ಜವೂನ್ಪುರ್‌: ಆಧಾರ್‌ ಕಾರ್ಡ್‌ ಹಾಗೂ ಬ್ಯಾಂಕ್‌ ಖಾತೆ ಹೊಂದಿಲ್ಲವೆಂದು ವೈದ್ಯರು ತುಂಬು ಗರ್ಭಿಣಿ ಮಹಿಳೆಗೆ ಶುಶ್ರೂಷೆ ಮಾಡಲು ಒಪ್ಪದ ಕಾರಣ ಆಕೆ ಆಸ್ಪತ್ರೆಯ ಗೇಟ್‌ ಮುಂದೆಯೇ ಮಗುವಿಗೆ ಜನ್ಮ ನೀಡಿದ ಘಟನೆ ವರದಿಯಾಗಿದೆ.
ಜನವರಿ 29ರಂದು ಹೆರಿಗೆ ನೋವಿನಿಂದ ಆಸ್ಪತ್ರೆಗೆ ಬಂದಿದ್ದ ತಮ್ಮ ಪತ್ನಿಯನ್ನು ದಾಖಲಿಸಿಕೊಳ್ಳಲು ವೈದ್ಯರು ನಿರಾಕರಿಸಿದರು. ಆಗ ವಾಪಸು ಹೊರಟೆವು. ಅಷ್ಟರಲ್ಲಿ ಹೆರಿಗೆ ನೋವು ಹೆಚ್ಚಾಗಿ ಆಸ್ಪತ್ರೆಯ ಗೇಟ್‌ನಲ್ಲೇ ಹಡೆದಳು ಎಂದು ಆಕೆಯ ಪತಿ ದೂರಿದ್ದಾರೆ. ಆದರೆ ಈ ಆರೋಪವನ್ನು ಆಸ್ಪತ್ರೆಯ ಆಡಳಿತ ಮಂಡಳಿ ತಳ್ಳಿಹಾಕಿದೆ.