ಡಿಜಿಟಲ್‌ ವಹಿವಾಟಿಗೆ ಲಕ್ಕಿ ಡ್ರಾ: ದಿನ, ವಾರ, ಮೆಗಾ ಬಹುಮಾನ

ಹೊಸದಿಲ್ಲಿ: ಸರಕಾರದ ನೀತಿ ನಿರೂಪಕ ಸಂಸ್ಥೆಯಾಗಿರುವ ನೀತಿ ಆಯೋಗವು ಗ್ರಾಹಕರು ಮತ್ತು ವ್ಯಾಪಾರಿಗಳನ್ನು ಡಿಜಿಟಲ್‌ ವ್ಯವಹಾರಕ್ಕೆ ಉತ್ತೇಜಿಸುವ ಉದ್ದೇಶದಿಂದ ದಿನವಹಿ, ಸಾಪ್ತಾಹಿಕ ಮತ್ತು ಮೆಗಾ ಬಹುಮಾನಗಳನ್ನು ಘೋಷಿಸಿದೆ.

ಗ್ರಾಹಕರಿಗಾಗಿ ಲಕ್ಕಿ ಗ್ರಾಹಕ್‌ ಯೋಜನೆ ಮತ್ತು ವ್ಯಾಪಾರಿಗಳಿಗೆ ಡಿಜಿ-ಧನ್‌ ವ್ಯಾಪಾರಿ ಯೋಜನೆ-ಹೀಗೆ ಎರಡು ಯೋಜನೆಗಳ ಮೂಲಕ ಬಹುಮಾನಗಳನ್ನು ನೀಡಲು ಉದ್ದೇಶಿಸಿದ್ದು, ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (ಎನ್‌ಪಿಸಿಐ) ಮೂಲಕ ಯೋಜನೆಗಳನ್ನು ಜಾರಿ ಮಾಡಲಾಗುತ್ತಿದೆ ಎಂದು ನೀತಿ ಆಯೋಗದ ಸಿಇಒ ಅಮಿತಾಭ್‌ ಕಾಂತ್‌ ಗುರುವಾರ ತಿಳಿಸಿದರು.

ಲಕ್ಕಿ ಗ್ರಾಹಕ್‌ ಯೋಜನೆ

ಡೈಲಿ ಡ್ರಾ ಹೀಗೆ

ದಿನಕ್ಕೆ 15000 ವಿಜೇತರು

ಒಬ್ಬರಿಗೆ 1000 ರೂ. ಬಹುಮಾನ

ವೀಕ್ಲಿ ಡ್ರಾ ವಿವರ

ವಾರಕ್ಕೆ 7000 ವಿಜೇತರ ಆಯ್ಕೆ

ಗರಿಷ್ಠ ಬಹುಮಾನ 10 ಲಕ್ಷ ರೂ.


ಮೆಗಾ ಬಹುಮಾನ 1 ಕೋಟಿ ರೂ.

ಡಿಜಿ ಧನ್‌ ವ್ಯಾಪಾರಿ ಯೋಜನೆ

ಪ್ರತಿ ವಾರ 7000 ವಿಜೇತರ ಆಯ್ಕೆ

ಬಹುಮಾನದ ಮೊತ್ತ: 50000 ರೂ.

ಮೆಗಾ ಬಹುಮಾನ: 1 ಕೋಟಿ ರೂ.

ಯಾವಾಗ ಡ್ರಾ ಶುರು?

ಡಿಸೆಂಬರ್‌ 25ರಿಂದ ಡ್ರಾ ಆರಂಭ

2017ರ ಏಪ್ರಿಲ್‌ 14ರವರೆಗೆ ಲಭ್ಯ

ಮೆಗಾ ಡ್ರಾ ಏಪ್ರಿಲ್‌ 14ರಂದು

ಯಾವ ವ್ಯವಹಾರಕ್ಕೆ ಬಹುಮಾನ?

ಯುಎಸ್‌ಎಸ್‌ಡಿ, ಎಇಪಿಎಸ್‌, ಯುಪಿಐ ಮತ್ತು ರುಪೇ ಕಾರ್ಡ್‌ಗಳಲ್ಲಿ ನಡೆಸಿದ ಎಲ್ಲ ಡಿಜಿಟಲ್‌ ಪಾವತಿಗಳು ಅರ್ಹ.

ವ್ಯಾಪಾರಿಗಳು ಪಾಯಿಂಟ್‌ ಆಫ್‌ ಸೇಲ್‌ ಮೆಷಿನ್‌ ಮೂಲಕ ನಡೆಸಿದ ವ್ಯವಹಾರಕ್ಕೂ ಅರ್ಹತೆ.

ವ್ಯವಹಾರ ಸ್ವರೂಪ ಹೇಗೆ?

ಸಮಾಜದ ಎಲ್ಲ ವರ್ಗಗಳು, ಜನರು ಡಿಜಿಟಲ್‌ ವ್ಯವಹಾರದೊಳಗೆ ಬರಬೇಕು ಎಂಬ ಉದ್ದೇಶದಿಂದ 50 ರೂ.ನಿಂದ 3000 ರೂ.ವರೆಗಿನ ಎಲ್ಲ ಸಣ್ಣ-ದೊಡ್ಡ ವ್ಯವಹಾರಗಳನ್ನು ಯೋಜನೆಯ ಡ್ರಾ ವ್ಯಾಪ್ತಿಗೆ ತರಲಾಗಿದೆ.

ವಿಜೇತರ ಆಯ್ಕೆ ಹೇಗೆ?

ಡಿಜಿಟಲ್‌ ವ್ಯವಹಾರ ಮಾಡಿದಾಗ ದೊರೆಯುವ ವ್ಯವಹಾರ ಗುರುತು ನಂಬರ್‌ (ಡಿಜಿಟಿಲ್‌ ಟ್ರಾನ್ಸಾಕ್ಷನ್‌ ಐಡಿ) ಮೂಲಕ.