ಭಾರತ-ನೇಪಾಳ ರೋಟಿ-ಬೇಟಿ ಸಂಬಂಧ ಮುರಿಯಲು ಸಾಧ್ಯವಿಲ್ಲ: ರಾಜನಾಥ್ ಸಿಂಗ್!

ನವದೆಹಲಿ: ನೇಪಾಳದ ಗಡಿ ಕ್ಯಾತೆ ತಾತ್ಕಾಲಿಕ ಎಂದು ಹೇಳಿರುವ ರಕ್ಷಣಾ ಸಚಿವ ರಾಜನಾಥ್ ಸಿಂಗ್, ಭಾರತ-ನೇಪಾಳದ ನಡುವಿನ ರೋಟಿ-ಬೇಟಿ(ರೊಟ್ಟಿ ಹಾಗೂ ಮಗಳು)ಸಂಬಂಧವನ್ನು ಯಾರಿಂದಲೂ ಮುರಿಯಲು ಸಾಧ್ಯವಿಲ್ಲ ಎಂದು ಮಾರ್ಮಿಕವಾಗಿ ಹೇಳಿದ್ದಾರೆ.

ಉತ್ತರಾಖಂಡ್‌ನ ಜನ ಸಂವಾದ ರ‍್ಯಾಲಿಯನ್ನು ವಿಡಿಯೋ ಕಾನ್ಫರೆನ್ಸ್ ಮೂಲಕ ಉದ್ದೇಶಿಸಿ ಮಾತನಾಡಿದ ರಾಜನಾಥ್ ಸಿಂಗ್, ಭಾರತ-ನೇಪಾಳನದ ನಡುವೆ ಯಾವುದೇ ವಿಚಾರವಾಗಿ ಸಮಸ್ಯೆ ಉದ್ಭವವಾದರೂ ನಾವು ಅದನ್ನು ಮಾತುಕತೆ ಮೂಲಕ ಬಗೆಹರಿಸಿಕೊಳ್ಳಲು ಸಶಕ್ತರಾಗಿದ್ದೇವೆ ಎಂದು ಹೇಳಿದರು.

'ಲಿಪುಲೇಖ್‌, ಕಾಲಾಪಾನಿ ಭಾರತದ್ದು, ಐತಿಹಾಸಿಕ ದಾಖಲೆ ಇವೆ': ಅಧಿಕಾರಿಗಳ ವಾದ

ತಪ್ಪು ಕಲ್ಪನೆಯಿಂದ ನೇಪಾಳ ಗಡಿ ತಕರಾರು ತೆಗೆದಿದ್ದು, ಭಾರತದ ಹೆದ್ದಾರಿ ನೇಪಾಳದ ಗಡಿಯಲ್ಲಿ ಹಾದು ಹೋಗಿಲ್ಲ ಎಂದಿರುವ ರಾಜನಾಥ್, ಲಿಪುಲೇಖ್ ಭಾರತದ ಅವಿಭಾಜ್ಯ ಅಂಗ ಎಂದು ಸ್ಪಷ್ಟಪಡಿಸಿದ್ದಾರೆ.


ಆದರೆ ಗಡಿ ತಕರಾರು ಇದೆ ಎಂಬ ಮಾತ್ರಕ್ಕೆ ಭಾರತ-ನೇಪಾಳ ನಡುವಿನ ಸಂಬಂಧ ಹಳಿಸಿದೆ ಎಂದು ವಿಶ್ಲೇಷಿಸಬೇಕಿಲ್ಲ ಎಂದಿರುವ ರಾಜನಾಥ್, ಪರಸ್ಪರ ಶಾಂತಿ ಮತುಕತೆಗಳ ಮೂಲಕ ಸಮಸ್ಯೆ ಬಗೆಹರಿಸಲು ಕ್ರಮ ಕೈಗೊಳ್ಳಲಾಗುವುದು ಎಂದು ಸ್ಪಷ್ಟಪಡಿಸಿದ್ದಾರೆ.


ಸಮಂಜಸವೂ ಅಲ್ಲ, ಒಪ್ಪುವುದೂ ಇಲ್ಲ: ನೇಪಾಳ ಗಡಿ ನಕ್ಷೆ ಅನುಮೋದನೆಗೆ ಭಾರತ ಗರಂ!

ಭಾರತ-ನೇಪಾಳದ ನಡುವೆ ಐತಿಹಾಸಿಕವಾಗಿ ಅನೋನ್ಯ ಸಂಬಂಧವಿದ್ದು, ಪರಸ್ಪರ ನಡೆದ ಮದುವೆ ಸಂಬಂಧಗಳಿಂದಲೂ ಬಾಂಧವ್ಯ ಗಟ್ಟಿಯಾಗಿದೆ. ಇದೇ ಕಾರಣಕ್ಕೆ ರಾಜನಾಥ್ ಭಾರತ-ನೇಪಾಳ ನಡುವೆ ರೋಟಿ-ಬೇಟಿ ಸಂಬಂಧ ಇದೆ ಎಂದು ಹೇಳಿದ್ದಾರೆ.