ಶಾರೂಖ್‌ರನ್ನು ದಾವೂದ್‌ಗೆ ಹೋಲಿಸಿದ ಕೈಲಾಶ್

ವಡೋದರಾ: ನಟ ಶಾರೂಖ್‌ ಖಾನ್‌ರನ್ನು ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಕೈಲಾಶ್ ವಿಜಯ್ ವರ್ಗಿಯಾ ಭೂಗತ ಪಾತಕಿ ದಾವೂದ್ ಇಬ್ರಾಹಿಂಗೆ ಹೋಲಿಸಿದ್ದಾರೆ.

ವಡೋದರಾ ರೈಲ್ವೆ ಸ್ಟೇಷನ್‌ಗೆ ಶಾರೂಖ್ ಬಂದಾಗ ನೂಕುನುಗ್ಗಲು ಉಂಟಾಗಿ ರಾಜಕಾರಣಿ, ಸಮಾಜ ಸೇವಕ ಫರೀದ್ ಖಾನ್ ಪಠಾಣ್ ಮೃತಪಟ್ಟ ಘಟನೆಯ ಕುರಿತು ಮಾತನಾಡುತ್ತಾ ವರ್ಗೀಯಾ ಈ ಹೇಳಿಕೆ ನೀಡಿದ್ದಾರೆ.

'ಒಂದು ವೇಳೆ ದಾವೂದ್ ಇಬ್ರಾಹಿಂ ಬೀದಿಗೆ ಬಂದರೂ ಅವನನ್ನು ನೋಡಲು ಜನರು ಗುಂಪು ಸೇರಬಹುದು, ಜನರ ಗುಂಪು ನೋಡಿ ಜನಪ್ರಿಯತೆಯನ್ನು ಲೆಕ್ಕಾಚಾರ ಹಾಕಲು ಸಾಧ್ಯವಿಲ್ಲ, ಇದರ ಬಗ್ಗೆ ಹೆಚ್ಚೇನು ಹೇಳುವುದಿಲ್ಲ, ಜನರಿಗೆ ನಾನು ಏನು ಹೇಳುತ್ತಿದ್ದೇನೆ ಎಂದು ಅರ್ಥವಾಗಿರುತ್ತದೆ' ಎಂದು ವರದಿಗಾರರ ಬಳಿ ಹೇಳಿದರು.

ಶಾರೂಖ್ 'ರಯೀಸ್‌' ಚಿತ್ರದ ಪ್ರಚಾರಕ್ಕಾಗಿ 'ಆಗಸ್ಟ್ ಕ್ರಾಂತಿ ರಾಜಧಾನಿ ಎಕ್ಸ್‌ಪ್ರೆಸ್‌' ರೈಲಿನಲ್ಲಿ ಬಂದಾಗ ನೂಕುನುಗ್ಗಲು ಉಂಟಾಗಿ ಒಬ್ಬ ವ್ಯಕ್ತಿ ಮೃತ ಪಟ್ಟು, ಮತ್ತೆ ಕೆಲವರಿಗೆ ಪೆಟ್ಟಾಗಿತ್ತು. ಈ ದುರಂತಕ್ಕೆ ಶಾರೂಖ್‌ರನ್ನು ಡಾನ್‌ ದಾವೂದ್‌ಗೆ ಹೋಲಿಸುವುದರ ಮುಖಾಂತರ ಕೈಲಾಶ್‌ ರಾಜಕೀಯ ಬಣ್ಣ ನೀಡಿದ್ದಾರೆ.