#MeToo: ನನ್ನ ವಿರುದ್ಧ ಆರೋಪ ನಿರಾಧಾರ, ಸುಳ್ಳು: ನಾನಾ ಪಾಟೇಕರ್

[This story originally published in times of India oct 20, 2018]

ಮುಂಬಯಿ: ತನುಶ್ರೀ ದತ್ತ ಮಾಡಿರುವ ಆರೋಪದ ಬಗ್ಗೆ ವಿವರಣೆ ನೀಡುವಂತೆ ಸಿನಿ ಹಾಗೂ ಟಿವಿ ಕಲಾವಿದರ ಸಂಘ ನಾನಾ ಪಾಟೇಕರ್ ಗೆ ನೋಟಿಸ್‌ ನೀಡಿದೆ.

ಈ ನೋಟಿಸ್‌ಗೆ ಪ್ರತಿಕ್ರಿಯೆ ನೀಡಿರುವ ನಾನಾ ಪಾಟೇಕರ್, ಇದೊಂದು ಆಧಾರ ತಹಿತ ಹಾಗೂ ಸುಳ್ಳು ಆರೋಪ ಎಂದು ಹೇಳಿದ್ದಾರೆ. ಮೀ ಟೂ ಅಭಿಯಾನದ ಲೈಂಗಿಕ ಕಿರುಕುಳದ ಆರೋಪದ ಬಗ್ಗೆ ತಮ್ಮ ಅಭಿಪ್ರಾಯ ಹಾಗೂ ವಿವರಗಳನ್ನು ಸಲ್ಲಿಸುವಂತೆ ಸಂಘ ಹೇಳಿದೆ.

ಈ ಸಂಬಂಧ ಸುದ್ದಿಗೋಷ್ಠಿ ನಡೆಸಿದ್ದ ಸಿನಿ ಹಾಗೂ ಟಿವಿ ಕಲಾವಿದರ ಸಂಘ, ಈ ಆರೋಪವನ್ನು ಗಂಭೀರವಾಗಿ ಪರಿಗಣಿಸಲಾಗಿದ್ದು, ವಿಚಾರಣೆ ನಡೆಸಿ, ಸೂಕ್ತ ಕ್ರಮ ಕೈಗೊಳ್ಳುವುದಾಗಿ ಹೇಳಿತ್ತು.

ತನುಶ್ರೀ ದತ್ತ ಅವರ ಆರೋಪದಲ್ಲಿ ಸತ್ಯಾಂಶಗಳೇ ಇಲ್ಲ. ಈ ಸಂಬಂಧ ಸೂಕ್ತ ಕಾನೂನು ಕ್ರಮ ತೆಗೆದುಕೊಳ್ಳುವ ಬಗ್ಗೆಯೂ ನಿರ್ಧರಿಸಲಾಗಿದೆ ಎಂದು ನಾನಾ ಪಾಟೇಕರ್‌ ತಮ್ಮ ವಿವರಣೆಯಲ್ಲಿ ಹೇಳಿದ್ದಾರೆ ಎಂದು ಎಎನ್‌ಐ ಸುದ್ದಿ ಸಂಸ್ಥೆ ಹೇಳಿದೆ.

2008ರಲ್ಲಿ ಹಾರ್ನ್‌ ಒಕ್ ಪ್ಲೀಸ್‌ ಎಂಬ ಚಿತ್ರದ ಸೆಟ್‌ನಲ್ಲಿ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದರು. ಅಲ್ಲದೆ ಈ ಸಂಬಂಧ ಪೊಲೀಸರಿಗೂ ದೂರು ನೀಡಿದ್ದರು. ಇದರೊಂದಿಗೆ ನೃತ್ಯ ನಿರ್ದೇಶಕ ಗಣೇಶ್‌ ಆಚಾರ್ಯ, ರಾಕೇಶ್ ಸಾರಂಗ್‌, ಸಮಿ ಸಿದ್ದಿಕ್‌ ಅವರ ವಿರುದ್ಧವೂ ಆರೋಪ ದಾಖಲಾಗಿತ್ತು. ಈ ಬಳಿಕ ಮೀ ಟೂ ಅಭಿಯಾನ ಸಾಮಾಜಿಕ ತಾಣದಲ್ಲಿ ಆರಂಭಗೊಂಡು, ಹಲವಾರು ಮಹಿಳೆಯರು ತಮ್ಮ ಅನುಭವಗಳನ್ನು ಸಮಾಜಿಕ ತಾಣಗಳಲ್ಲಿ ಪೋಸ್ಟ್‌ ಮಾಡಿದ್ದರು.