ಹೊಸದಿಲ್ಲಿ: ಕೇಂದ್ರ ಪ್ರವಾಸೋದ್ಯಮ ಸಚಿವರಾಗಿ ಅಧಿಕಾರ ವಹಿಸಿಕೊಂಡ ಮೊದಲ ದಿನವೇ ಅಲ್ಫೋನ್ಸ್‌ ಕಣ್ಣಂತಾನಂ ಕೇರಳದಲ್ಲಿ ಗೋವಿನ ಮಾಂಸ ಸೇವನೆಗೆ ನಿಷೇಧ ಇಲ್ಲ ಎನ್ನುವ ಮೂಲಕ ಸುದ್ದಿಯ ಕೇಂದ್ರಬಿಂದುವಾಗಿದ್ದಾರೆ.
''ಕೇರಳದಲ್ಲಿ ದನದ ಮಾಂಸ ಸೇವನೆಗೆ ಯಾವುದೇ ಅಡ್ಡಿಯಿಲ್ಲ. ತಿನ್ನಬೇಡಿ ಎಂದು ಭಾರತೀಯ ಜನತಾ ಪಕ್ಷ ಯಾವ ಸಂದರ್ಭದಲ್ಲೂ ಎಲ್ಲೂ ಹೇಳಿಲ್ಲ. ಬಿಜೆಪಿ ಅಧಿಕಾರದಲ್ಲಿರುವ ಗೋವಾದಲ್ಲಿ ಗೋವಿನ ಮಾಂಸ ತಿನ್ನುವಾಗ, ಕೇರಳದಲ್ಲಿ ಏಕೆ ತಿನ್ನಬಾರದು? ಬಿಜೆಪಿ ಆ ರೀತಿ ಎಲ್ಲಿಯೂ ಫರ್ಮಾನು ಹೊರಡಿಸಿಲ್ಲ. ಏನು ತಿನ್ನಬೇಕು ಅಥವಾ ಏನು ತಿನ್ನಬಾರದು ಎಂಬುದನ್ನು ಅವರವರ ವಿವೇಚನೆಗೆ ಬಿಡಬೇಕು,'' ಎಂದು ನೂತನ ಸಚಿವರು ಹೇಳಿದರು.
NO Beef Ban in Kerala