‘ನೀಡಿದ ಭರವಸೆ ಈಡರಿಸದಿದ್ದರೆ ಜನ ಮೂಲೆಗುಂಪು ಮಾಡುತ್ತಾರೆ’

ಹೊಸದಿಲ್ಲಿ: ನೀಡಿದ ಭರವಸೆಗಳನ್ನು ಈಡೇರಿಸದೇ ಹೋದರೆ ಜನ ನಿಮ್ಮನ್ನು ಮೂಲೆಗುಂಪು ಮಾಡಿ ಬಿಸಾಡುತ್ತಾರೆ ಹುಷಾರ್‌ ಎಂದು ಕೇಂದ್ರ ಸಚಿವ ನಿತಿನ್‌ ಗಡ್ಕರಿ ತಮ್ಮ ಸಹವರ್ತಿ ರಾಜಕಾರಣಿಗಳಿಗೆ ಎಚ್ಚರಿಕೆಯ ಕಿವಿಮಾತು ಹೇಳಿದ್ದಾರೆ. ಭಾನುವಾರ ಮಾಧ್ಯಮ ಪ್ರತಿನಿಧಿಗಳ ಜತೆ ಮಾತನಾಡಿದ ಗಡ್ಕರಿ, ದೊಡ್ಡ ಕನಸುಗಳನ್ನು ತೋರಿಸುವ ನಾಯಕರನ್ನು ಜನ ಇಷ್ಟ ಪಡುತ್ತಾರೆ ನಿಜ, ಆದರೆ ಆ ಕನಸುಗಳನ್ನು ಈಡೇರಿಸದೇ ಹೋದರೆ ಅದೇ ಜನ ದಂಡಿಸುತ್ತಾರೆ ಎನ್ನುವುದನ್ನು ಮರೆಯಬಾರದು ಎಂದಿದ್ದಾರೆ.

''ನಿಮ್ಮಿಂದ ಸಾಧಿಸಲು ಸಾಧ್ಯವಾಗುವ ಕನಸನ್ನು ಮಾತ್ರ ಬಿತ್ತನೆ ಮಾಡಿ,'' ಎಂದು ರಾಜಕಾರಣಿಗಳಿಗೆ ಸಲಹೆ ನೀಡಿದ ಅವರು,''ಈಡೇರಿಸಲಾಗದ ಒಣ ಕನಸುಗಳನ್ನು ನಾನು ತೋರಿಸುವುದಿಲ್ಲ. ಆದರೆ ಹೇಳಿದ್ದನ್ನು ಮಾಡಿಯೇ ತೀರುತ್ತೇನೆ,'' ಎಂದೂ ಹೇಳಿಕೊಂಡಿದ್ದಾರೆ.

ಗಡ್ಕರಿ ಮಾತಿನ ಶೈಲಿ ಇತ್ತೀಚೆಗೆ ವ್ಯಾಪಕ ಚರ್ಚೆಗೆ ಗ್ರಾಸವಾಗಿದೆ. ಈ ಹಿಂದೆ, ಪ್ರಧಾನಿ ಮೋದಿ ಅವರನ್ನು ಪರೋಕ್ಷ ಗುರಿಯಾಗಿಸಿಕೊಂಡು 'ಕಡಿಮೆ ಮಾತಾಡುವ ಅಗತ್ಯ' ಇದೆ ಟಾಂಗ್‌ ನೀಡಿದ್ದರು. ಈ ಹೇಳಿಕೆ ಬಿಜೆಪಿ ನಾಯಕರಲ್ಲಿ ತೀವ್ರ ಮುಜುಗರ ಉಂಟು ಮಾಡಿತ್ತು.