ಝಾಕೀರ್ ನಾಯಕ್‌ ವಿರುದ್ಧ ಜಾಮೀನು ರಹಿತ ವಾರಂಟ್ ಜಾರಿ

ಮುಂಬೈ: ವಿವಾದಾತ್ಮಕ ಇಸ್ಲಾಂ ಧರ್ಮ ಬೋಧಕ ಝಾಕೀರ್ ನಾಯಕ್ ವಿರುದ್ಧ ರಾಷ್ಟ್ರೀಯ ತನಿಖಾ ದಳದ (ಎನ್ಐಎ) ವಿಶೇಷ ನ್ಯಾಯಾಲಯ ಗುರುವಾರ ಜಾಮೀನು ರಹಿತ ವಾರಂಟ್ ಜಾರಿ ಮಾಡಿದೆ. ಉಗ್ರದಾಳಿ ಪ್ರಕರಣದಲ್ಲಿ ಕೈವಾಡ ಇರುವ ಹಿನ್ನೆಲೆಯಲ್ಲಿ ಎನ್‍ಐಎ ಈ ಕ್ರಮಕ್ಕೆ ಮುಂದಾಗಿದೆ. ಕಳೆದ ವರ್ಷ ಕಾನೂನು ಬಾಹಿರ ಚಟುವಟಿಕೆಗಳ (ನಿಯಂತ್ರಣ) ಕಾಯಿದೆಯಡಿ ಎನ್‌ಐಎ ಪ್ರಕರಣ ದಾಖಲಿಸಿತ್ತು.

ಇದುವರೆಗೆ ಮೂರು ಸಮನ್ಸ್ ಜಾರಿ ಮಾಡಿದ್ದರೂ ನಾಯಕ್ ಕೋರ್ಟ್‍ಗೆ ಹಾಜರಾಗಿಲ್ಲ ಎಂದು ನ್ಯಾಯಾಲಯಕ್ಕೆ ಎನ್‌ಐಎ ತಿಳಿಸಿದ್ದು, ಇಂಟರ್‌ಪೋರ್ ನೆರವು ಪಡೆದು ಭಾರತಕ್ಕೆ ಕರೆತರಲಾಗುತ್ತದೆ ಎಂದು ಹೇಳಿದೆ.

ಕಳೆದ ವಾರವಷ್ಟೇ ಸಿಟಿ ನ್ಯಾಯಾಲಯವೊಂದು ನಾಯಕ್ ವಿರುದ್ಧ ಜಾಮೀನು ರಹಿತ ವಾರಂಟ್ ಜಾರಿ ಮಾಡಿತ್ತು. ಅಕ್ರಮ ಹಣ ವರ್ಗಾವಣೆ ಸಂಬಂಧ ಜಾರಿ ನಿರ್ದೇಶನಾಲಯದಲ್ಲಿ ನಾಯಕ್ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಪ್ರಸ್ತುತ ಯುಎಇಯಲ್ಲಿ ಝಾಕೀರ್ ನಾಯಕ್ ಇದ್ದಾನೆ ಎಂದು ಜಾರಿ ನಿರ್ದೇಶನಾಲಯದ ವಕೀಲರು ಹೇಳಿದ್ದಾರೆ.

ಸುಮಾರು 51 ವರ್ಷದ ನಾಯಕ್ ಕಳೆದ ವರ್ಷ ಭಾರತದಿಂದ ಪರಾರಿಯಾಗಿದ್ದ. ಢಾಕಾ ಉಗ್ರ ದಾಳಿಗೆ ಸಂಬಂಧಪಟ್ಟಂತೆ ದುಷ್ಕರ್ಮಿಗಳನ್ನು ಬಂಧಿಸಿದಾಗ ನಾಯಕ್ ತಪ್ಪಿಸಿಕೊಂಡಿದ್ದ. ನಾಯಕ್‌ನಿಂದ ಪ್ರಭಾವಿತರಾಗಿ ಈ ದಾಳಿ ನಡೆಸಿದ್ದಾರೆ ಎಂಬ ಆರೋಪ ಇದೆ.

ಢಾಕಾ ದಾಳಿಯ ಬಳಿಕ ನಾಯಕ್ ಮತ್ತು ಆತನ ಇಸ್ಲಾಮಿಕ್ ರಿಸೆರ್ಚ್ ಫೌಂಡೇಶನ್ ಅಧಿಕಾರಿಗಳ ವಿರುದ್ಧ ಕಾನೂನು ಬಾಹಿರ ಚಟುವಟಿಕೆಗಳ ನಿಯಂತ್ರಣ ಕಾಯ್ದೆ (ಯುಎಪಿಎ) ಮತ್ತು ಭಾರತೀಯ ದಂಡ ಸಂಹಿತೆ 153-A () ಅಡಿ ಪ್ರಕರಣ ದಾಖಲಿಸಿತ್ತು.

The special NIA (National Investigation Agency) court here on Thursday issued a non-bailable warrant against the controversial Islamic preacher Zakir Naik, wanted by the agency for his alleged role in a terror case. The National Investigation Agency had registered a case against Naik+ under Unlawful Activities (Prevention) Act last year.