‘ಚಂದ್ರಯಾನ-2’ ಲ್ಯಾಂಡಿಂಗ್‌ ಲೈವ್‌ ಶೋ

ಹೊಸದಿಲ್ಲಿ: ಇಸ್ರೊನ ಮಹತ್ವಾಕಾಂಕ್ಷೆಯ 'ಚಂದ್ರಯಾನ-2' ವ್ಯೋಮನೌಕೆಯು ಚಂದ್ರನ ದಕ್ಷಿಣ ಧ್ರುವದಲ್ಲಿ 'ಸಾಫ್ಟ್‌ ಲ್ಯಾಂಡಿಂಗ್‌' ಆಗುವ ದೃಶ್ಯವನ್ನು ನೇರ ಪ್ರಸಾರ ಮಾಡುವುದಾಗಿ ನ್ಯಾಷನಲ್‌ ಜಿಯೊಗ್ರಫಿಕ್‌ ಚಾನೆಲ್‌ ಪ್ರಕಟಿಸಿದೆ. ಇಸ್ರೊ ಜತೆ ಸಹಯೋಗದಲ್ಲಿ ಈ ಅಪರೂಪದ ಕ್ಷಣವನ್ನು ಜನರ ಕಣ್ಣಮುಂದೆ ಕಟ್ಟಿಕೊಡಲು 'ಎನ್‌ಜಿಸಿ' ನಿರ್ಧರಿಸಿದೆ. ''ಸೆಪ್ಟೆಂಬರ್‌ ಮೊದಲ ವಾರದಲ್ಲಿ 'ಚಂದ್ರಯಾನ-2' ಚಂದ್ರನ ಅಂಗಳ ತಲುಪಲಿದ್ದು, ಅಂದು ನೇರ ಪ್ರಸಾರ ನೀಡಲಾಗುವುದು. ಜತೆಗೆ, ಇದಕ್ಕೆ ಪೂರಕವಾದ ವಿಡಿಯೊ ವಿವರಗಳು, ತಜ್ಞರ ಸಂದರ್ಶನವನ್ನೂ ಅಂದು ಪ್ರಸಾರ ಮಾಡಲಾಗುವುದು,'' ಎಂದು ಎನ್‌ಜಿಸಿ ಪ್ರಕಟಣೆಯಲ್ಲಿ ತಿಳಿಸಿದೆ.