ಗಾಜಿಯಾಬಾದ್: ತನ್ನ ತಂದೆಯ 'ಆತ್ಮಹತ್ಯೆ' ಬಗ್ಗೆ 13 ವರ್ಷದ ಮಗಳು ಪೊಲೀಸರಿಗೆ ನೀಡಿದ ಹೇಳಿಕೆ, ಆಕೆಯ ತಾಯಿಯನ್ನೇ ಬಂಧಿಸುವಂತೆ ಮಾಡಿದೆ. ಉತ್ತರ ಪ್ರದೇಶದ ಗಾಜಿಯಾಬಾದ್‌ನಲ್ಲಿ ಆತ್ಮಹತ್ಯೆ ಎಂದು ಹೇಳಲಾಗಿದ್ದ ಪ್ರಕರಣ ಕೊಲೆ ಎನ್ನುವುದು ಬೆಳಕಿಗೆ ಬಂದಿದೆ. ಈ ಹತ್ಯೆಯಲ್ಲಿ ಪಾತ್ರ ವಹಿಸಿರುವ ಆರೋಪದಲ್ಲಿ, ಮಹಿಳೆ ಜತೆ ಸಂಬಂಧ ಹೊಂದಿದ್ದ ವ್ಯಕ್ತಿಯನ್ನು ಕೂಡ ಬಂಧಿಸಲಾಗಿದೆ ಎಂದು ಪೊಲೀಸರು ಭಾನುವಾರ ತಿಳಿಸಿದ್ದಾರೆ.
ವೈದ್ಯಕೀಯ ಪ್ರಕ್ರಿಯೆ ನಡೆಸಿದ್ದ ಆಸ್ಪತ್ರೆ ಸಿಬ್ಬಂದಿ, ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಮೃತದೇಹದ ಮರಣೋತ್ತರ ಪರೀಕ್ಷೆ ವರದಿಯಲ್ಲಿ, ಕತ್ತಿನ ಸುತ್ತಲೂ ಹಿಸುಕಿದ ಗುರುತು ಇರುವುದು ಪತ್ತೆಯಾಗಿತ್ತು. ಇದು ಪೊಲೀಸರಲ್ಲಿ ಅನುಮಾನ ಮೂಡಿಸಿತ್ತು.
ಮಗಳನ್ನು ಪ್ರಶ್ನೆಗೆ ಒಳಪಡಿಸಿದ ಪೊಲೀಸರಿಗೆ ಇದರಲ್ಲಿ ಕವಿತಾ ಕೈವಾಡ ಇರುವುದು ಸ್ಪಷ್ಟವಾಗಿತ್ತು. ಅಪ್ಪನ ಬಾಯಿಯನ್ನು ಅಮ್ಮ ಒತ್ತಿಹಿಡಿಯುವುದನ್ನು ಕಿಟಕಿ ಮೂಲಕ ಕಂಡಿದ್ದಾಗಿ 13 ವರ್ಷದ ಬಾಲಕಿ ಪೊಲೀಸರಿಗೆ ತಿಳಿಸಿದ್ದಳು. ಈ ಮಾಹಿತಿ ಆಧಾರದಲ್ಲಿ ಕವಿತಾಳನ್ನು ವಿಚಾರಣೆಗೆ ಒಳಪಡಿಸಿದಾಗ ಸತ್ಯ ಸಂಗತಿ ಬಾಯ್ಬಿಟ್ಟಿದ್ದಾಳೆ. ಬಳಿಕ ಆಕೆಯನ್ನು ಬಂಧಿಸಲಾಗಿದೆ.
ದಿನವೂ ಕುಡಿದು ಬರುತ್ತಿದ್ದ ಪತಿ ಮಹೇಶ್, ತನಗೆ ಯಾವಾಗಲೂ ಹೊಡೆಯುತ್ತಿದ್ದ ಎಂದು ಕವಿತಾ ತಿಳಿಸಿದ್ದಾಳೆ. ನ. 29ರಂದು ಇದೇ ರೀತಿ ಗಲಾಟೆ ನಡೆದ ಬಳಿಕ, ಮಲಗಿದ್ದ ಗಂಡನನ್ನು ಕವಿತಾ ಕೊಂದಿದ್ದಾಳೆ. ಬಳಿಕ ಆತನ ದೇಹವನ್ನು ಆಸ್ಪತ್ರೆಗೆ ಸಾಗಿಸಿ, ಅದು ಆತ್ಮಹತ್ಯೆ ಎಂದು ಹೇಳಿದ್ದಾಳೆ.
ಆಸ್ಪತ್ರೆಯೊಂದರಲ್ಲಿ ದಾದಿಯಾಗಿದ್ದ ಆಕೆ, ವಿನಯ್ ಶರ್ಮಾ ಎಂಬಾತನ ಜತೆ ಸಂಬಂಧ ಹೊಂದಿದ್ದಳು. ಆತ ಆಸ್ಪತ್ರೆಯಲ್ಲಿ ವಿಮಾ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದ. ವಾಟ್ಸಾಪ್ ಚಾಟ್‌ಗಳು ಮತ್ತು ದಾಖಲೆಗಳನ್ನು ಪರಿಶೀಲಿಸಿದಾಗ, ಈ ಹತ್ಯೆಯಲ್ಲಿ ಕವಿತಾ ಮತ್ತು ವಿನಯ್ ಪಾತ್ರ ಇರುವುದು ಸಾಬೀತಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ವೈದ್ಯಕೀಯ ಪ್ರಕ್ರಿಯೆ ನಡೆಸಿದ್ದ ಆಸ್ಪತ್ರೆ ಸಿಬ್ಬಂದಿ, ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಮೃತದೇಹದ ಮರಣೋತ್ತರ ಪರೀಕ್ಷೆ ವರದಿಯಲ್ಲಿ, ಕತ್ತಿನ ಸುತ್ತಲೂ ಹಿಸುಕಿದ ಗುರುತು ಇರುವುದು ಪತ್ತೆಯಾಗಿತ್ತು. ಇದು ಪೊಲೀಸರಲ್ಲಿ ಅನುಮಾನ ಮೂಡಿಸಿತ್ತು.
ಮಗಳನ್ನು ಪ್ರಶ್ನೆಗೆ ಒಳಪಡಿಸಿದ ಪೊಲೀಸರಿಗೆ ಇದರಲ್ಲಿ ಕವಿತಾ ಕೈವಾಡ ಇರುವುದು ಸ್ಪಷ್ಟವಾಗಿತ್ತು. ಅಪ್ಪನ ಬಾಯಿಯನ್ನು ಅಮ್ಮ ಒತ್ತಿಹಿಡಿಯುವುದನ್ನು ಕಿಟಕಿ ಮೂಲಕ ಕಂಡಿದ್ದಾಗಿ 13 ವರ್ಷದ ಬಾಲಕಿ ಪೊಲೀಸರಿಗೆ ತಿಳಿಸಿದ್ದಳು. ಈ ಮಾಹಿತಿ ಆಧಾರದಲ್ಲಿ ಕವಿತಾಳನ್ನು ವಿಚಾರಣೆಗೆ ಒಳಪಡಿಸಿದಾಗ ಸತ್ಯ ಸಂಗತಿ ಬಾಯ್ಬಿಟ್ಟಿದ್ದಾಳೆ. ಬಳಿಕ ಆಕೆಯನ್ನು ಬಂಧಿಸಲಾಗಿದೆ.
ದಿನವೂ ಕುಡಿದು ಬರುತ್ತಿದ್ದ ಪತಿ ಮಹೇಶ್, ತನಗೆ ಯಾವಾಗಲೂ ಹೊಡೆಯುತ್ತಿದ್ದ ಎಂದು ಕವಿತಾ ತಿಳಿಸಿದ್ದಾಳೆ. ನ. 29ರಂದು ಇದೇ ರೀತಿ ಗಲಾಟೆ ನಡೆದ ಬಳಿಕ, ಮಲಗಿದ್ದ ಗಂಡನನ್ನು ಕವಿತಾ ಕೊಂದಿದ್ದಾಳೆ. ಬಳಿಕ ಆತನ ದೇಹವನ್ನು ಆಸ್ಪತ್ರೆಗೆ ಸಾಗಿಸಿ, ಅದು ಆತ್ಮಹತ್ಯೆ ಎಂದು ಹೇಳಿದ್ದಾಳೆ.
ಆಸ್ಪತ್ರೆಯೊಂದರಲ್ಲಿ ದಾದಿಯಾಗಿದ್ದ ಆಕೆ, ವಿನಯ್ ಶರ್ಮಾ ಎಂಬಾತನ ಜತೆ ಸಂಬಂಧ ಹೊಂದಿದ್ದಳು. ಆತ ಆಸ್ಪತ್ರೆಯಲ್ಲಿ ವಿಮಾ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದ. ವಾಟ್ಸಾಪ್ ಚಾಟ್‌ಗಳು ಮತ್ತು ದಾಖಲೆಗಳನ್ನು ಪರಿಶೀಲಿಸಿದಾಗ, ಈ ಹತ್ಯೆಯಲ್ಲಿ ಕವಿತಾ ಮತ್ತು ವಿನಯ್ ಪಾತ್ರ ಇರುವುದು ಸಾಬೀತಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.