ಮುಂಬಯಿ ಪೊಲೀಸರ ಮಾನವೀಯತೆ: ರಕ್ತದಾನ ಮಾಡಿ ಮಹಿಳೆಗೆ ನೆರವಾದ ಪೇದೆ

ಮುಂಬಯಿ: ವಾಣಿಜ್ಯ ನಗರಿ ಮುಂಬಯಿಯ ಪೊವೈನಲ್ಲಿ ಪೊಲೀಸರು ಮಾನವೀಯತೆ ಮೆರೆದು ಮಹಿಳೆಯೊಬ್ಬರಿಗೆ ನೆರವಾಗಿದ್ದಾರೆ.

ಪೊವೈನಲ್ಲಿ ತರಕಾರಿ ಮಾರುತ್ತಿದ್ದ ನಿಲೇಸ್‌ ನಾಗೆ ಎಂಬುವವರ ಪತ್ನಿ ಪ್ರಜ್ಞೆ ತಪ್ಪಿ ಬಿದ್ದಿದ್ದರು. ಕೂಡಲೇ ಅವರನ್ನು ಹಿರಾನ್‌ದಾನಿ ಆಸ್ಪತ್ರೆಗೆ ಸೇರಿಸಲಾಯಿತು.

ಐಐಟಿ ಪೊಲೀಸ್‌ ಚೌಕಿಯಲ್ಲಿದ್ದ ಪೊಲೀಸರ ನೆರವಿನೊಂದಿಗೆ ಈಕೆಯನ್ನು ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಯಿತು.

ಆಕೆಗೆ ಬಿ ಪಾಸಿಟಿವ್‌ ರಕ್ತ ಬೇಕಾಗಿತ್ತು. ಆದರೆ ರಕ್ತಬ್ಯಾಂಕ್‌ನಲ್ಲಿ ಅದು ಖಾಲಿಯಾಗಿತ್ತು.

ಕೂಡಲೇ ಗಣೇಶ್‌ ಕಾಟೆ ಎಂಬ ಪೊಲೀಸ್‌ ಪೇದೆ ನೆರವಿಗೆ ಬಂದರು. ವೈದ್ಯರ ಜತೆ ಸಮಾಲೋಚನೆ ನಡೆಸಿದ ನಂತರ ಬಿ ಪಾಸಿಟಿವ್‌ ರಕ್ತವನ್ನು ನೀಡಿ ಮಹಿಳೆಯ ಪ್ರಾಣ ಉಳಿಸಿದರು.

ಗಣೇಶ್‌ ಕಾಟೆ ಅವರ ಮಾನವೀಯ ಹಾಗೂ ಸಾಮಾಜಿಕ ಕಾರ್ಯಕ್ಕೆ ಇಡೀ ಪೊಲೀಸ್‌ ಇಲಾಖೆ ಮೆಚ್ಚುಗೆ ವ್ಯಕ್ತಪಡಿಸಿದೆ.



ಮೂಲ ವರದಿ