ವಾಹನ ಸವಾರರೇ ಗಮನಿಸಿ: ಇಂದು ಮಧ್ಯರಾತ್ರಿಯಿಂದ ಫಾಸ್ಟ್ಯಾಗ್‌ ಇಲ್ಲದಿದ್ದರೆ ಡಬಲ್‌ ಸುಂಕ!

ಹೊಸದಿಲ್ಲಿ: ಹೆದ್ದಾರಿಗಳ ಟೋಲ್‌ ಪ್ಲಾಜಾಗಳಲ್ಲಿ ಸೋ ಮವಾರ (ಫೆ.15) ಮಧ್ಯರಾತ್ರಿಯಿಂದ ಶುಲ್ಕ ಪಾವತಿಗೆ ಫಾಸ್ಟ್‌ಟ್ಯಾಗ್‌ ಕಡ್ಡಾಯವಾಗಿದೆ. ಫಾಸ್ಟ್‌ ಟ್ಯಾಗ್‌ ಇಲ್ಲದ ವಾಹನಗಳಿಗೆ ಎರಡು ಪಟ್ಟು ಹೆಚ್ಚಿನ ಟೋಲ್‌ ವಿಧಿಸುವುದಾಗಿ ಕೇಂದ್ರ ರಸ್ತೆ ಮತ್ತು ಸಾರಿಗೆ ಸಚಿವಾಲಯ ಹೇಳಿದೆ.

''ಇ-ಪೇಮೇಂಟ್‌ ಸೌಲಭ್ಯವಿರುವ ಫಾಸ್ಟ್ಯಾಗ್‌ ಅನ್ನು ವಾಹನ ಮಾಲೀಕರು ಕೂಡಲೇ ಪಡೆಯಬೇಕು. ಈಗಾಗಲೇ ಮೂರು ಬಾರಿ ಗಡುವು ವಿಸ್ತರಿಸಲಾಗಿದೆ. ಮತ್ತೆ ವಿಸ್ತರಣೆಯ ಪ್ರಶ್ನೆಯೇ ಇಲ್ಲ,'' ಎಂದು ಕೇಂದ್ರ ಸಾರಿಗೆ ಸಚಿವ ನಿತಿನ್‌ ಗಡ್ಕರಿ ಸ್ಪಷ್ಟಪಡಿಸಿದ್ದಾರೆ. 2016ರಲ್ಲಿ ಫಾಸ್ಟ್ಯಾಗ್‌ ವ್ಯವಸ್ಥೆಯನ್ನು ಜಾರಿಗೆ ತರಲಾಗಿದೆ. ಈ ಮುನ್ನ ಜ.1ರ ಗಡುವನ್ನು ಫೆ.15ರ ತನಕ ವಿಸ್ತರಿಸಲಾಗಿತ್ತು.

ವಾಹನ ಸವಾರರಿಗೆ ಮಾಹಿತಿ!
ಫಾಸ್ಟ್‌ಟ್ಯಾಗ್‌ ಸಂಕಷ್ಟ ತಪ್ಪಿಸಲು ಸರಳ ವಿಧಾನ ಅನುಸರಿಸಿದರೆ ದಂಡದಿಂದ ಮುಕ್ತರಾಗಬಹುದು. ಸದ್ಯ ಮಾರುಕಟ್ಟೆಯಲ್ಲಿ ಐಸಿಐಸಿ, ಹೆಚ್‌ಡಿಎಫ್‌ಸಿ, ಪೇಟಿಎಂ ಸೇರಿದಂತೆ ಹಲವು ಫಾಸ್ಟ್‌ಟ್ಯಾಗ್ ಲಭ್ಯವಿದೆ. ವಾಹನ ರಿಜಿಸ್ಟ್ರೇಶನ್ ನಂಬರ್ ನೋಂದಣಿ ಮಾಡಿಕೊಂಡು ಫಾಸ್ಟ್‌ಟ್ಯಾಗ್ ಪಡೆದರೆ ಸಾಕು, ವಾಹನದ ಮುಂಭಾಗದ ಗಾಜಿನ ಮೇಲೆ ಫಾಸ್ಟ್‌ಟ್ಯಾಗ್‌ ಅಂಟಿಸಿ, ಮೊಬೈಲ್ ರೀತಿ ರಿಚಾರ್ಜ್ ಮಾಡಿದರೆ ಎಲ್ಲಾ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು.

ವೇದಿಕೆಯಲ್ಲಿಯೇ ಕುಸಿದು ಬಿದ್ದ ಗುಜರಾತ್‌ ಸಿಎಂ ವಿಜಯ್‌ ರೂಪಾನಿ