ತರೂರ್‌ ಮುಖಕ್ಕೆ ಮಸಿ ಬಳಿದರೆ ಮುಸ್ಲಿಂ ನಾಯಕನಿಂದ ಇನಾಮು

ಆಗ್ರಾ: ಒಂದೊಮ್ಮೆ 2019ರಲ್ಲಿ ಬಿಜೆಪಿ ಮತ್ತೆ ಜಯ ಗಳಿಸಿದರೆ ಭಾರತ 'ಹಿಂದೂ ಪಾಕಿಸ್ತಾನ' ಆಗುತ್ತದೆ ಎಂಬ ಹೇಳಿಕೆಯಿಂದ ಸಿಟ್ಟಾಗಿರುವ ಆಲಿಗಢದ ಮುಸ್ಲಿಂ ಯುವ ನಾಯಕರೊಬ್ಬರು ಕಾಂಗ್ರೆಸ್‌ ಸಂಸದ ಶಶಿ ತರೂರ್‌ ಮುಖಕ್ಕೆ ಮಸಿ ಬಳಿಯುವವರಿಗೆ 11 ಸಾವಿರ ರೂ. ಬಹುಮಾನ ನೀಡುವುದಾಗಿ ಪ್ರಕಟಿಸಿದ್ದಾರೆ.

ಆಲಿಗಢದ ಮುಸ್ಲಿಂ ಯುವ ಸಂಘಟನೆಯ ಅಧ್ಯಕ್ಷರಾಗಿರುವ ಮೊಹಮ್ಮದ್‌ ಆಮೀರ್‌ ರಶೀದ್‌ ಪ್ರಕಾರ, ಶಶಿ ತರೂರ್‌ ಕೇವಲ ಹಿಂದೂಗಳ ಭಾವನೆಗಳನ್ನಷ್ಟೇ ಅಲ್ಲ, ರಾಷ್ಟ್ರೀಯವಾದಿ ಮುಸ್ಲಿಮರ ಭಾವನೆಗೂ ಘಾಸಿಯುಂಟು ಮಾಡಿದ್ದಾರೆ. ''ಹಿಂದೂ-ಮುಸ್ಲಿಂ ಏಕತೆ ನಮ್ಮ ಸಾಂಸ್ಕೃತಿಕ ಪರಂಪರೆ. ತರೂರ್‌ ಅವರು ಅದನ್ನು ಅಪಮಾನಿಸಲು ಯತ್ನಿಸಿದ್ದಾರೆ.'' ಎಂದು ರಶೀದ್‌ ಕಿಡಿ ಕಾದಿರಿಸಿದ್ದಾರೆ.