ಭಾರತ-ಅಮೆರಿಕ ಸ್ನೇಹಕ್ಕೆ ಸಾಕ್ಷಿಯಾದ ದೋವಲ್-ಪಾಂಪಿಯೋ ಎಲ್ಬೋ ಬಂಪ್!

ಹೊಸದಿಲ್ಲಿ: ಭಾರತ-ಅಮೆರಿಕ ನಡುವಿನ ಸ್ನೇಹಕ್ಕೆ ಉಭಯ ದೇಶಗಳ ನಡುವಿನ ಮೂರನೇ ವಾರ್ಷಿಕ 2+2 ಸಚಿವರ ಮಟ್ಟದ ಮಾತುಕತೆ ಸಾಕ್ಷಿಯಾಗಿದೆ. 2+2 ಮಾತುಕತೆ ಫಲಪ್ರದವಾಗಿದ್ದು, ದ್ವಿಪಕ್ಷೀಯ ರಾಜತಾಂತ್ರಿಕ ಸಂಬಂಧ ಐತಿಹಾಸಿಕ ಘಟ್ಟವನ್ನು ತಲುಪಿದೆ.

ಈ ಮಧ್ಯೆ ಭಾರತದ ರಾಷ್ಟ್ರೀಯ ಭದ್ರತಾ ಸಲಹೆಗಾರ(NSA) ಅಜಿತ್ ದೋವಲ್ ಹಾಗೂ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ ನಡುವಿನ ಎಲ್ಬೋ ಬಂಪ್ ಸ್ವಾಗತ ಎಲ್ಲರ ಗಮನ ಸೆಳೆದಿದೆ.

ಚೀನಾದ ಎದೆ ನಡುಗಿಸಿದ ದಿಗ್ಗಜರ ಸಮಾಗಮ: ಪ್ರಧಾನಿ ಮೋದಿ ಸುತ್ತ ಪ್ರಜಾಪ್ರಭುತ್ವ ರಕ್ಷಕರು!

ಹೌದು, ಕೊರೊನಾ ವೈರಸ್ ಹಾವಳಿಯ ಹಿನ್ನೆಲೆಯಲ್ಲಿ ಭಾರತದ ನಮಸ್ತೆ ಜೊತೆಗೆ ಎಲ್ಬೋ ಬಂಪ್ ಎಂಬ ವಿಶಿಷ್ಟ ಬಗೆ ಕೂಡ ಜಾಗತಿಕವಾಗಿ ಮನ್ನಣೆ ಪಡೆದಿದೆ. ಪರಸ್ಪರ ಭೇಟಿಯಾದಾಗ ಹ್ಯಾಂಡ್ ಶೇಕ್ ಮಾಡುವ ಬದಲು ಮೊಣಕೈಯನ್ನು ಪರಸ್ಪರ ಜೋಡಿಸಿ ಸ್ವಾಗತ ಕೋರುವ ವಿಶಿಷ್ಟ ಬಗೆಯನ್ನು ಎಲ್ಬೋ ಬಂಪ್ ಎನ್ನುತ್ತಾರೆ.



ಕೊರೊನಾ ಮಾರ್ಗಸೂಚಿಗಳ ಹಿನ್ನೆಲೆಯಲ್ಲಿ ಇದೀಗ ಎಲ್ಬೋ ಬಂಪ್ ಭಾರೀ ಜನಪ್ರಿಯವಾಗಿದ್ದು, ಜಾಗತಿಕ ನಾಯಕರೂ ಇದನ್ನು ಅನುಸರಿಸುತ್ತಿದ್ದಾರೆ. ದೋವಲ್ ಹಾಗೂ ಪಾಂಪಿಯೋ ಕೂಡ ಭೇಟಿಯ ಸಂದರ್ಭದಲ್ಲಿ ಎಲ್ಬೋ ಬಂಪ್ ಮಾಡುವ ಮೂಲಕ ಗಮನ ಸೆಳೆದರು.

ಕೇವಲ ಪಾಅಂಪಿಯೋ ಅವರೊಂದಿಗೆ ಮಾತ್ರವಲ್ಲದೇ ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಮಾರ್ಕ್ ಎಸ್ಪರ್ ಅವರಿಗೂ, ಅಜಿತ್ ದೋವಲ್ ಎಲ್ಬೋ ಬಂಪ್ ಸ್ವಾಗತ ಕೋರಿದರು.

ಪ್ರಜಾಪ್ರಭುತ್ವ ವಿರೋಧಿ ಕಮ್ಯೂನಿಸ್ಟ್ ಚೀನಾ ವಿರುದ್ಧ ಭಾರತ-ಅಮೆರಿಕ ಒಂದಾಗಿವೆ: ಪಾಂಪಿಯೋ!

ನಿನ್ನೆ(ಅ.26) ನಡೆದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಹಾಗೂ ಮಾರ್ಕ್ ಎಸ್ಪರ್ ರಕ್ಷಣಾ ಸಭೆಯಲ್ಲಿ, ಭಾರತಕ್ಕೆ ಅಮೆರಿಕದ ರಾಯಭಾರಿ ಕೆನೆತ್ ಜಸ್ಟರ್ ಕೂಡ ಭಾರತೀಯ ನೌಕಾಸೇನೆ ಮುಖ್ಯಸ್ಥ ಅಡ್ಮಿರಲ್ ಕರಂಬೀರ್ ಸಿಂಗ್‌ ಹಾಗೂ ಭಾರತದ ರಕ್ಷಣಾ ಸಿಬ್ಬಂದಿ ಮುಖ್ಯಸ್ಥ(ಸಿಡಿಎಸ್) ಅವರಿಗೆ ಎಲ್ಬೋ ಬಂಪ್ ಸ್ವಾಗತ ಕೋರಿದ್ದನ್ನು ಇಲ್ಲಿ ಸ್ಮರಿಸಬಹುದು.