ಮನೆಮನೆಗೆ ಭೇಟಿ, ತಪಾಸಣೆ
ಕಂಟೈನ್‌ಮೆಂಟ್‌ ವಲಯಗಳಲ್ಲಿಕೊರೊನಾ ಮುನ್ನೆಚ್ಚರಿಕೆಗಳ ಅಗತ್ಯ ಪಾಲನೆ ಜತೆಗೆ ಈ ಹಿಂದೆ ಸೋಂಕು ಹೆಚ್ಚು ಹಾವಳಿ ಇಟ್ಟಿದ್ದ ಪ್ರದೇಶಗಳಲ್ಲಿಮನೆಮನೆಗೆ ಆರೋಗ್ಯಸೇವೆ ಕಾರ್ಯಕರ್ತರು ಭೇಟಿ ನೀಡಿ ತಪಾಸಣೆ ನಡೆಸಲು ಕೂಡ ಕೇಂದ್ರ ಸೂಚಿಸಿದೆ. ಈ ಮೂಲಕ ಸೋಂಕಿನಿಂದ ಚೇತರಿಕೆ ಕಂಡವರ ಸದ್ಯದ ಸ್ಥಿತಿಗತಿ ಮತ್ತು ಹೊಸ ಸೋಂಕಿತರು ವರದಿಯಾಗುತ್ತಿರುವ ಪ್ರಮಾಣವನ್ನು ನಿಖರವಾಗಿ ಪತ್ತೆ ಮಾಡಲು ಸಹಾಯವಾಗಲಿದೆ ಎಂದು ಗೃಹ ಸಚಿವಾಲಯ ಅಭಿಪ್ರಾಯಪಟ್ಟಿದೆ.
ನಿರ್ಬಂಧ ಮುಂದುವರಿಕೆ
- ಗೃಹ ಸಚಿವಾಲಯದ ಅನುಮತಿ ಮೇರೆಗೆ ಅಂತಾರಾಷ್ಟ್ರೀಯ ವಿಮಾನ ಪ್ರಯಾಣ
- ಚಿತ್ರಮಂದಿರಗಳಲ್ಲಿ 50% ಸೀಟುಗಳು ಮಾತ್ರ ಭರ್ತಿ
- ಕ್ರೀಡಾಸ್ಪರ್ಧಿಗಳ ಹೊರತು ಇತರರಿಗೆ ಈಜುಕೊಳಗಳಿಗೆ ಪ್ರವೇಶವಿಲ್ಲ
- ವ್ಯವಹಾರದ ಉದ್ದೇಶಕ್ಕಾಗಿ ಮಾತ್ರ ಎಕ್ಸಿಬಿಷನ್‌ ಆವರಣಗಳ ಬಳಕೆ
- ಒಳಾಂಗಣ ಸಮಾರಂಭಗಳಲ್ಲಿ 200 ಮಂದಿ ಭಾಗಿಯಾಗಲು ಮಾತ್ರ ಅವಕಾಶ
ಪಾಸಿಟಿವಿಟಿ ಪ್ರಮಾಣ ಹೆಚ್ಚಿದ್ದರೆ ನೈಟ್‌ ಕರ್ಫ್ಯೂ
ಕೊರೊನಾ ತಪಾಸಣೆಯಲ್ಲಿಹೆಚ್ಚಿನ ಪ್ರಮಾಣದಲ್ಲಿ ಪಾಸಿಟಿವಿಟಿ ದಾಖಲಾಗುತ್ತಿದ್ದರೆ (ಶೇ.10ಕ್ಕೂ ಹೆಚ್ಚು) ಅಂತಹ ಪ್ರದೇಶಗಳಲ್ಲಿ ರಾತ್ರಿ ಸಂಚಾರಕ್ಕೆ ನಿರ್ಬಂಧ ಹೇರುವ ತೀರ್ಮಾನವನ್ನು ಆಯಾ ರಾಜ್ಯ ಸರಕಾರ/ಕೇಂದ್ರಾಡಳಿತ ಪ್ರದೇಶಗಳ ವಿವೇಚನೆಗೆ ಕೇಂದ್ರ ಒಪ್ಪಿಸಿದೆ. ಅದೇ ರೀತಿ ಕಚೇರಿಯಲ್ಲಿ ಸಿಬ್ಬಂದಿಗಳ ಹಾಜರಾತಿ ಪ್ರಮಾಣವನ್ನು ಕೂಡ ಇಂತಹ ಪ್ರದೇಶಗಳಲ್ಲಿ ಆದಷ್ಟು ತಗ್ಗಿಸಲು ರಾಜ್ಯ ಸರಕಾರಗಳು ಆದೇಶಿಸಬಹುದಾಗಿದೆ. ಅಂತಾರಾಜ್ಯ ಹಾಗೂ ರಾಜ್ಯದೊಳಗಿನ ಸರಕು ಸಾಗಣೆ ಮತ್ತು ಇತರ ಸಂಚಾರಕ್ಕೆ ಯಾವುದೇ ನಿರ್ಬಂಧಗಳಿರುವುದಿಲ್ಲ.