-200 ಡಿಗ್ರಿ ಇರುವ ಚಂದ್ರನ ದಕ್ಷಿಣ ಧ್ರುವಕ್ಕೆ ನಾಸಾ ಮಾನವ ಸಹಿತ ಯಾನ ಕೈಗೊಳ್ಳಲಿದೆಯೇ?

ಚಂದ್ರಯಾನ 2 ವಿಕ್ರಂ ಲ್ಯಾಂಡರ್‌ ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಯುವ ವೇಳೆ ಸಂಪರ್ಕ ಕಡಿದುಕೊಂಡ ಬಳಿಕ ಇದೀಗ ಈ ಪ್ರದೇಶದ ವಾತಾವರಣದ ಗಂಭೀರತೆ ಬಗ್ಗೆ ಎಲ್ಲರ ಚಿತ್ತ ಹರಿದಿದೆ.

ಆದರೆ ಅಮೆರಿಕದ ನಾಸಾ ಸಂಸ್ಥೆ ಚಂದ್ರನ ಸೌತ್‌ ಪೋಲ್‌ ಭಾಗಕ್ಕೆ ಮಾನವನನ್ನೇ ಕಳುಹಿಸುವ ಯೋಜನೆ ಹಾಕಿಕೊಂಡಿದೆ. ಕೆಲ ತಿಂಗಳ ಹಿಂದೆ ನಾಸಾ 2024ರ ವೇಳೆಗೆ ಚಂದ್ರನ ದಕ್ಷಿಣ ಧ್ರುವದಲ್ಲಿನ ಅಧ್ಯಯನಕ್ಕೆ ಮಾನವ ಸಹಿತ ಯಾನ ಕೈಗೊಳ್ಳುವುದಾಗಿ ತಿಳಿಸಿದೆ.

ಅತೀ ಕ್ಲಿಷ್ಟಕರ ವಾತಾವರಣವನ್ನು ಹೊಂದಿರುವ ನಡುವೆಯೂ ಬಾಹ್ಯಾಕಾಶ ಯಾತ್ರೆ ಕೈಗೊಳ್ಳಲಾಗುವುದು ಎಂದು ನಾಸಾ ಹೇಳಿದೆ. ನಾಸಾದ ಲೂನಾರ್‌ ರೆಸೊನೆನ್ಸ್‌ ಆರ್ಬಿಟರ್‌(ಎಲ್‌ಆರ್‌ಒ) ದಕ್ಷಿಣ ಧ್ರುವದ ಭಾಗದಲ್ಲಿ ಚಲಿಸುವ ವೇಳೆ ಅತ್ಯಂತ ಕನಿಷ್ಟ ತಾಪಮಾನ ಅನ್ವೇಷಣೆ ಮಾಡಿದೆ. ಟೋಪೋಗ್ರಫಿ, ತಾಪಮಾನದ ಅಧ್ಯಯನದ ಬಗ್ಗೆ ಈ ವರೆಗಿನ ಅಧ್ಯಯನ ಪ್ರಕಾರ ಅತೀಯಾದ ಐಸ್‌ ಕ್ಯೂಬ್‌ಗಳು, ಫ್ರೋಜನ್‌ ವಾಟರ್‌ ಇರುವ ಸಾಧ್ಯತೆಗಳೇ ಹೆಚ್ಚಿದೆ ಎಂದು ತಿಳಿದು ಬಂದಿದೆ ಎಂದು ನಾಸಾ ವಿಜ್ಞಾನಿಗಳು ತಿಳಿಸಿದ್ದಾರೆ.

ಮಹತ್ವಾಕಾಂಕ್ಷಿ ಚಂದ್ರಯಾನ 2 ಯೋಜನೆ ಶೇ.99 ರಷ್ಟು ಯಶಸ್ವಿ: ಕೆ.ಶಿವನ್

ದಕ್ಷಿಣ ಧ್ರುವ ಪ್ರದೇಶಕ್ಕೆ ಶಾಶ್ವತವಾಗಿ ಬೆಳಕಿನ ಕಿರಣಗಳು ತಲುಪುವುದೇ ಇಲ್ಲ. ಹೀಗಾಗಿಯೇ ಚಂದ್ರನ ದಟ್ಟವಾದ ಕತ್ತಿಲಿನ ಭಾಗವಾಗಿ ಮಾರ್ಪಟ್ಟಿದೆ. ಎಷ್ಟೋ ವರ್ಷಗಳಿಂದಲೇ ಈ ಭಾಗಕ್ಕೆ ಸೂರ್ಯ ಕಿರಣಗಳೇ ಬೀಳದಿದ್ದರಿಂದ ಮಂಜುಗಡ್ಡೆಯ ರೂಪದಲ್ಲಿರುವ ವಸ್ತುಗಳು ಇರುವ ಸಾಧ್ಯತೆಗಳಿವೆ. ಈ ಪ್ರದೇಶದಲ್ಲಿ ಅಧ್ಯಯನ ತೀರಾ ಕ್ಲಿಷ್ಟಕರ ಎಂದು ನಾಸಾ ಹೇಳಿದೆ.

ಚಂದ್ರಾನ್ವೇಷಣೆಯಲ್ಲಿ ಅಮೆರಿಕ, ರಷ್ಯಾಗಳೇ ಮುಗ್ಗರಿಸಿದ್ದವು: ಶೇ.60 ಯೋಜನೆ ಮಾತ್ರ ಯಶಸ್ವಿ

ವಿಶ್ವಕ್ಕೇ ಚಂದ್ರನ ದಕ್ಷಿಣ ಧ್ರುವ ಪ್ರದೇಶದಲ್ಲಿರುವ ಸತ್ಯಾಸತ್ಯತೆಯನ್ನು ತಿಳಿಸಲೆಂದೇ ಕ್ಲಿಷ್ಟಕರ ಪ್ರದೇಶವನ್ನು ಅಧ್ಯಯನಕ್ಕಾಗಿ ಇಸ್ರೋ ಆಯ್ಕೆ ಮಾಡಿತ್ತು. ಈ ಭಾಗದಲ್ಲಿ ಖನಿಜ ಹಾಗೂ ನೀರಿನ ಅಂಶಗಳ ಅಧ್ಯಯನಕ್ಕೆ ಸನ್ನದ್ಧವಾಗಿತ್ತು. ಇಸ್ರೋದ ಚಂದ್ರಯಾನ 2 ಯೋಜನೆಯ ಅನ್ವೇಷಣೆ ಇಡೀ ಬಾಹ್ಯಾಕಾಶ ವಿಜ್ಞಾನಕ್ಕೇ ಬಹುದೊಡ್ಡ ಕೊಡುಗೆಯಾಗುವ ಸಾಧ್ಯತೆ ಇತ್ತು. ಆದರೆ ಇದೀಗ ಲ್ಯಾಂಡರ್‌ ಸಂಪರ್ಕ ಕಡಿದುಕೊಂಡಿರುವ ಹಿನ್ನೆಲೆಯಲ್ಲಿ, ಚಂದ್ರಯಾನ 2 ಆರ್ಬಿಟರ್‌ನನ್ನು ಹೆಚ್ಚು ಕಾಲ ಕಾರ್ಯನಿರ್ವಹಿಸುವಂತೆ ಮಾಡಲಾಗಿದೆ.
ಚಂದ್ರಯಾನ 2 ಕ್ಕೆ ತೊಡಕಾಗಿದ್ದೇನು?: ಚಂದ್ರನ ಕಾಣದ ಮುಖದಲ್ಲಿವೆ ಹಲವು ರಹಸ್ಯಗಳು!!