ಅಮಿತ್‌ ಶಾಗೆ 2ನೇ ಬಾರಿ ಕೊರೊನಾ ಟೆಸ್ಟ್‌ ನಡೆಸಿಲ್ಲ; ವದಂತಿಗೆ ಗೃಹ ಸಚಿವಾಲಯ ಸ್ಪಷ್ಟನೆ!

ಹೊಸದಿಲ್ಲಿ: ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರಿಗೆ ಎರಡನೇ ಬಾರಿ ಕೊರೊನಾ ಪರೀಕ್ಷೆ ನಡೆಸಿಲ್ಲ ಎಂದು ಗೃಹ ಸಚಿವಾಲಯ ಸ್ಪಷ್ಟನೆ ನೀಡಿದೆ. ''ಅಮಿತ್‌ ಶಾ ಅವರಿಗೆ ಎರಡನೇ ಪರೀಕ್ಷೆಯಲ್ಲಿ ನೆಗೆಟಿವ್‌ ಬಂದಿದೆ,'' ಎಂದು ಬಿಜೆಪಿ ಸಂಸದ ಮನೋಜ್‌ ತಿವಾರಿ ಭಾನುವಾರ ಟ್ವೀಟ್‌ ಮಾಡಿದ್ದರು.

ಅದಕ್ಕೆ ಸ್ಪಷ್ಟನೆ ನೀಡಿರುವ ಸಚಿವಾಲಯವು, ''ಗೃಹ ಸಚಿವರಿಗೆ ಎರಡನೇ ತಪಾಸಣೆ ನಡೆಸಿಲ್ಲ. ತಪಾಸಣೆ ನಡೆಸಿದ ತಕ್ಷಣ ಅದರ ಮಾಹಿತಿಯನ್ನು ಬಹಿರಂಗವಾಗಿ ಹಂಚಿಕೊಳ್ಳಲಾಗುವುದು. ಗೃಹ ಸಚಿವರ ಆರೋಗ್ಯದ ಕುರಿತು ಯಾರೂ ವದಂತಿ ಹರಡಿಸಬಾರದು,'' ಎಂದು ಮನವಿ ಮಾಡಿದೆ.

ಆ ಬಳಿಕ ತಿವಾರಿ ತಮ್ಮ ಟ್ವೀಟ್‌ ಅನ್ನು ಡಿಲೀಟ್‌ ಮಾಡಿದ್ದಾರೆ. ತಮಗೆ ಕೊರೊನಾ ಸೋಂಕು ತಗಲಿರುವುದು ದೃಢಪಟ್ಟಿದೆ ಎಂದು ಆಗಸ್ಟ್‌ 2ರಂದು ಟ್ವೀಟ್‌ ಮೂಲಕ ಬಹಿರಂಗಪಡಿಸಿದ್ದ 55 ವರ್ಷದ ಅಮಿತ್‌ ಶಾ ಅವರು, ಅದೇ ದಿನ ದಿಲ್ಲಿ ಹೊರವಲಯದ ಗುರುಗ್ರಾಮದಲ್ಲಿರುವ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಅಸ್ಸಾಂನಲ್ಲಿ ಕೊರೊನಾ ಸೋಂಕಿತರಿಗೆ ಉಚಿತ ಔಷಧ, ಪಲ್ಸ್ ‌ಆಕ್ಸಿ ಮೀಟರ್‌, ಪೂರೈಕೆ!

ಅಯೋಧ್ಯೆಯ ಭೂಮಿ ಪೂಜೆ ಸಮಯದಲ್ಲೂ ಅಮಿತ್ ಶಾ ಆಸ್ಪತ್ರೆಯಲ್ಲಿದ್ದುಕೊಂಡೆ ಶುಭಾಶಯ ರವಾನೆ ಮಾಡಿದ್ದರು. ಇನ್ನು ಅಮಿತ್‌ ಶಾ ಅವರ ಸಂಪರ್ಕ ಬಂದವರಿಗು ಕೊರೊನಾ ಟೆಸ್ಟ್‌ ನಡೆಸಲಾಗಿತ್ತು.