ಆ್ಯಪ್ನಗರ

ಕೇಜ್ರಿವಾಲ್‌ ಸಾಕ್ಷ್ಯಚಿತ್ರಕ್ಕೆ ಮೋದಿ NOC ಬೇಕಾಗಿಲ್ಲ

ಅರವಿಂದ್ ಕೇಜ್ರಿವಾಲ್‌ ಸಾಕ್ಷ್ಯ ಚಿತ್ರಕ್ಕೆ ಪ್ರಧಾನಿ ಮೋದಿಯಿಂದ ನಿರಾಕ್ಷೇಪಣ ಪತ್ರ ಬೇಕೆಂಬ ಅರ್ಜಿಯನ್ನು ತಿರಸ್ಕರಿಸಲಾಗಿದೆ.

Mumbai Mirror 21 Aug 2017, 2:47 pm
ಮುಂಬೈ: ಹೊಸದಿಲ್ಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್‌ ಕುರಿತು ಸಾಕ್ಷ್ಯ ಚಿತ್ರ ನಿರ್ಮಿಸಲು ಪ್ರಧಾನಿ ನರೇಂದ್ರ ಮೋದಿ ಹಾಗೂ ಇತರರಿಂದ ನಿರಾಕ್ಷೇಪಣ ಪತ್ರ (NOC) ಬೇಕಾಗಿಲ್ಲ ಎಂದು ಚಿತ್ರ ಸರ್ಟಿಫಿಕೇಟ್‌ ಮೇಲ್ಮನವಿ ನ್ಯಾಯಾಧಿಕರಣ ತೀರ್ಪು ನೀಡಿದೆ.
Vijaya Karnataka Web no noc from modi for kejriwals documentary rules fcat
ಕೇಜ್ರಿವಾಲ್‌ ಸಾಕ್ಷ್ಯಚಿತ್ರಕ್ಕೆ ಮೋದಿ NOC ಬೇಕಾಗಿಲ್ಲ


ಮುಂಬೈನ ಇಬ್ಬರು ಅರವಿಂದ ಕೇಜ್ರಿವಾಲ್‌ ಕುರಿತು 'ಇನ್‌ ಸಿಗ್ನಿಫೆಕೆಂಟ್‌ ಮ್ಯಾನ್‌' ಸಾಕ್ಷ್ಯ ಚಿತ್ರ ನಿರ್ಮಿಸಲು ಮುಂದಾಗಿದ್ದರು. ಖುಷ್ಬು ರಾಂಕಾ ಹಾಗೂ ವಿನಯ್‌ ಶುಕ್ಲಾ ಈ ಯುವ ಸಾಕ್ಷ್ಯ ಚಿತ್ರ ನಿರ್ದೇಶಕರು. ಇದಕ್ಕೆ ಸಂಪೂರ್ಣ ಆರ್ಥಿಕ ಬೆಂಬಲ ವ್ಯಕ್ತಪಡಿಸಿ ನಿರ್ಮಾಪಕರಾದವರು ಆನಂದ್ ಗಾಂಧಿ.

ಕಳೆದ ಫೆಬ್ರವರಿಯಲ್ಲಿ ಈ ಸಾಕ್ಷ್ಯ ಚಿತ್ರ ವೀಕ್ಷಿಸಿದ್ದ ಸೆನ್ಸಾರ್‌ ಮಂಡಳಿ, ಇದರಲ್ಲಿ ಬಿಜೆಪಿ, ಕಾಂಗ್ರೆಸ್‌ ಪಕ್ಷಗಳ ದೃಶ್ಯಗಳಿವೆ, ನರೇಂದ್ರ ಮೋದಿ ಅವರ ದೃಶ್ಯಗಳಿವೆ. ಇದಕ್ಕೆ ಪ್ರಧಾನಿಯಿಂದ ನಿರಾಕ್ಷೇಪಣ ಪತ್ರ ತೆಗೆದುಕೊಂಡು ಬರಬೇಕೆಂದು ಸೂಚಿಸಲಾಗಿತ್ತು. ಇದನ್ನು ಪ್ರಶ್ನಿಸಿ ಈ ಯುವ ಸಾಕ್ಷ್ಯ ಚಿತ್ರ ನಿರ್ದೇಶಕರು ಕಾನೂನಿನ ಮೊರೆ ಹೋಗಿದ್ದರು.

ಇಬ್ಬರು ಯುವ ನಿರ್ದೇಶಕರಿಗೆ ಜಯ ದೊರಕಿದ್ದು, ಸಾಕ್ಷ್ಯ ಚಿತ್ರ ಪ್ರಸಾರಕ್ಕೆ ಬಹುತೇಕ ಹಸಿರು ನಿಶಾನೆ ದೊರೆತಿದೆ. ನಿರಾಕ್ಷೇಪಣ ಪತ್ರ ಪಡೆಯಬೇಕೆಂಬ ಕಾನೂನು ಇಲ್ಲ. ಅಲ್ಲದೇ ಸಾಕ್ಷ್ಯ ಚಿತ್ರದ ಮೂಲ ಉದ್ದೇಶಕ್ಕೆ ಹಾಗೂ ಅಭಿವ್ಯಕ್ತಿ ಸ್ವಾತಂತ್ರ್ಯಕ್ಕೆ ಧಕ್ಕೆ ಉಂಟಾಗಲಿದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

ಈ ತೀರ್ಪು ನಿಜಕ್ಕೂ ನಮಗೆ ಸಮಾಧಾನ ತಂದಿದೆ. ಸಾಕ್ಷ್ಯ ಚಿತ್ರವನ್ನು ಶೀಘ್ರವಾಗಿ ಬಿಡುಗಡೆ ಮಾಡಲು ಎಲ್ಲ ಕ್ರಮ ಕೈಗೊಳ್ಳಲಾಗುವುದು ಎಂದು ಖುಷ್ಬು ಹಾಗೂ ವಿನಯ್‌ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.

NO NOC FROM MODI FOR KEJRIWAL’S DOCUMENTARY, RULES FCAT

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ