ಅನಿರೀಕ್ಷಿತ ಕಾರಣಗಳಿಂದಂತೆ ಗಾಂಧಿ ಸತ್ತಿದ್ದು! : ಒಡಿಶಾ ಶಾಲಾ ಕೈಪಿಡಿಯಲ್ಲಿದೆ ಈ ಹೊಸ ಮಾಹಿತಿ!

ಭುವನೇಶ್ವರ: ಗಾಂಧಿ ಸತ್ತಿದ್ದು ಹೇಗೆ ಎಂಬುದು ಇಡೀ ದೇಶಕ್ಕಲ್ಲ, ಇಡೀ ವಿಶ್ವಕ್ಕೇ ತಿಳಿದಿರುವ ವಿಚಾರ. ಆದರೆ, ಒಡಿಶಾದ ಶಾಲೆಯ ಕೈಪಿಡಿಯಲ್ಲಿ ಗಾಂಧಿ ಸಾವು ಅನಿರೀಕ್ಷಿತ ಕಾರಣಗಳಿಂದ ಸಂಭವಿಸಿದ್ದು ಎಂಬುದಾಗಿ ಪ್ರಕಟಗೊಂಡಿದೆ. ಇದೀಗ ವಿವಾದಕ್ಕೆ ಕಾರಣವಾಗಿದ್ದು, ಅಲ್ಲಿನ ರಾಜ್ಯ ಸರಕಾರದ ಬುಡಕ್ಕೇ ಬಂದಿದೆ.
ಈ ಕುರಿತು ನವೀನ್‌ ಪಾಟ್ನಾಯಕ್ ಸರ್ಕಾರ ಈ ಕೈಪಿಡಿ ಪ್ರಕಟವಾಗಿರುವುದರ ಕುರಿತು ಪರಿಶೀಲಿಸುವಂತೆ ಆದೇಶ ನೀಡಿದ್ದಾರೆ. ಆದರೂ ಕೂಡ ಗಾಂಧಿ ಕುರಿತು ಇಂತಹ ಗೊಂದಲ ಮೂಡಿಸುವ ಮಾಹಿತಿ ಪ್ರಕಟಿಸಿರುವುದು ಹಲವರ ಕೋಪಕ್ಕೆ ಕಾರಣವಾಗಿದೆ.

ಗಾಂಧೀಜಿ, ಸಾವರ್ಕರ್‌ ನಡುವೆ ಭಿನ್ನತೆ, ಬೆಸುಗೆಗಳ ಸಮರ

ಏನಿದು ಕೈಪಿಡಿ: ಇದೇನು ಪುಟಕಟ್ಟಲೆ ಕೈಪಿಡಿಯಲ್ಲ. ಕೇವಲ ಎರಡು ಪುಟಗಳ ಬ್ರೋಚರ್‌ ಆಗಿದ್ದು 'ನಮ್ಮ ಬಾಪೂಜಿ : ಮಿನುಗು ನೋಟ' ಎಂಬ ಹೆಸರಿನಲ್ಲಿ ಪ್ರಕಟವಾಗಿದೆ. ಈ ಕೈಪಿಡಿಯನ್ನು ಒಡಿಶಾ ರಾಜ್ಯದ 'ಶಾಲಾ ಮತ್ತು ಸಮೂಹ ಶಿಕ್ಷಣ ಇಲಾಖೆ ಸಿದ್ದಪಡಿಸಿದೆ. 1948ರ ಜನವರಿ 30 ರಂದು ದೆಹಲಿಯ ಬಿರ್ಲಾ ಹೌಸ್‌ನಲ್ಲಿ ಉಂಟಾದ ಅನಿರೀಕ್ಷಿತ ಬೆಳವಣಿಗೆಗಳಿಂದ ಗಾಂಧಿ ಸಾವಿಗೀಡಾದರು ಎಂದು ಈ ಕೈಪಿಡಿಯಲ್ಲಿ ಹೇಳಲಾಗಿದೆ.

ಹೊತ್ತಿದ ಸಾವರ್ಕರ್ ಕಿಡಿ- ಸಿದ್ದು ಮಾತು ಹಿಂಪಡೆಯಲಿ ಎಂದ ಶ್ರೀನಿವಾಸ್ ಪೂಜಾರಿ

ಈ ಕೈಪಿಡಿಯಲ್ಲಿ ಗಾಂಧಿ ಅವರ ಸಂದೇಶಗಳು, .ಗಾಂಧಿ ಮತ್ತು ಒಡಿಶಾ ನಡುವಿನ ಸಂಬಂಧಗಳ ಬಗ್ಗೆಯೂ ತಿಳಿಸಲಾಗಿದೆ. ಕಳೆದ ಅಕ್ಟೋಬರ್‌ 2ರ 150ನೇ ಗಾಂಧಿ ಜಯಂತಿಯಂದು ಒಡಿಶಾದ ಎಲ್ಲ ಸರಕಾರಿ ಶಾಲೆಗಳಿಗೆ ಈ ಕೈಪಿಡಿಯನ್ನು ವಿತರಿಸಲಾಗಿತ್ತು.

ಮಕ್ಕಳಿಗೆ ಗಾಂಧಿ ಹೇಗೆ ಸತ್ತರು, ಗಾಂಧಿ ಯಾರಿಂ ದಕೊಲೆಯಾದರು ಎಂಬ ಮಾಹಿತಿಯನ್ನು ತಿಳಿಯಬೇಕು. ಈ ಕೈಪಿಡಿ ಸಿದ್ಧಪಡಿಸುವವರ ಹಿಂದೆ ಗಾಂಧಿ ದ್ವೇಷಿಗಳ ಕೈವಾಡವಿದೆ. ಸರ್ಕಾರ ಇದಕ್ಕೆ ಕ್ಷಮೆ ಯಾಚಿಸಬೇಕು ಮತ್ತು ಕೈಪಿಡಿಯನ್ನು ಹಿಂಪಡೆಯಬೇಕು ಎಂದು ಅಲ್ಲಿನ ಕಾಂಗ್ರೆಸ್‌ ಶಾಸಕ ನರಸಿಂಗ ಮಿಶ್ರಾ ಆಗ್ರಹಿಸಿದ್ದಾರೆ.