ಮೋದಿಗೆ ಕೌಟುಂಬಿಕ ಪ್ರೀತಿ, ವಾತ್ಸಲ್ಯವೇ ಗೊತ್ತಿಲ್ಲ: ಚಂದ್ರಬಾಬು ನಾಯ್ಡು

ವಿಜಯವಾಡ: ಪ್ರಧಾನಿ ನರೇಂದ್ರ ಮೋದಿ ಮತ್ತು ಚಂದ್ರಬಾಬು ನಾಯ್ಡು ನಡುವಿನ ಮಾತಿನ ಸಮರ ದಿನದಿಂದ ದಿನಕ್ಕೆ ಜೋರಾಗುತ್ತಿದೆ.

ಗುಂಟೂರಿನಲ್ಲಿ ಭಾಷಣ ಮಾಡಿದ ಪ್ರಧಾನಿ ಮೋದಿ, ಆಂಧ್ರ ಸಿಎಂ ಚಂದ್ರಬಾಬು ನಾಯ್ಡು ಅವರನ್ನು ಫಾದರ್‌ ಆಫ್‌ ಲೋಕೇಶ್‌ ಎಂದು ಹೇಳಿರುವುದೇ ಇಬ್ಬರು ನಾಯಕರು ನಡುವಿನ ಮಾತಿನ ಚಕಮಕಿಗೆ ನಾಂದಿ ಹಾಡಿದೆ.

ಮೋದಿ ಭಾಷಣ ಮಾಡಿದ ಬೆನ್ನಲ್ಲೇ ವಿಜಯವಾಡದಲ್ಲಿ ಭಾಷಣ ಮಾಡಿದ ಚಂದ್ರಬಾಬು ನಾಯ್ಡು ಪ್ರಧಾನಿ ಮೋದಿ ವಿರುದ್ಧ ವಾಗ್ಬಾಣ ಬಿಟ್ಟರು.

ಮೋದಿಗೆ ಪತ್ನಿ ಇದ್ದಾರೆ. ಅವರ ಹೆಸರು ಜಶೋಧಾಬೆನ್‌ ಎಂಬುದು. ಪತ್ನಿಯನ್ನು ಬಿಟ್ಟು ಮೋದಿ ವರ್ಷಗಳೇ ಆಗಿದೆ. ಅವರಿಗೆ ಕುಟುಂಬದ ಪ್ರೀತಿ, ವಾತ್ಸಲ್ಯದ ಬಗ್ಗೆ ಅಥವಾ ಕುಟುಂಬ ವ್ಯವಸ್ಥೆಯ ಬಗ್ಗೆ ಅರಿವೇ ಇಲ್ಲ ಎಂದು ಟೀಕಿಸಿದರು.

ನನಗೆ ಕುಟುಂಬ ಇದೆ. ಅವರಿಗೆ ಪ್ರೀತಿ ಇದೆ ಎಂದು ನಾಯ್ಡು ತಿಳಿಸಿದರು.

ನನ್ನ ಮಗನ ಬಗ್ಗೆ ಹೇಳಿದ್ದಕ್ಕೆ ನಾನು ನಿಮ್ಮ ಪತ್ನಿಯ ಹೆಸರನ್ನು ಹೇಳಿದ್ದೇನೆ ಎಂದು ಸ್ಪಷ್ಟಪಡಿಸಿದರು.

ದೇಶದಲ್ಲಿ ಮೋದಿ ಆಡಳಿತದಿಂದ ಸಂಪುರ್ಣ ವ್ಯವಸ್ಥೆಯೇ ಹದಗೆಟ್ಟಿದೆ ಎಂದು ಚಂದ್ರಬಾಬು ನಾಯ್ಡು ತಿಳಿಸಿದರು.