ಎಂಬ ಆರೋಪಗಳನ್ನು ಜೈಲು ಅಧಿಕಾರಿಗಳು ನಿರಾಕರಿಸಿದ್ದಾರೆ.

ಗುರ್ಮೀತ್‌ ಜತೆ ಸದಾ ಕಾಲ ಇರುವ ಮಹಿಳೆಯೊಬ್ಬರನ್ನೂ ಜೈಲಿನೊಳಕ್ಕೆ ಬಿಡಲಾಗಿದೆ ಎಂಬ ವರದಿಗಳನ್ನು ಜೈಲುಗಳ ವಿಭಾಗದ ಡಿಜಿಪಿ ಕೆ.ಪಿ ಸಿಂಗ್‌ ನಿರಾಕರಿಸಿದ್ದಾರೆ.

'ಗುರ್ಮೀತ್‌ರನ್ನು ನಿಗದಿತ ಸೆಲ್‌ಗೆ ಕಳುಹಿಸಲಾಗಿದೆ. ಅವರನ್ನು ಇತರ ಎಲ್ಲ ಕೈದಿಗಳಂತೆಯೇ ನೋಡಿಕೊಳ್ಳಲಾಗುತ್ತಿದೆ. ಅವರ ಚಟುವಟಿಕೆಗಳ ಬಗ್ಗೆ ಮಾಹಿತಿಗಳನ್ನು ನಾವು ಹಂಚಿಕೊಳ್ಳಲಾರೆವು' ಎಂದು ಡಿಜಿಪಿ ತಿಳಿಸಿದರು.

ಡೇರಾ ಮುಖ್ಯಸ್ಥರ ದತ್ತುಪುತ್ರಿ ಹನಿಪ್ರೀತ್ ಇನ್ಸಾನ್‌ ಪಂಚಕುಲಾದಿಂದ ರೋಹ್ಟಕ್‌ ತನಕ ಸರಕಾರಿ ಹೆಲಿಕಾಪ್ಟರ್‌ನಲ್ಲಿ ತಂದೆಯ ಜತೆಗೆ ಆಗಮಿಸಿದ್ದರು.

ಜೈಲಿನ ಬ್ಯಾರಕ್‌ಗಳ ಒಳಗೆ ಅವರನ್ನು ಕರೆದೊಯ್ಯುವ ವರೆಗೂ ಆಕೆ ಡೇರಾ ಮುಖ್ಯಸ್ಥರ ಜತೆಗೆ ಇದ್ದರು. ನಂತರ ರೋಹ್ಟಕ್‌ನ ಆರ್ಯನಗರದಲ್ಲಿರುವ ಡೇರಾ ಅನುಯಾಯಿಗಳ ನಿವಾಸಕ್ಕೆ ತೆರಳಿದರು. ನಂತರ ಶನಿವಾರ ಅಲ್ಲಿಂದ ಬೇರೆಡೆಗೆ ತಮ್ಮ ವಾಸ್ತವ್ಯ ಬದಲಿಸಿದರು ಎಂದೂ ಮೂಲಗಳು ಹೇಳಿವೆ.

ಗುರ್ಮೀತ್‌ನನ್ನು ಸಾಮಾನ್ಯ ಸೌಲಭ್ಯಗಳಿರುವ ವಿಶೇಷ ಕೊಠಡಿಯಲ್ಲಿ ಇರಿಸಲಾಗಿದೆ. ಸಾಮಾನ್ಯ ಕೈದಿಗೆ ನೀಡುವುದಕ್ಕಿಂತ ಹೆಚ್ಚಿನ ಸೌಲಭ್ಯವನ್ನೇನೂ ಅವರಿಗೆ ನೀಡಿಲ್ಲ ಎಂದು ಜೈಲು ಅಧಿಕಾರಿಗಳು ತಿಳಿಸಿದ್ದಾರೆ. ಜೈಲಲು ಆಔರಣದೊಳಗೆ ಕೆಲಸ ಮಾಡುವ ಒಬ್ಬ ಸಜಾಬಂದಿಗೆ ದಿನಕ್ಕೆ 20 ರೂ.ನಂತೆ ತಿಂಗಳಿಗೆ 600 ರೂ
ಕೂಲಿ ನೀಡಲಾಗುತ್ತದೆ.

MSG, prisoner no. 1997, spent sleepless first night in jail

CHANDIGARH/ROHTAK: Gurmeet Ram Rahim Singh, head of Dera Sacha Sauda, which claims to have more than 60 million followers worldwide, became prisoner number 1997 of the Rohtak district jail in Sunaria following his conviction in the rape case on Friday. He was flown to the Sunaria jail and taken to his barracks at around 8.30pm after completion of prison formalities.