ಹೊಸದಿಲ್ಲಿ: ಅಂಬಾನಿ ಮನೆಯಲ್ಲಿ ಮಂಗಳವಾದ್ಯಗಳು ಮೊಳಗುವ ಸಮಯ ಬಂದೇ ಬಿಟ್ಟಿದೆ. ಮುಕೇಶ್ ಅಂಬಾನಿ ಹಿರಿಯ ಪುತ್ರ ಆಕಾಶ್ ಅಂಬಾನಿ ಶೀಘ್ರದಲ್ಲೇ ಸಪ್ತಪದಿ ತುಳಿಯಲಿದ್ದಾರೆ ಎಂದು ವಿಶ್ವಾಸಾರ್ಹ ಮೂಲಗಳು ತಿಳಿಸಿವೆ. ಈ ಕಾರ್ಪೊರೇಟ್ ಯುವರಾಜನ ಕೈಹಿಡಿಯಲಿರುವ ವಧು ಬೇರಾರು ಅಲ್ಲ ಡೈಮಂಡ್ ಕಿಂಗ್ ಎಂದೇ ಹೆಸರಾಗಿರುವ ರಸ್ಸೆಲ್ ಮೊಹ್ತಾ ಮಗಳು ಶ್ಲೋಕಾ ಮೆಹ್ತಾ ಎನ್ನಲಾಗಿದೆ.
ಇವರಿಬ್ಬರ ನಿಶ್ಚಿತಾರ್ಥ ಕೆಲ ವಾರಗಳಲ್ಲೇ ಪ್ರಕಟವಾಗಲಿದೆಯಂತೆ. ಇದೇ ವರ್ಷದ ಡಿಸೆಂಬರ್ ಆರಂಭದಲ್ಲಿ ಮದುವೆಗೆ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗುತ್ತಿವೆ ಎಂದಿವೆ ಮೂಲಗಳು. ಆದರೆ ಈ ಮದುವೆ ಬಗ್ಗೆ ಎರಡೂ ಕುಟುಂಬಿಕರು ಪ್ರತಿಕ್ರಿಯಿಸಲು ನಿರಾಕರಿಸಿವೆ.
ನಿಶ್ಚಿತಾರ್ಥ, ಮದುವೆಗೆ ಸಂಬಂಧಿಸಿದಂತೆ ದಿನಾಂಕಗಳು ಯಾವುದೂ ಇನ್ನೂ ಪಕ್ಕಾ ಆಗಿಲ್ಲ ಎಂದು ಅಂಬಾನಿ ಕುಟುಂಬದ ಆತ್ಮೀಯ ಮೂಲಗಳು ತಿಳಿಸಿವೆ. 'ಆಕಾಶ್ ಅಂಬಾನಿ ಮದುವೆಗೆ ಸಂಬಂಧಿಸಿದಂತೆ ಶುಭಸುದ್ದಿಯನ್ನು ಸೂಕ್ತ ಸಮಯದಲ್ಲಿ ಮುಕೇಶ್ ಅಂಬಾನಿ ಕುಟುಂಬ ಸ್ವತಃ ಎಲ್ಲರೊಂದಿಗೆ ಹಂಚಿಕೊಳ್ಳಲಿದೆ. ಮದುವೆ ನಿಶ್ಚಯವಾದರೆ ಖಂಡಿತವಾಗಿ ಭಾರತದಲ್ಲೇ ನಡೆಯುತ್ತದೆ' ಎಂದಿವೆ ಮೂಲಗಳು. ಇದೇ ತಿಂಗಳು 24ರಂದು ನಿಶ್ಚಿತಾರ್ಥ ನಡೆಯಲಿದೆ ಎಂಬ ಸುದ್ದಿಯನ್ನು ತಳ್ಳಿಹಾಕಿದ್ದಾರೆ.
ಶ್ಲೋಕಾ ಮೆಹ್ತಾ ಯಾರು?
'ರೋಜಿ ಬ್ಲೂ ಡೈಮಂಡ್' ಮಾಲೀಕ ರಸ್ಸೆಲ್ ಮೆಹ್ತಾ ಕುಟುಂಬಕ್ಕೂ ಮುಕೇಶ್ ಅಂಬಾನಿ ಕುಟುಂಬಕ್ಕೂ ಒಳ್ಳೆಯ ಸ್ನೇಹ ಸಂಬಂಧ ಇದೆ. ಶ್ಲೋಕಾ ಮೆಹ್ತಾ, ಆಕಾಶ್ ಅಂಬಾನಿ ಇಬ್ಬರೂ ಪರಿಚಿತರು ಎಂದಿವೆ ಮೂಲಗಳು. ಧೀರೂಬಾಯಿ ಅಂಬಾನಿ ಇಂಟರ್ನ್ಯಾಶನಲ್ ಶಾಲೆಯಲ್ಲಿ ಇವರಿಬ್ಬರೂ ಒಟ್ಟಿಗೆ ಓದಿಕೊಂಡಿದ್ದಾರೆ. 2009ರಲ್ಲಿ ಹೈಸ್ಕೂಲ್ ಶಿಕ್ಷಣವನ್ನು ಮುಗಿಸಿದ ಶ್ಲೋಕಾ ಮೆಹ್ತಾ ಬಳಿಕ ಪ್ರಿನ್ಸ್ಟನ್ ಯೂನಿವರ್ಸಿಟಿಯಲ್ಲಿ ಮಾನವಶಾಸ್ತ್ರದಲ್ಲಿ ಪದವಿ ಪಡೆದಿದ್ದಾರೆ. ಲಂಡನ್ ಸ್ಕೂಲ್ ಆಫ್ ಎಕನಮಿಕ್ಸ್ ಅಂಡ್ ಪೊಲಿಟಿಕಲ್ ಸೈನ್ಸ್ನಿಂದ ನ್ಯಾಯಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನೂ ಪಡೆದಿದ್ದಾರೆ.
ರೋಜಿ ಬ್ಲೂ ಫೌಂಡೇಷನ್ನಲ್ಲಿ 2014 ಜುಲೈನಿಂದ ನಿರ್ದೇಶಕಿಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಇದಿಷ್ಟೇ ಅಲ್ಲದೆ ಸರಕಾರೇತರ ಸಂಸ್ಥೆಗಳಿಗೆ ಬೇಕಾಗುವ ಸ್ವಯಂಸೇವಕರನ್ನು ಹೊಂದಿಸುವ 'ಕನೆಕ್ಟ್ಫರ್' ಎಂಬ ಸಂಸ್ಥೆಯ ಸಹ ವ್ಯವಸ್ಥಾಪಕಿಯಾಗಿಯೂ ಕೆಲಸ ಮಾಡುತ್ತಿದ್ದಾರೆ. ರಸ್ಸೆಲ್, ಮೋನಾ ಮೊಹ್ತಾ ಮೂವರು ಮಕ್ಕಳಲ್ಲಿ ಕೊನೆಯವರು ಶ್ಲೋಕಾ ಮೆಹ್ತಾ.
ಇನ್ನು ಮುಕೇಶ್ ಮತ್ತು ನೀತಾ ಅಂಬಾನಿಗೂ ಮೂವರು ಮಕ್ಕಳು. ಇವರಲ್ಲಿ ಹಿರಿಯ ಮಗ ಆಕಾಶ್ ಮತ್ತು ಮಗಳು ಇಷಾ ಅಂಬಾನಿ ಅವಳಿ ಮಕ್ಕಳು. ಕಿರಿಯ ಮಗ ಅನಂತ್ ಅಂಬಾನಿ. ರಿಲಯನ್ಸ್ ಇಂಡಸ್ಟ್ರೀಸ್ ಟೆಲಿಕಾಂ ವೆಂಚರ್ನ ರಿಯಲಯನ್ಸ್ ಜಿಯೋ ಕಂಪೆನಿ ಮಂಡಳಿಯಲ್ಲಿ ಈಗಾಗಲೆ ಆಕಾಶ್ ಅಂಬಾನಿ ನಿರ್ದೇಶಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ವಿಶೇಷ ಎಂದರೆ ಪಂಜಾಬ್ ನ್ಯಾಶನಲ್ ಬ್ಯಾಂಕ್ (ಪಿಎನ್ಬಿ) ಹಗರಣದ ಪ್ರಮುಖ ಆರೋಪಿ, ವಿದೇಶಕ್ಕೆ ಪರಾರಿಯಾಗಿರುವ ವಜ್ರದ ವ್ಯಾಪಾರಿ ನೀರವ್ ಮೋದಿಗೆ ಮೋನಾ ಮೆಹ್ತಾ ಸಂಬಂಧಿಕರು ಎಂಬುದು ವಿಶೇಷ.
ಇವರಿಬ್ಬರ ನಿಶ್ಚಿತಾರ್ಥ ಕೆಲ ವಾರಗಳಲ್ಲೇ ಪ್ರಕಟವಾಗಲಿದೆಯಂತೆ. ಇದೇ ವರ್ಷದ ಡಿಸೆಂಬರ್ ಆರಂಭದಲ್ಲಿ ಮದುವೆಗೆ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗುತ್ತಿವೆ ಎಂದಿವೆ ಮೂಲಗಳು. ಆದರೆ ಈ ಮದುವೆ ಬಗ್ಗೆ ಎರಡೂ ಕುಟುಂಬಿಕರು ಪ್ರತಿಕ್ರಿಯಿಸಲು ನಿರಾಕರಿಸಿವೆ.
ನಿಶ್ಚಿತಾರ್ಥ, ಮದುವೆಗೆ ಸಂಬಂಧಿಸಿದಂತೆ ದಿನಾಂಕಗಳು ಯಾವುದೂ ಇನ್ನೂ ಪಕ್ಕಾ ಆಗಿಲ್ಲ ಎಂದು ಅಂಬಾನಿ ಕುಟುಂಬದ ಆತ್ಮೀಯ ಮೂಲಗಳು ತಿಳಿಸಿವೆ. 'ಆಕಾಶ್ ಅಂಬಾನಿ ಮದುವೆಗೆ ಸಂಬಂಧಿಸಿದಂತೆ ಶುಭಸುದ್ದಿಯನ್ನು ಸೂಕ್ತ ಸಮಯದಲ್ಲಿ ಮುಕೇಶ್ ಅಂಬಾನಿ ಕುಟುಂಬ ಸ್ವತಃ ಎಲ್ಲರೊಂದಿಗೆ ಹಂಚಿಕೊಳ್ಳಲಿದೆ. ಮದುವೆ ನಿಶ್ಚಯವಾದರೆ ಖಂಡಿತವಾಗಿ ಭಾರತದಲ್ಲೇ ನಡೆಯುತ್ತದೆ' ಎಂದಿವೆ ಮೂಲಗಳು. ಇದೇ ತಿಂಗಳು 24ರಂದು ನಿಶ್ಚಿತಾರ್ಥ ನಡೆಯಲಿದೆ ಎಂಬ ಸುದ್ದಿಯನ್ನು ತಳ್ಳಿಹಾಕಿದ್ದಾರೆ.
ಶ್ಲೋಕಾ ಮೆಹ್ತಾ ಯಾರು?
'ರೋಜಿ ಬ್ಲೂ ಡೈಮಂಡ್' ಮಾಲೀಕ ರಸ್ಸೆಲ್ ಮೆಹ್ತಾ ಕುಟುಂಬಕ್ಕೂ ಮುಕೇಶ್ ಅಂಬಾನಿ ಕುಟುಂಬಕ್ಕೂ ಒಳ್ಳೆಯ ಸ್ನೇಹ ಸಂಬಂಧ ಇದೆ. ಶ್ಲೋಕಾ ಮೆಹ್ತಾ, ಆಕಾಶ್ ಅಂಬಾನಿ ಇಬ್ಬರೂ ಪರಿಚಿತರು ಎಂದಿವೆ ಮೂಲಗಳು. ಧೀರೂಬಾಯಿ ಅಂಬಾನಿ ಇಂಟರ್ನ್ಯಾಶನಲ್ ಶಾಲೆಯಲ್ಲಿ ಇವರಿಬ್ಬರೂ ಒಟ್ಟಿಗೆ ಓದಿಕೊಂಡಿದ್ದಾರೆ. 2009ರಲ್ಲಿ ಹೈಸ್ಕೂಲ್ ಶಿಕ್ಷಣವನ್ನು ಮುಗಿಸಿದ ಶ್ಲೋಕಾ ಮೆಹ್ತಾ ಬಳಿಕ ಪ್ರಿನ್ಸ್ಟನ್ ಯೂನಿವರ್ಸಿಟಿಯಲ್ಲಿ ಮಾನವಶಾಸ್ತ್ರದಲ್ಲಿ ಪದವಿ ಪಡೆದಿದ್ದಾರೆ. ಲಂಡನ್ ಸ್ಕೂಲ್ ಆಫ್ ಎಕನಮಿಕ್ಸ್ ಅಂಡ್ ಪೊಲಿಟಿಕಲ್ ಸೈನ್ಸ್ನಿಂದ ನ್ಯಾಯಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನೂ ಪಡೆದಿದ್ದಾರೆ.
ರೋಜಿ ಬ್ಲೂ ಫೌಂಡೇಷನ್ನಲ್ಲಿ 2014 ಜುಲೈನಿಂದ ನಿರ್ದೇಶಕಿಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಇದಿಷ್ಟೇ ಅಲ್ಲದೆ ಸರಕಾರೇತರ ಸಂಸ್ಥೆಗಳಿಗೆ ಬೇಕಾಗುವ ಸ್ವಯಂಸೇವಕರನ್ನು ಹೊಂದಿಸುವ 'ಕನೆಕ್ಟ್ಫರ್' ಎಂಬ ಸಂಸ್ಥೆಯ ಸಹ ವ್ಯವಸ್ಥಾಪಕಿಯಾಗಿಯೂ ಕೆಲಸ ಮಾಡುತ್ತಿದ್ದಾರೆ. ರಸ್ಸೆಲ್, ಮೋನಾ ಮೊಹ್ತಾ ಮೂವರು ಮಕ್ಕಳಲ್ಲಿ ಕೊನೆಯವರು ಶ್ಲೋಕಾ ಮೆಹ್ತಾ.
ಇನ್ನು ಮುಕೇಶ್ ಮತ್ತು ನೀತಾ ಅಂಬಾನಿಗೂ ಮೂವರು ಮಕ್ಕಳು. ಇವರಲ್ಲಿ ಹಿರಿಯ ಮಗ ಆಕಾಶ್ ಮತ್ತು ಮಗಳು ಇಷಾ ಅಂಬಾನಿ ಅವಳಿ ಮಕ್ಕಳು. ಕಿರಿಯ ಮಗ ಅನಂತ್ ಅಂಬಾನಿ. ರಿಲಯನ್ಸ್ ಇಂಡಸ್ಟ್ರೀಸ್ ಟೆಲಿಕಾಂ ವೆಂಚರ್ನ ರಿಯಲಯನ್ಸ್ ಜಿಯೋ ಕಂಪೆನಿ ಮಂಡಳಿಯಲ್ಲಿ ಈಗಾಗಲೆ ಆಕಾಶ್ ಅಂಬಾನಿ ನಿರ್ದೇಶಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ವಿಶೇಷ ಎಂದರೆ ಪಂಜಾಬ್ ನ್ಯಾಶನಲ್ ಬ್ಯಾಂಕ್ (ಪಿಎನ್ಬಿ) ಹಗರಣದ ಪ್ರಮುಖ ಆರೋಪಿ, ವಿದೇಶಕ್ಕೆ ಪರಾರಿಯಾಗಿರುವ ವಜ್ರದ ವ್ಯಾಪಾರಿ ನೀರವ್ ಮೋದಿಗೆ ಮೋನಾ ಮೆಹ್ತಾ ಸಂಬಂಧಿಕರು ಎಂಬುದು ವಿಶೇಷ.