6 ವರ್ಷದ ಪುಟಾಣಿಯನ್ನು ಅತ್ಯಾಚಾರ ಎಸಗಿ ಕೊಂದ ಧೂರ್ತನಿಗೆ ಗಲ್ಲುಶಿಕ್ಷೆ

ಕಟಕ್‌: ಆರು ವರ್ಷದ ಪುಟ್ಟ ಬಾಲಕಿ ಮೇಲೆ ಅತ್ಯಾಚಾರ ಮಾಡಿ, ಆಕೆಯನ್ನು ಕೊಲೆ ಮಾಡಿದ ಆರೋಪಿಗೆ ಕಟಕ್‌ ಜಿಲ್ಲಾಮತ್ತು ವಿಶೇಷ ಪೊಸ್ಕೊ ಕೋರ್ಟ್‌ ಮರಣದಂಡನೆ ವಿಧಿಸಿದೆ. 2018ರ ಏಪ್ರಿಲ್‌ 21ರಂದು ಸಾಲೇಪುರ ಪೊಲೀಸ್‌ ಠಾಣೆ ವ್ಯಾಪ್ತಿಯ ಜಗನ್ನಾಥಪುರ ಗ್ರಾಮದ ಶಾಲೆಯ ಕ್ಯಾಂಪಸ್‌ನಲ್ಲಿಪುಟ್ಟ ಬಾಲಕಿ ಅತ್ಯಂತ ಗಂಭೀರ ಸ್ಥಿತಿಯಲ್ಲಿಪತ್ತೆಯಾಗಿತ್ತು. ತಲೆ, ಮುಖ, ಕತ್ತು ಮತ್ತು ಕೊರಳಿನ ಭಾಗದಲ್ಲಿಆಳವಾದ ಗಾಯಗಳಿದ್ದ ಆಕೆಯನ್ನು ಆಸ್ಪತ್ರೆಗೆ ಸೇರಿಸಿದರೂ ಏಪ್ರಿಲ್‌ 29ರಂದು ಆಕೆ ಮೃತಪಟ್ಟಳು. ತನಿಖೆ ನಡೆಸಿದ ಪೊಲೀಸರು ಆರೋಪಿ ಮೊಹಮ್ಮದ್‌ ಮುಷ್ತಾಕ್‌ನನ್ನು ಬಂಧಿಸಿದರು. ಆವತ್ತು ಸಂಜೆ ಬಿಸ್ಕೆಟ್‌ ಕೊಳ್ಳಲೆಂದು ಅಂಗಡಿಗೆ ಹೋಗಿದ್ದ ಬಾಲಕಿಯನ್ನು ಈತ ಶಾಲೆಯ ಆವರಣಕ್ಕೆ ಕರೆದುಕೊಂಡು ದೌರ್ಜನ್ಯ ನಡೆಸಿದ್ದ. ಆಕೆ ಬೊಬ್ಬೆ ಹೊಡೆದಿದ್ದರಿಂದ ಕೊರಳನ್ನು ಒತ್ತಿ ಹಿಡಿದು ಕೊಲೆ ಮಾಡಿದ್ದ.ಒಡಿಶಾದಲ್ಲಿಕಳೆದ ಎರಡು ತಿಂಗಳ ಅವಧಿಯಲ್ಲಿಪೊಸ್ಕೊ ಪ್ರಕರಣದಲ್ಲಿಮರಣದಂಡನೆ ವಿಧಿಸಿದ ನಾಲ್ಕನೇ ಪ್ರಕರಣ ಇದಾಗಿದೆ.