ಜೈಪುರ: ರಾಜಸ್ಥಾನದ ಆಸ್ಪತ್ರೆಗಳಲ್ಲಿ ಜನಿಸುವ ಶಿಶುಗಳ ಜಾತಕವನ್ನು ನೀಡುವ ವ್ಯವಸ್ಥೆಯನ್ನು ಜಾರಿಗೆ ತರಲು ರಾಜಸ್ಥಾನ ಸರಕಾರ ಚಿಂತನೆ ನಡೆಸುತ್ತಿದೆ. ಉದ್ದೇಶಿತ ಯೋಜನೆ ಪ್ರಕಾರ, ಹೆರಿಗಾಗಿ ದಾಖಲಾಗುವ ಗರ್ಭಿಣಿ, ಪ್ರಸವದ ಬಳಿಕ ಮನೆಗೆ ಮರಳುವಾಗ ಮಗುವಿನ ಜಾತಕ ನೀಡಲಾಗುತ್ತದೆ. ಮಗುವಿಗೆ ಯಾವ ಹೆಸರು ಇಡುವುದು ಸೂಕ್ತ ಎಂಬ ಸಲಹೆಯನ್ನೂ ನೀಡಲಾಗುತ್ತದೆ. ಪೋಷಕರು ಜಾತಕಕ್ಕಾಗಿ ಸರಕಾರಿ ಆಸ್ಪತ್ರೆಗಳಲ್ಲಿ ರೂ.51 ಹಾಗೂ ಖಾಸಗಿ ಆಸ್ಪತ್ರೆಗಳಲ್ಲಿ ರೂ.101 ಶುಲ್ಕ ಪಾವತಿಸಬೇಕು. ''ರಾಜ್ಯ ಸಂಸ್ಕೃತ ಶಿಕ್ಷಣ ಇಲಾಖೆಯು ಇತ್ತೀಚೆಗೆ ನಡೆಸಿದ ಸಭೆಯಲ್ಲಿ ಈ ಪ್ರಸ್ತಾವದ ಕುರಿತು ಚರ್ಚೆಯಾಗಿದೆ. ಜೈಪುರದ ಜಗದ್ಗುರು ರಾಮಚಂದ್ರಾಚಾರ್ಯ ರಾಜಸ್ಥಾನ ಸಂಸ್ಕೃತ ವಿಶ್ವವಿದ್ಯಾಲಯವನ್ನು ನೋಡಲ್ ಏಜೆನ್ಸಿಯಾಗಿ ನೇಮಕ ಮಾಡಲೂ ತೀರ್ಮಾನಿಸಲಾಗಿದೆ. ರಾಜ್ಯ ಸರಕಾರದ ಒಪ್ಪಿಗೆ ಬಳಿಕ ಯೋಜನೆ ಬರಲಿದೆ,'' ಎಂದು ಮೂಲಗಳು ತಿಳಿಸಿವೆ.
ರಾಜಸ್ಥಾನದ ನವಜಾತ ಶಿಶುಗಳಿಗೆ ಕೊಡುಗೆಯಾಗಿ ಸಿಗಲಿದೆ ಜಾತಕ!
ಪೋಷಕರು ಜಾತಕಕ್ಕಾಗಿ ಸರಕಾರಿ ಆಸ್ಪತ್ರೆಗಳಲ್ಲಿ ರೂ.51 ಹಾಗೂ ಖಾಸಗಿ ಆಸ್ಪತ್ರೆಗಳಲ್ಲಿ ರೂ.101 ಶುಲ್ಕ ಪಾವತಿಸಬೇಕು.
Vijaya Karnataka 14 Feb 2019, 5:00 am