ನವಿ ಮುಂಬಯಿ: ನಗರದ ಕಮೋಥೆ ಪ್ರದೇಶದಲ್ಲಿ ಯದ್ವಾತದ್ವ ಚಲಿಸಿದ ಕಾರೊಂದು ಇಬ್ಬರನ್ನು ಬಲಿಪಡೆದು, ಇತರೆ ನಾಲ್ವರನ್ನು ಗಾಯಗೊಳಿಸಿದ ಘಟನೆ ಭಾನುವಾರ ಸಂಜೆ ನಡೆದಿದೆ. ಅತೀ ವೇಗವಾಗಿ ಚಲಿಸಿದ ಕಾರು ಸರೋವರ ಹೋಟೆಲ್ ಮುಂಭಾಗ ಚಾಲಕನ ನಿಯಂತ್ರಣ ಕಳೆದುಕೊಂಡು ಪಾದಚಾರಿ ರಸ್ತೆಗೆ ಅಪ್ಪಳಿಸಿ ಬಳಿಕ ದ್ವಿಚಕ್ರವಾಹನಗಳಿಗೆ ಡಿಕ್ಕಿ ಹೊಡೆಯಿತು. ನಂತರ ಹಲವು ವಾಹನಗಳನ್ನು ಉಜ್ಜಿಕೊಂಡು, ನಾಲ್ವರು ಪಾದಚಾರಿಗಳ ಮೇಲೆ ಹರಿದು ಹೋಗಿಯಿತು. ಅಂತಿಮವಾಗಿ ಯಮಸ್ವರೂಪಿ ಕಾರು ರಸ್ತೆ ಬದಿಗೆ ಡಿಕ್ಕಿ ಹೊಡೆದು ಸ್ಥಗಿತಗೊಂಡಿತು. ಚಾಲಕ ಹೊರ ಜಿಗಿದು ಓಡಿ ಹೋಗಿದ್ದು, ಆತನಿಗಾಗಿ ಶೋಧ ನಡೆಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಅಪಘಾತದಲ್ಲಿ ಮಡಿದವರನ್ನು ಸಾರ್ಥಕ್ ಚೋಪಡೆ (7) ಮತ್ತು ವೈಭವ್ ಗೌರವ್ (32) ಎಂದು ಗುರುತಿಸಲಾಗಿದೆ.
ಇಬ್ಬರು ಪಾದಚಾರಿಗಳ ಬಲಿಪಡೆದ ಯಮರೂಪಿ ಕಾರು
ಅತೀ ವೇಗವಾಗಿ ಚಲಿಸಿದ ಕಾರು ಸರೋವರ ಹೋಟೆಲ್ ಮುಂಭಾಗ ಚಾಲಕನ ನಿಯಂತ್ರಣ ಕಳೆದುಕೊಂಡು ಪಾದಚಾರಿ ರಸ್ತೆಗೆ ಅಪ್ಪಳಿಸಿ ಬಳಿಕ ದ್ವಿಚಕ್ರವಾಹನಗಳಿಗೆ ಡಿಕ್ಕಿ ಹೊಡೆಯಿತು.
PTI 23 Jul 2019, 5:00 am