ಕೈಲಾಶ್‌ ಸತ್ಯಾರ್ಥಿ ಮನೆಯಿಂದ ನೊಬೆಲ್‌ ಪ್ರತಿಕೃತಿ ಕಳವು

ಹೊಸದಿಲ್ಲಿ: ನೊಬೆಲ್‌ ಪ್ರಶಸ್ತಿ ಪುರಸ್ಕೃತ ಕೈಲಾಶ್‌ ಸತ್ಯಾರ್ಥಿ ಅವರ ಹೊಸದಿಲ್ಲಿಯ ಮನೆಯಲ್ಲಿ ಮಂಗಳವಾರ ಬೆಳಗಿನ ಜಾವ ದರೋಡೆ ನಡೆದಿದ್ದು, ಬೆಲೆಬಾಳುವ ವಸ್ತುಗಳ ಜತೆಗೆ ನೊಬೆಲ್‌ ಪ್ರತಿಕೃತಿಯನ್ನೂ ಕದ್ದೊಯ್ಯಲಾಗಿದೆ.

ಸದ್ಯ ಸತ್ಯಾರ್ಥಿ ಅಮೆರಿಕದಲ್ಲಿದ್ದಾರೆ. ಶಿಷ್ಟಾಚಾರದಂತೆ ನೊಬೆಲ್‌ ಪಾರಿತೋಷಕ ರಾಷ್ಟ್ರಪತಿ ಭವನದಲ್ಲಿದೆ.

'ನೊಬೆಲ್‌ ಪಾರಿತೋಷಕದ ಮೇಲೆ ಕಣ್ಣಿಟ್ಟೇ ಕಿಡಿಗೇಡಿಗಳು ಈ ಕೃತ್ಯ ಎಸಗಿರಬಹುದು. ಸತ್ಯಾರ್ಥಿ ಅವರ ಮನೆಯಲ್ಲಿದ್ದ ಪ್ರತಿಕೃತಿಯನ್ನೇ ನಿಜವಾದ್ದು ಎಂದು ಭಾವಿಸಿ ಅದನ್ನೇ ಕದ್ದೊಯ್ದಿರಬಹುದು,' ಎಂದು ಪೊಲೀಸರು ಶಂಕಿಸಿದ್ದಾರೆ.

ಐಪಿಸಿ ಸೆಕ್ಷನ್‌ 380 (ಮನೆಗಳ್ಳತನ) ಅಡಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ತನಿಖೆ ಕೈಗೊಂಡಿದ್ದಾರೆ.

ದಕ್ಷಿಣ ದಿಲ್ಲಿಯ ಪ್ರತಿಷ್ಠಿತ ಅಲಕಾನಂದ ಪ್ರದೇಶದಲ್ಲಿ ಸತ್ಯಾರ್ಥಿ ಅವರ ಮನೆಯಿದ್ದು, ಈ ದೋರಡೆ ಪ್ರಕರಣ ದಿಲ್ಲಿ ನಿವಾಸಗಳಲ್ಲಿ ಆತಂಕ ಸೃಷ್ಟಿಸಿದೆ.