ಮುಘಲ್‌ಸರಾಯ್‌ ಸ್ಟೇಷನ್‌ ಇನ್ನು ದೀನ್‌ ದಯಾಳ್‌ ಜಂಕ್ಷನ್‌

ಲಖನೌ: ಉತ್ತರ ಪ್ರದೇಶದ ಮುಘಲ್‌ಸರಾಯ್‌ ರೈಲು ನಿಲ್ದಾಣಕ್ಕೆ ಭಾನುವಾರ ಆರೆಸ್ಸೆಸ್‌ ಚಿಂತಕ ದೀನ್‌ ದಯಾಳ್‌ ಉಪಾಧ್ಯಾಯ ಅವರ ಹೆಸರು ಇಡಲಾಗುತ್ತಿದೆ.

ದಿಲ್ಲಿ-ಹೌರಾ ಮಾರ್ಗದಲ್ಲಿರುವ ಶತಮಾನಗಳಷ್ಟು ಹಳೆಯ ಸ್ಟೇಷನ್‌ಗೆ ಮರುನಾಮಕರಣ ಮಾಡುವ ಕಾರ್ಯಕ್ರಮದಲ್ಲಿ ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ, ರೈಲ್ವೆ ಸಚಿವ ಪಿಯೂಷ್‌ ಗೋಯಲ್‌, ಸಿಎಂ ಆದಿತ್ಯನಾಥ್‌ ಅವರು ಪ್ರಯಾಣಿಕ ರೈಲು ಮತ್ತು ಮಹಿಳಾ ಸಿಬ್ಬಂದಿಯೇ ಇರುವ ಗೂಡ್ಸ್‌ ರೈಲಿಗೆ ಹಸಿರು ನಿಶಾನೆ ತೋರಲಿದ್ದಾರೆ. ಉಪಾಧ್ಯಾಯ ಅವರು 1968ರ ಫೆಬ್ರವರಿಯಲ್ಲಿ ಮುಘಲ್‌ಸರಾಯ್‌ ಸ್ಟೇಷನ್‌ನಲ್ಲಿ ನಿಗೂಢವಾಗಿ ಮೃತಪಟ್ಟಿದ್ದರು. ಮುಘಲ್‌ ಸರಾಯ್‌ ಮಾಜಿ ಪ್ರಧಾನಿ ಲಾಲ್‌ ಬಹಾದೂರ್‌ ಶಾಸ್ತ್ರಿ ಅವರ ಹುಟ್ಟೂರೂ ಹೌದು.