500ರೂ. ಮುಖಬೆಲೆಯ ಮೊದಲ 50 ಲಕ್ಷ ನೋಟ್‌ ಆರ್‌ಬಿಐಗೆ

ನಾಸಿಕ್‌: 500ರೂ ಹಾಗೂ 1000 ರೂ. ನೋಟ್‌ಗಳು ಬ್ಯಾನ್‌ ಆದ ನಂತರ ನೋಟ್‌ ವಿನಿಮಯಕ್ಕೆ ಪರದಾಡುತ್ತಿದ್ದ ನಾಗರಿಕರಿಗೆ ಸಮಾಧಾನ ಸುದ್ದಿ.

ನಾಸಿಕ್‌ನ ನೋಟ್‌ ಪ್ರೆಸ್‌(ಸಿಎನ್‌ಪಿ), 500ರೂ. ಮುಖಬೆಲೆಯ 50 ಲಕ್ಷ ಹೊಸ ನೋಟ್‌ಗಳನ್ನು ರಿಸರ್ವ್‌ ಬ್ಯಾಂಕ್‌ ಆಫ್‌ ಇಂಡಿಯಾಗೆ ಕಳುಹಿಸುವ ಪ್ರಕ್ರಿಯೆ ಆರಂಭಿಸಿದೆ.

'500ರೂ. ಮುಖಬೆಲೆಯ 50ಲಕ್ಷ ನೋಟ್‌ಗಳ ಮೊದಲ ಕಂತನ್ನು ಸಿಎನ್‌ಪಿ ಬುಧವಾರದೊಳಗೆ ಆರ್‌ಬಿಐಗೆ ಕಳುಹಿಸಲಿದೆ,'ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ನೋಟು ಮುದ್ರಿಸುವ ದೇಶದ 9 ಎಸ್‌ಪಿಎಂಸಿಐಎಲ್‌ಗಳ ಪೈಕಿ ಸಿಎನ್‌ಪಿ ಸಹ ಒಂದಾಗಿದ್ದು, 20ರೂ., 50ರೂ. ಹಾಗೂ 100ರೂ. ಮುಖಬೆಲೆಯ ನೋಟ್‌ಗಳು ಅಲ್ಲಿ ಮುದ್ರಣವಾಗುತ್ತವೆ.

ಮಂಗಳವಾರ ಮಧ್ಯರಾತ್ರಿಯಿಂದ ಜಾರಿ ಬರುವಂತೆ ಸರಕಾರ 500ರೂ. 1000ರೂ. ನೋಟ್‌ಗಳನ್ನು ರದ್ದು ಮಾಡಿ 500ರೂ. ಹಾಗೂ 2000ರೂ. ಮುಖಬೆಲೆಯ ಹೊಸ ನೋಟ್‌ಗಳನ್ನು ಪರಿಚಯಿಸಿದೆ. 2000ರೂ. ಮುಖಬೆಲೆಯ ನೋಟುಗಳು ಈಗಾಗಲೇ ಚಲಾವಣೆಗೆ ಲಭ್ಯವಿದ್ದರೂ, 500ರೂ. ಮುಖಬೆಲೆಯ ಹೊಸ ನೋಟ್‌ ಚಲಾವಣೆಗೆ ಬಂದಿಲ್ಲ.