ಹೊಸದಲ್ಲಿಯಲ್ಲಿ ಮತ್ತೆ ಸರಿ ಬೆಸ ವಾಹನ ಸಂಖ್ಯೆ ಸಾರಿಗೆ ವ್ಯವಸ್ಥೆ

ಹೊಸದಿಲ್ಲಿ: ಕಳೆದ ಬಾರಿ ಜಾರಿಗೆ ತಂದಿದ್ದ ಸರಿ ಬೆಸ ವಾಹನ ಸಂಖ್ಯೆ ಸಾರಿಗೆ ವ್ಯವಸ್ಥೆಯನ್ನು ಮತ್ತೆ ಜಾರಿಗೆ ತರಲು ಹೊಸದಿಲ್ಲಿ ಸರಕಾರ ಮುಂದಾಗಿದೆ.

ಈ ವಿಷಯವನ್ನು ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್‌ ತಿಳಿಸಿದ್ದಾರೆ.

ನವೆಂಬರ್‌ 4 ರಿಂದ 15ರ ತನಕ ದಿಲ್ಲಿಯಲ್ಲಿ ಸರಿ-ಬೆಸ ಸಂಖ್ಯೆಯ ವಾಹನ ಸಂಚಾರ ಯೋಜನೆ ಜಾರಿಗೆ ತರಲಾಗುವುದು ಎಂದು ಕೇಜ್ರಿವಾಲ್‌ ಪ್ರಕಟಟಿಸಿದರು.

ಚಳಿಗಾಲದ ಸಂದರ್ಭದಲ್ಲಿ ನೆರೆ ಹೊರೆಯ ರಾಜ್ಯಗಳಲ್ಲಿ ತ್ಯಾಜಕ್ಕೆ ಬೆಂಕಿ ಹಚ್ಚುವುದರಿಂದ ವಾಯುಮಾಲಿನ್ಯ ಹೆಚ್ಚಾಗಲಿದೆ. ಇದನ್ನು ನಿಯಂತ್ರಿಸುವ ನಿಟ್ಟಿನಿಂದ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಅವರು ಹೇಳಿದ್ದಾರೆ.

ಈ ಯೋಜನೆಯಡಿ ಸರಿ - ಬೆಸ ಸಂಖ್ಯೆಯ ವಾಹನಗಳು ದಿನಬಿಟ್ಟು ದಿನ ಸಂಚರಿಸಲು ಅವಕಾಶವಿರುತ್ತದೆ. ಊ ಹಿಂದೆಯೂ ಹೊಸದಿಲ್ಲಿಯಲ್ಲಿ ಈ ರೀತಿಯ ಪ್ರಯತ್ನ ಮಾಡಲಾಗಿತ್ತು.

ಹೊಸದಿಲ್ಲಿಯ ಹೊಸ ಯೋಜನೆ ಬಗ್ಗೆ ಪ್ರತಿಕ್ರಯಿಸಿದ ಕೇಂದ್ರ ಭೂ ಸಾರಿಗೆ ಸಚಿವ ನಿತಿನ್‌ ಗಡ್ಕರಿ, ರಾಷ್ಟ್ರ ರಾಜಧಾನಿಯಲ್ಲಿ ವಾಯುಮಾಲಿನ್ಯ ತಡೆಗೆ ಕೇಂದ್ರ ಸರಕಾರ ಈಗಾಗಲೇ ಹಲವಾರು ಉಪಕ್ರಮಗಳನ್ನು ಕೈಗೊಂಡಿದೆ. ಇದು ಮುಂದಿನ ದಿನಗಳಲ್ಲಿ ಸ್ಪಷ್ಟವಾಗಿ ಗೋಚರಿಸಲಿದೆ ಎಂದರು.