ತಾಯಿ ಮದುವೆ ಮುರಿದಳೆಂಬ ಶಂಕೆ; ಪ್ರತೀಕಾರಕ್ಕೆ ಬಾಲಕ ಬಲಿ

ಮುಜಪ್ಫರ್ ನಗರ: ನೆರೆಮನೆಯ ನಿವಾಸಿಯಾಗಿದ್ದ ಮಹಿಳೆ ಮದುವೆಯನ್ನು ಮುರಿದಳೆಂಬ ಶಂಕೆಯಲ್ಲಿ ಆಕೆಯ 9 ವರ್ಷದ ಮಗನನ್ನು ಅಪಹರಿಸಿ ಕೊಂದು ಹಾಕಿದ ಹೇಯ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ.

ಶಾಮ್ಲಿಯಲ್ಲಿ ಈ ಅಮಾನುಷ ಕೃತ್ಯ ನಡೆದಿದ್ದು, ಫರ್ಹಾನ್ ಅಹಮದ್ ಹತ್ಯೆಯಾದ ಬಾಲಕನಾಗಿದ್ದಾನೆ.

ಪಶ್ಚಿಮ ಬಂಗಾಳ: ಆರೆಸ್ಸೆಸ್‌ಗೆ ಸೇರಿದ ಶಿಕ್ಷಕ, ಗರ್ಭಿಣಿ ಪತ್ನಿ, ಪುತ್ರನ ಭೀಕರ ಹತ್ಯೆ

ಬುಧವಾರದಿಂದ ಮಗ ನಾಪತ್ತೆಯಾಗಿದ್ದಾನೆಂದು ಹುಡುಕಾಟ ನಡೆಸಿದ್ದ ಕುಟುಂಬಕ್ಕೆ ಗುರುವಾರ ಮುಂಜಾನೆ ನಿವಾಸದಿಂದ ಸ್ವಲ್ಪ ದೂರದಲ್ಲಿರುವ ಚರಂಡಿಯಲ್ಲಿ ಶವ ಪತ್ತೆಯಾಗಿತ್ತು.

ತನಿಖೆ ಆರಂಭಿಸಿದ ಪೊಲೀಸರು ಬಾಲಕನ ಅನುಮಾನದ ಆಧಾರದ ಮೇಲೆ ನೆರೆಮನೆಯ ನಾಲ್ಕು ಮಂದಿಯನ್ನು ಬಂಧಿಸಿದರು. ವಿಚಾರಣೆ ನಡೆಸಿದಾಗ ಹೊರಬಿದ್ದ ಸತ್ಯ ಪೊಲೀಸರನ್ನೇ ಬೆಚ್ಚಿ ಬೀಳಿಸಿತು. ಫರ್ಹಾನ್ ತಾಯಿ ರಾಣಿ ತಮ್ಮ ಮನೆಯಲ್ಲಿ ನಡೆಯಬೇಕಿದ್ದ ಮದುವೆಯನ್ನು ಮುರಿದಿದ್ದು, ಅದಕ್ಕೆ ಪ್ರತೀಕಾರವಾಗಿ ಮಗುವನ್ನು ಕೊಂದಿದ್ದಾಗಿ ಅವರು ಒಪ್ಪಿಕೊಂಡಿದ್ದಾರೆ.