ಪ್ಯಾರಡೈಸ್‌ ಪೇಪರ್ಸ್‌: ಬಹು ಸಂಸ್ಥೆಗಳಿಂದ ತನಿಖೆ

ನವದೆಹಲಿ: ಸುಳ್ಳು ಲೆಕ್ಕಗಳನ್ನು ತೋರಿಸಿ ಲೆಕ್ಕ ತಪ್ಪಿಸಿ ವಿದೇಶಗಳಲ್ಲಿ ಬಂಡವಾಳ ಹೂಡಿಕೆ ಮಾಡಿದವರ ಹೆಸರು ಪ್ಯಾರಡೈಸ್‌ ಪೇಪರ್ಸ್‌ನಲ್ಲಿ ಪ್ರಕಟಗೊಂಡಿದ್ದು, ಈ ಕುರಿತು ಒಕ್ಕೂಟ ಸಂಸ್ಥೆಗಳು ತನಿಖೆ ನಡೆಸಲು ಮುಂದಾಗಿದೆ.

ಈ ಹಿಂದೆ ಇದೇ ಮಾದರಿಯಲ್ಲಿ ಪನಾಮಾ ಪೇಪರ್ಸ್‌ ಲೀಕ್‌ ಆದ ಸಂದರ್ಭದಲ್ಲಿ ತನಿಖೆ ನಡೆಸಲು ರಚನೆಯಾಗಿದ್ದ ಒಕ್ಕೂಟ ಸಂಸ್ಥೆಗಳೇ ಈಗ ತನಿಖೆ ನಡೆಸಲು ಮತ್ತೆ ಮುಂದಾಗಿದೆ.

ಈ ಒಕ್ಕೂಟ ಸಂಸ್ಥೆಯಲ್ಲಿ ಕೇಂದ್ರೀಯ ನೇರ ತೆರಿಗೆ ಮಂಡಳಿ, ಆದಾಯ ತೆರಿಗೆ ಇಲಾಖೆ, ಜಾರಿ ನಿರ್ದೇಶನಾಲಯದ ಹಾಗೂ ಆರ್ಥಿಕ ಗುಪ್ತಚರ ಇಲಾಖೆ ಹಾಗೂ ಭಾರತೀಯ ರಿಸರ್ವ್‌ ಬ್ಯಾಂಕ್‌ ಅಧಿಕಾರಿಗಳು ಇರುತ್ತಾರೆ.

ಈ ಸಂಸ್ಥೆಯು ಮೊದಲಿಗೆ ಕಂಪನಿಗಳ ಆದಾಯ ತೆರಿಗೆ ಸಲ್ಲಿಕೆಯ ಮಾಹಿತಿಯನ್ನು ಪರಿಶೀಲಿಸಲಿದೆ. ನಂತರ ಮುಂದಿನ ಕ್ರಮಗಳನ್ನು ತೆಗೆದುಕೊಳ್ಳುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸುಳ್ಳು ಲೆಕ್ಕಗಳನ್ನು ತೋರಿಸಿ ತೆರಿಗೆ ತಪ್ಪಿಸುವ ಮೂಲಕ ವಿದೇಶಗಳಲ್ಲಿ ಬಂಡವಾಳ ಹೂಡಿದ 714 ಭಾರತೀಯರ ಮಾಹಿತಿಯನ್ನು ಆಪಲ್‌ಬೈ ಕಾನೂನು ಸಂಸ್ಥೆ ಬಹಿರಂಗಪಡಿಸಿತ್ತು, 180 ದೇಶಗಳ ಮಾಹಿತಿಗಳನ್ನು ಒಳಗೊಂಡ ಈ 'ಪ್ಯಾರಡೈಸ್‌ ಪೇಪರ್ಸ್‌'ನಲ್ಲಿ ತೆರಿಗೆ ವಂಚಕರ ಪಟ್ಟಿಯಲ್ಲಿ ಭಾರತ 19ನೇ ಸ್ಥಾನದಲ್ಲಿದೆ.

Multi-agency group on Panama leak to probe Paradise Papers