ಭಾರತದಲ್ಲಿ ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವೀಟರ್ ಖಾತೆ ಅಮಾನತು; ನಿಯಮ ಉಲ್ಲಂಘಿಸಿದ್ದಕ್ಕೆ ಶಿಕ್ಷೆ

ಹೊಸದಿಲ್ಲಿ: ಭಾರತದಲ್ಲಿ ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವೀಟರ್ ಖಾತೆಯನ್ನು ತಾತ್ಕಾಲಿಕವಾಗಿ ಅಮಾನತುಗೊಳಿಸಲಾಗಿದೆ. ಟ್ವೀಟರ್ ನ ನಿಯಮಗಳನ್ನು ಉಲ್ಲಂಘಿಸಿದ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.

ಟ್ವೀಟರ್ ನಲ್ಲಿರುವ ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವೀಟರ್ ಹ್ಯಾಂಡಲ್ ನ ಮುಖಪುಟದಲ್ಲಿ ಈ ಬಗ್ಗೆ ಪಾಕಿಸ್ತಾನ ಸರ್ಕಾರವೇ ಮಾಹಿತಿ ನೀಡಿದೆ. ಕಾನೂನಿನ ಕ್ರಮದ ಹಿನ್ನೆಲೆಯಲ್ಲಿ ಭಾರತದಲ್ಲಿ ನಮ್ಮ (ಪಾಕಿಸ್ತಾನ ಸರ್ಕಾರ) ಅಧಿಕೃತ ಟ್ವಿಟರ್ ಖಾತೆಗೆ ತಡೆ ಹಾಕಲಾಗಿದೆ ಎಂದು ಹೇಳಲಾಗಿದೆ.

NIA Raid: ಗ್ಯಾಂಗ್‌ಸ್ಟರ್‌ಗಳ ಮನೆ ಮೇಲೆ ಎನ್‌ಐಎ ದಾಳಿ: ಪಾಕಿಸ್ತಾನದ ನಂಟು ಬಯಲಿಗೆ
ಇತ್ತೀಚೆಗೆ, ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (PFI) ಸಂಸ್ಥೆಯ ಟ್ವಿಟರ್ ಹ್ಯಾಂಡಲ್ ಅನ್ನು ನಿಷ್ಕ್ರಿಯಗೊಳಿಸಲಾಗಿತ್ತು. ಆ ಸಂಸ್ಥೆಗೆ ಪಾಕಿಸ್ತಾನ ಮತ್ತಿತರ ದೇಶಗಳ ಮೂಲಕ ದೇಣಿಗೆ ಬಂದಿರುವ ಬಗ್ಗೆ ಆರೋಪಗಳಿವೆ. ಆ ತನಿಖೆಯ ಹಿನ್ನೆಲೆಯಲ್ಲಿ ಈಗ ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವಿಟರ್ ಖಾತೆಯನ್ನು ಭಾರತದಲ್ಲಿ ಅಮಾನತುಗೊಳಿಸಬಹುದೇ ಎಂಬ ಗುಮಾನಿ ಆವರಿಸಿದೆ.

ಹಾಗೆಂದ ಮಾತ್ರಕ್ಕೆ, ಪಾಕಿಸ್ತಾನ ಸರ್ಕಾರದ ಟ್ವಿಟರ್ ಖಾತೆಯು ಭಾರತದಲ್ಲಿ ಹೀಗೆ ಅಮಾನತುಗೊಂಡಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ ಜುಲೈನಲ್ಲಿ ಪಾಕಿಸ್ತಾನದ ಹಲವಾರು ಟ್ವಿಟರ್ ಖಾತೆಗಳನ್ನು ಭಾರತದಲ್ಲಿ ಬ್ಯಾನ್ ಮಾಡುವಂತೆ ಕೇಂದ್ರ ಸರ್ಕಾರ ಟ್ವಿಟರ್ ಸಂಸ್ಥೆಗೆ ಸೂಚಿಸಿದ್ದರಿಂದಾಗಿ ಟ್ವಿಟರ್ ಸಂಸ್ಥೆ, ಕೇಂದ್ರ ಸಲ್ಲಿಸಿದ್ದ ಟ್ವಿಟರ್ ಖಾತೆಗಳನ್ನು ಭಾರತದಲ್ಲಿ ಅಮಾನತುಗೊಳಿಸಿತ್ತು. ಅದರಲ್ಲಿ ಪಾಕಿಸ್ತಾನ ಸರ್ಕಾರದ ಅಧಿಕೃತ ಟ್ವಿಟರ್ ಖಾತೆಯೂ ಸೇರಿತ್ತು. ಆನಂತರ, ಪಾಕಿಸ್ತಾನ ಸರ್ಕಾರದ ಟ್ವಿಟರ್ ಖಾತೆಯನ್ನು ಭಾರತದಲ್ಲಿ ಪುನಃ ಕಾರ್ಯನಿರ್ವಹಿಸಲು ಅವಕಾಶ ಕಲ್ಪಿಸಲಾಗಿತ್ತು. ಆದರೀಗ, ಪುನಃ ಆ ಟ್ವಿಟರ್ ಖಾತೆಯನ್ನು ಪುನಃ ಅಮಾನತುಗೊಳಿಸಲಾಗಿದೆ.

ಪಾಕಿಸ್ತಾನ ಮೂಲದ ಟ್ವಿಟರ್ ಖಾತೆಗಳನ್ನು ಮಾತ್ರವಲ್ಲ, ಕೆಲವು ಯೂ ಟ್ಯೂಬ್ ಚಾನೆಲ್ ಗಳನ್ನು, ವಿಶ್ವಸಂಸ್ಥೆಯಲ್ಲಿರುವ ಪಾಕಿಸ್ತಾನ ರಾಜತಾಂತ್ರಿಕ ಸಿಬ್ಬಂದಿಯ ಅಧಿಕೃತ ಟ್ವಿಟರ್ ಹ್ಯಾಂಡಲ್ ಗಳನ್ನು, ಟರ್ಕಿ, ಇರಾನ್, ಈಜಿಪ್ಟ್ ನ ಟ್ವಿಟರ್ ಖಾತೆಗಳನ್ನು ಆಗಸ್ಟ್ ನಲ್ಲಿ ಅಮಾನತುಗೊಳಿಸಲಾಗಿತ್ತು. ಇದಲ್ಲದೆ, ಪಾಕಿಸ್ತಾನದ ಒಂದು ಫೇಸ್ ಬುಕ್ ಪೇಜ್ ಹಾಗೂ ಯು ಟ್ಯೂಬ್ ವಾಹಿನಿಯನ್ನು ಭಾರತ ವಿರೋಧಿ ವಿಷಯವನ್ನು ಪ್ರಕಟಿಸಿದ ಹಿನ್ನೆಲೆಯಲ್ಲಿ ಭಾರತದಲ್ಲಿ ನಿಷೇಧಿಸಲಾಗಿತ್ತು.

ಇಲ್ಲಿಯವರೆಗೆ, 100 ಯು ಟ್ಯೂಬ್ ವಾಹಿನಿಗಳು, 4 ಫೇಸ್ ಬುಕ್ ಪೇಜ್ ಗಳು, 5 ಟ್ವಿಟರ್ ಖಾತೆಗಳು, 3 ಇನ್ ಸ್ಟಾ ಗ್ರಾಂ ಖಾತೆಗಳನ್ನು ಕೇಂದ್ರ ಸರ್ಕಾರದ ಸೂಚನೆಯ ಮೇರೆಗೆ ಅಮಾನತುಗೊಳಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.