AI ವಿಮಾನದಲ್ಲಿ ಮಹಿಳೆಯರಿಗೆ ಪ್ರತ್ಯೇಕ ಸೀಟ್‌

ಹೊಸದಿಲ್ಲಿ: ಏರ್‌ ಇಂಡಿಯಾ ತನ್ನ ದೇಶೀಯ ವಿಮಾನಗಳಲ್ಲಿ ಮಹಿಳೆಯರಿಗೆ ಪ್ರತ್ಯೇಕ ಆಸನಗಳನ್ನು ಕಾಯ್ದಿರಿಸಲಿದೆ.

ಜನವರಿ 18ರಿಂದ ಎಲ್ಲ ದೇಶೀಯ ವಿಮಾನಗಳಲ್ಲಿ 6 ಸೀಟ್‌ಗಳನ್ನು ಮಹಿಳೆಯರಿಗಾಗಿ ಕಾಯ್ದಿರಿಸಲಾಗುವುದು. ವಿಮಾನಗಳಲ್ಲಿ ಮಹಿಳಾ ಪ್ರಯಾಣಿಕರಿಗೆ ಪ್ರತ್ಯೇಕ ಆಸನಗಳನ್ನು ಕಾಯ್ದಿರಿಸುತ್ತಿರುವುದು ಇದೇ ಮೊದಲು ಎನ್ನಲಾಗಿದೆ.

ದೇಶದಲ್ಲಿ ದೂರ ಪ್ರಯಾಣದ ರೈಲು, ಮೆಟ್ರೊ ಹಾಗೂ ಬಸ್‌ಗಳಲ್ಲಿ ಮಹಿಳೆಯರಿಗೆ ಪ್ರತ್ಯೇಕ ಆಸನದ ವ್ಯವಸ್ಥೆ ಇದೆ. ರೈಲುಗಳಲ್ಲಿ ಕೆಲವು ಬೋಗಿಗಳನ್ನೇ ಮಹಿಳೆಯರಿಗೆ ಕಾಯ್ದಿರಿಸಲಾಗಿದೆ.

ಏರ್‌ಇಂಡಿಯಾದ ಮುಂಬಯಿ-ನೆವಾರ್ಕ್‌ ವಿಮಾನದಲ್ಲಿ ಸಹ ಪ್ರಯಾಣಿಕನಿಂದ ಕಿರುಕುಳ ಎದುರಿಸಿದ್ದಾಗಿ ಮಹಿಳೆ ದೂರಿದ ನಂತರ ಏರ್‌ ಇಂಡಿಯಾ ಈ ಕ್ರಮಕ್ಕೆ ಮುಂದಾಗಿದೆ.