ಮೋದಿ ಕಮಲ ತುಲಾಭಾರಕ್ಕೆ ಹೂವು ಪೂರೈಸಿದ್ದು ಮುಸ್ಲಿಂ ಕುಟುಂಬ

ಗುರುವಾಯೂರು: ಪ್ರಧಾನಿಯಾಗಿ 2 ನೇ ಬಾರಿಗೆ ಅಧಿಕಾರ ವಹಿಸಿಕೊಂಡ ಬಳಿಕ ನರೇಂದ್ರ ಮೋದಿ ಗುರುವಾಯೂರಿನ ಶ್ರೀಕೃಷ್ಣ ದೇವಾಲಯಕ್ಕೆ ತೆರಳಿ ತುಲಾಭಾರ ಸೇವೆ ಮಾಡಿಸಿಕೊಂಡಿದ್ದು ಭಾರಿ ಸುದ್ದಿಯಾಗಿತ್ತು.

ಕೇರಳದಲ್ಲಿ ಬಿಜೆಪಿ ಒಂದೇ ಒಂದು ಸ್ಥಾನ ಗೆಲ್ಲದಿದ್ದರೂ ಅಲ್ಲಿನ ಜನರಿಗೆ ಅಭಿನಂದನೆ ಸಲ್ಲಿಸಲು ನರೇಂದ್ರ ಮೋದಿ ಬಂದಿದ್ದರು. ಈ ಸಂದರ್ಭದಲ್ಲಿ ಪ್ರಸಿದ್ಧ ಗುರುವಾಯೂರು ದೇಗುಲಕ್ಕೂ ಮೋದಿ ಭೇಟಿ ಕೊಟ್ಟರು.

ಈ ಸಂದರ್ಭದಲ್ಲಿ ನರೇಂದ್ರ ಮೋದಿ ತುಲಾಭಾರ ಸೇವೆ ಕೂಡ ಮಾಡಿದರು. ಇದಕ್ಕಾಗಿ ಬಳಸಿದ್ದು ಕಮಲದ ಹೂವುಗಳನ್ನು

ಈ ತುಲಾಭಾರ ಸೇವೆಗೆ 112 ಕೆ.ಜಿ ಕಮಲ ಹೂವುಗಳನ್ನು ಬಳಕೆ ಮಾಡಲಾಗಿತ್ತು. ಈ ಕಮಲದ ಹೂವುಗಳನ್ನು ಪೂರೈಕೆ ಮಾಡಿದ್ದು ಯಾರು ಗೊತ್ತೆ. ಮುಸ್ಲಿಂ ಕುಟುಂಬ.

ತುಲಾಭಾರ ಸೇವೆಗೆ ಒಂದಷ್ಟು ಹೂವುಗಳನ್ನು ತಮಿಳುನಾಡಿನ ನಾಗರ್ ಕೋಯಿಲ್ ನಿಂದ ತರಿಸಿಕೊಳ್ಳಲಾಗಿತ್ತು. ಇನ್ನು ಉಳಿದಿದ್ದನ್ನು ಕೇರಳದ ತಿರುಣ್ಣಾವಾಯ ಗ್ರಾಮದ ಮುಸ್ಲಿಂ ಕುಟುಂಬದವರು ಪೂರೈಸಿದರು.

ಈ ಗ್ರಾಮದವರು ಮುಸಲ್ಮಾನ ಕುಟುಂಬಗಳು ಕಮಲದ ಹೂವು ಬೆಳೆಯುತ್ತಿದ್ದು, ದಶಕಗಳಿಂದಲೂ ದೇವಾಲಯಕ್ಕೆ ಪೂರೈಕೆ ಮಾಡುತ್ತಿವೆ.

ಗುರುವಾಯೂರು ದೇವಾಲಯ ಸೇರಿದಂತೆ ಕೇರಳದ ವಿವಿಧ ದೇವಾಲಯಗಳಿಗೆ ಒಟ್ಟಾರೆ 20,000 ಕಮಲದ ಹೂವುಗಳನ್ನು ಪೂರೈಕೆ ಮಾಡುತ್ತಾರೆ.