ಮಲಬಾರ್ ಹಿಲ್ಸ್ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಲೋಧಾ 441 ಕೋಟಿ ರೂ. ಆಸ್ತಿಗೆ ಒಡೆಯ!

ಮುಂಬಯಿ: ಮಹಾರಾಷ್ಟ್ರ ವಿಧಾನಸಭೆ ಚುನಾವಣೆಗೆ ಮುಂಬಯಿಯ ಪ್ರತಿಷ್ಠಿತ ಮಲಬಾರ್‌ ಹಿಲ್ಸ್‌ ಕ್ಷೇತ್ರದಿಂದ ಕಣಕ್ಕೆ ಇಳಿದಿರುವ ಬಿಜೆಪಿಯ ಮಂಗಲ್‌ ಪ್ರಭಾತ್‌ ಲೋಧಾ ಅವರು ತಮ್ಮ ಕುಟುಂಬದ ಆಸ್ತಿ 441 ಕೋಟಿ ರೂ. ಎಂದು ಘೋಷಿಸಿಕೊಂಡಿದ್ದಾರೆ.

ಮುಂಬಯಿ ಬಿಜೆಪಿ ಘಟಕದ ಮುಖ್ಯಸ್ಥರೂ ಆಗಿರುವ 63 ವರ್ಷದ ಲೋಧಾ ಅವರು ಮಲಬಾರ್‌ ಕ್ಷೇತ್ರದಿಂದ ಸತತ ಆರನೇ ಬಾರಿಗೆ ಆಯ್ಕೆ ಇಳಿದಿದ್ದಾರೆ.

ಮಹಾರಾಷ್ಟ್ರ ಚುನಾವಣೆಗೂ ಮುನ್ನ ಫಡ್ನವೀಸ್‌ಗೆ ಹಿನ್ನಡೆ

ಲೋಧಾ ಸಲ್ಲಿಸಿದ ಅಫಿಡವಿಟ್‌ ಪ್ರಕಾರ ಅವರು ತಮ್ಮ ಹಾಗೂ ಪತ್ನಿಯ ಹೆಸರಿ­ನಲ್ಲಿಒಟ್ಟು 252 ಕೋಟಿ ರೂ. ಚರಾಸ್ತಿ ಹಾಗೂ 189 ಕೋಟಿ ರೂ. ಸ್ಥಿರಾಸ್ತಿ ಹೊಂದಿದ್ದಾರೆ. ಇದಲ್ಲದೇ ಲೋಧಾ ಅವರು 14 ಲಕ್ಷ ರೂ. ಮೌಲ್ಯದ ಜಾಗ್ವಾರ್‌ ಕಾರನ್ನು ಹೊಂದಿ­ದ್ದಾರೆ. ಬಾಂಡ್‌ ಹಾಗೂ ಷೇರುಗಳಲ್ಲಿಹೂಡಿಕೆ ಮಾಡಿದ್ದಾರೆ. 283 ಕೋಟಿ ರೂ. ಮೊತ್ತದ ಸಾಲ ಹೊಂದಿದ್ದಾರೆ.

ಚುನಾವಣಾ ಕಣಕ್ಕೆ ಠಾಕ್ರೆ ಕುಡಿ

ಲೋಧಾ ಅವರ ಕುಟುಂಬ ರಿಯಲ್‌ ಎಸ್ಟೇಟ್‌ ಉದ್ಯಮದಲ್ಲಿದ್ದು, ದಕ್ಷಿಣ ಮುಂಬಯಿನಲ್ಲಿಐದು ಫ್ಲ್ಯಾಟ್‌ಗಳು ಹಾಗೂ ರಾಜಸ್ಥಾನದಲ್ಲಿಒಂದು ನಿವೇಶನವನ್ನು ಹೊಂದಿದೆ. ತಮ್ಮ ವಿರುದ್ಧ ಐದು ಕ್ರಿಮಿನಲ್‌ ಪ್ರಕರಣಗಳು ದಾಖಲಾಗಿರುವು­ದನ್ನೂ ಅಫಿಡವಿಟ್‌ನಲ್ಲಿ ಲೋಧಾ ಘೋಷಿಸಿಕೊಂಡಿದ್ದಾರೆ.

ಮಹಾರಾಷ್ಟ್ರ ವಿಧಾನಸಭೆಗೆ ಅ.21ರಂದು ಚುನಾವಣೆ ನಡೆಯಲಿದ್ದು, ಅ.24­ರಂದು ಫಲಿತಾಂಶ ಹೊರಬೀಳಲಿದೆ.