ಪದ್ಮಶ್ರೀ ಪುರಸ್ಕೃತ ಮೊದಲ ತೃತೀಯ ಲಿಂಗಿ ನರ್ತಕಿ ನಟರಾಜ್‌

ಚೆನ್ನೈ: ತಮಿಳುನಾಡಿನ ಡ್ಯಾನ್ಸರ್‌ ನರ್ತಕಿ ನಟರಾಜ್‌ ಅವರು ಪದ್ಮ ಶ್ರೀ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಪ್ರತಿಷ್ಠಿತ ನಾಗರಿಕ ಪ್ರಶಸ್ತಿ ಪಡೆದ ಮೊದಲ ತೃತೀಯ ಲಿಂಗಿ ಎಂಬ ಹೆಗ್ಗಳಿಕೆಗೆ ನರ್ತಕಿ ನಟರಾಜ್‌ ಪಾತ್ರರಾಗಿದ್ದಾರೆ.

ಮಧುರೈನಲ್ಲಿ ಜನಿಸಿದ ನರ್ತಕಿ ಗುರುಗಳಾದ ಕೆಪಿ ಕಿಟ್ಟಪ್ಪ ಪಿಲೈ ಅವರಿಂದ ನೃತ್ಯ ಅಭ್ಯಾಸ ನಡೆಸಿದರು. ತಂಜೋರ್‌ ಕ್ವಾರ್ಟೆಟ್‌ ಆಫ್‌ ಭರತನಾಟ್ಯಮ್‌ ಶಾಲೆಯನ್ನು ಆರಂಭಿಸಿದರು.


ನೃತ್ಯದ ಮೇಲೆ ಅಪಾರ ಪ್ರೀತಿ ಹೊಂದಿದ್ದ ನರ್ತಕಿ ತೃತೀಯ ಲಿಂಗಿ ಎಂಬ ಕಾರಣಕ್ಕೆ ಸಮಾಜದಿಂದ ತಿರಸ್ಕೃತರಾಗಿದ್ದರು. ಆದರೆ ಛಲ ಬಿಡದೆ ಸಾಧನೆ ಮಾಡಿದ ನರ್ತಕಿ ರಾಷ್ಟ್ರವೇ ಗುರುತಿಸುವಷ್ಟು ಎತ್ತರಕ್ಕೆ ಬೆಳೆದಿದ್ದಾರೆ.

ವಿಶ್ವಾದ್ಯಂತ ಕಾರ್ಯಕ್ರಮ ನಡೆಸಿಕೊಟ್ಟಿರುವ ನರ್ತಕಿ ಅವರ ಸಾಧನೆಯನ್ನು ಗುರುತಿಸಿದ ತಮಿಳುನಾಡು ಸರಕಾರ ಕಳೆದ ವರ್ಷ ಅವರ ಬಗೆಗಿನ ಪಾಠವನ್ನು ಶಾಲೆಯ ಪುಸ್ತಕಗಳಲ್ಲಿ ಅಳವಡಿಸಿದೆ.