ಜಾಹೀರಾತಿನಲ್ಲಿ ರಾಹುಲ್‌ ಈಗ ಯುವರಾಜ!

ಅಹಮದಾಬಾದ್‌: ಗುಜರಾತ್‌ ವಿಧಾನಸಭಾ ಚುನಾವಣೆ ಪ್ರಚಾರದ ಜಾಹೀರಾತಿನಲ್ಲಿ'ಪಪ್ಪು' ಪದ ಬಳಸದಂತೆ ಚುನಾವಣಾ ಆಯೋಗ ನಿರ್ಬಂಧಿಸಿದ ಹಿನ್ನೆಲೆಯಲ್ಲಿಇದೀಗ ಬಿಜೆಪಿ ಕಾಂಗ್ರೆಸ್‌ ಉಪಾಧ್ಯಕ್ಷ ರಾಹುಲ್‌ ಅವರನ್ನು ಗುರಿಯಾಗಿಸಿಕೊಂಡು 'ಯುವರಾಜ' ಎಂಬ ಪದ ಬಳಸಲು ನಿರ್ಧರಿಸಿದೆ.

ಈ ಮೊದಲು ಗುಜರಾತ್‌ ಬಿಜೆಪಿ ಘಟಕವು, ಸೋಷಿಯಲ್‌ ಮಿಡಿಯಾದ ಜಾಹೀರಾತುಗಳಲ್ಲಿರಾಹುಲ್‌ ಗಾಂಧಿಯನ್ನು ಲೇವಡಿ ಮಾಡಲು 'ಪಪ್ಪು' ಪದ ಬಳಸಿ ವಿಡಿಯೊವೊಂದನ್ನು ಸಿದ್ದಪಡಿಸಿತ್ತು.

ಇದಕ್ಕೆ ಚುನಾವಣಾ ಆಯೋಗ ಆಕ್ಷೇಪ ವ್ಯಕ್ತಪಡಿಸಿದ್ದರಿಂದ ಈ 49 ನಿಮಿಷದ ವಿಡಿಯೊದಲ್ಲಿಒಂದಷ್ಟು ಬದಲಾವಣೆಗಳನ್ನು ಮಾಡಿ 'ಪಪ್ಪು' ಬದಲು 'ಯುವರಾಜ' ಶಬ್ದ ಬಳಸಲು ಮುಂದಾಗಿದೆ. ಯುವರಾಜ ಪದ ಬಳಕೆ ಇರುವ ವಿಡಿಯೊ ಬಿಡುಗಡೆಗೆ ಆಯೋಗ ಅನುಮತಿ ನೀಡಿದೆ ಎಂದು ಬಿಜೆಪಿ ಟ್ವಿಟರ್‌ ಮತ್ತು ಫೇಸ್‌ಬುಕ್‌ನಲ್ಲಿಹೇಳಿಕೊಂಡಿದೆ.