ಇಮ್ರಾನ್‌ ಪ್ರಮಾಣ ವಚನ: ವಿದೇಶಿ ಅತಿಥಿಗಳಿಗೆ ಆಹ್ವಾನ ಇಲ್ಲ

ಹೊಸದಿಲ್ಲಿ: ಪಾಕಿಸ್ತಾನ ನಿಯೋಜಿತ ಪ್ರಧಾನ ಮಂತ್ರಿ ಇಮ್ರಾನ್‌ ಖಾನ್‌ ಅವರ ಪದಗ್ರಹಣ ಸಮಾರಂಭಕ್ಕೆ ವಿದೇಶಿ ಗಣ್ಯರ ಆಹ್ವಾನವನ್ನು ಕೈಬಿಡಲಾಗಿದೆ.

ಆ.11ರಂದು ನಡೆಯಲಿರುವ ಪ್ರಮಾಣ ವಚನ ಸಮಾರಂಭಕ್ಕೆ ವಿವಿಧ ದೇಶದ ರಾಜಕೀಯ ಮುಂಖಂಡರನ್ನು ಆಮಂತ್ರಿಸಲು ಉದ್ಧೇಶಿಸಲಾಗಿತ್ತು. ಆದರೆ ಇದೀಗ ಸಮಾರಂಭವನ್ನು ಸಂಪೂರ್ಣ ಸರಳ ರೀತಿಯಲ್ಲಿ ಮಾಡಲು ನಿರ್ಧರಿಸಲಾಗಿದ್ದು, ಇಮ್ರಾನ್‌ ಖಾನ್‌ನ ಆಪ್ತರನ್ನು ಮಾತ್ರ ಆಮಂತ್ರಿಸಲಾಗುತ್ತದೆ ಎಂದು ಪಿಟಿಐ ಪಾರ್ಟಿಯ ವಕ್ತಾರರು ತಿಳಿಸಿದ್ದಾರೆ.

ಮಾಜಿ ಕ್ರಿಕೆಟಿಗ ಇಮ್ರಾನ್‌ ಖಾನ್ ಸಮಕಾಲೀನರಾದ ಹಾಗೂ ಕ್ರಿಕೆಟ್ ಜಗತ್ತಿನ ಖ್ಯಾತನಾಮರಾದ ಕಪಿಲ್ ದೇವ್, ಸುನಿಲ್ ಗವಾಸ್ಕರ್, ನವಜೋತ್ ಸಿಂಗ್ ಸಿಧು, ಬಾಲಿವುಡ್‌ ನಟ ಅಮಿರ್‌ಖಾನ್‌ಗೆ ಪ್ರಮಾಣ ವಚನ ಸ್ವೀಕಾರ ಸಮಾರಂಭಕ್ಕೆ ಪಕ್ಷ ಆಹ್ವಾನ ನೀಡಿದೆ ಎಂದು ಪಾಕ್‌ನ ಕೆಲ ಸುದ್ದಿ ಮಾಧ್ಯಮಗಳು ವರದಿ ಮಾಡಿವೆ. ಆದರೆ ವಿದೇಶದಲ್ಲಿರುವ ಇಮ್ರಾನ್‌ ಖಾನ್‌ನ ಸ್ನೇಹಿತರನ್ನಷ್ಟೇ ಸಮಾರಂಭಕ್ಕೆ ಆಹ್ವಾನಿಸಲಾಗುತ್ತದೆ ಎಂದು ಇನ್ನಿತರ ಮಾಧ್ಯಮಗಳು ಹೇಳಿವೆ.

ಕ್ರಿಕೆಟರ್ಸ್, ಬಾಲಿವುಡ್ ನಟರಿಗೆ ಇಮ್ರಾನ್ ಖಾನ್ ಆಹ್ವಾನ; ಮೋದಿಯನ್ನು ಆಹ್ವಾನಿಸಲು ಇನ್ನೂ ಸಿಕ್ಕಿಲ್ಲ ಒಪ್ಪಿಗೆ

ಮೂಲಗಳ ಪ್ರಕಾರ, ವಿದೇಶಿ ಗಣ್ಯರಿಗೆ ಆಹ್ವಾನ ನೀಡುವುದು ಬೇಡ ಎಂಬುದು ಒಮ್ಮತದ ಅಭಿಪ್ರಾಯ ವ್ಯಕ್ತವಾಗಿದೆ ಎಂದು ತಿಳಿದು ಬಂದಿದೆ. ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಆಹ್ವಾನಿಸುವ ಬಗ್ಗೆಯೂ ಮಾತುಗಳು ಕೇಳಿ ಬಂದಿದ್ದವು.