ಒಮರ್‌ ಅಬ್ದುಲ್ಲಾ, ಮೆಹಬೂಬಾ ಮುಫ್ತಿ ವಿರುದ್ಧ ಭಯೋತ್ಪಾದಕರ ವಿರುದ್ಧ ಬಳಸೋ ಕಠಿಣ ಕಾನೂನು ಜಾರಿ!

ಜಮ್ಮು-ಕಾಶ್ಮೀರ: ಆರ್ಟಿಕಲ್ 370 ರದ್ದು ಬಳಿಕ ಕಳೆದ ಆರು ತಿಂಗಳುಗಳಿಂದ ಬಂಧನದಲ್ಲಿರುವ ಜಮ್ಮು-ಕಾಶ್ಮೀರದ ಮಾಜಿ ಮುಖ್ಯಮಂತ್ರಿಗಳಾದ ಒಮರ್ ಅಬ್ದುಲ್ಲಾ ಹಾಗೂ ಮೆಹಬೂಬಾ ಮುಫ್ತಿ ವಿರುದ್ಧ ಸಾರ್ವಜನಿಕ ಸುರಕ್ಷತಾ ಕಾಯ್ದೆಯನ್ನು ಜಾರಿಗೊಳಿಸಿಲಾಗಿದೆ. ಅತ್ಯಂಕ ಕಠಿಣ ಕಾನೂನು ಎಂದು ಕರೆಯಲ್ಪಡುವ ಈ ಕಾಯ್ದೆಯಡಿಯಲ್ಲಿ ಓರ್ವ ವ್ಯಕ್ತಿಯನ್ನು ವಿಚಾರಣೆಯಿಲ್ಲದೆ ಬಂಧನದಲ್ಲಿಡಲು ಹಾಗೂ ಬಂಧನ ಅವಧಿಯನ್ನು ವಿಸ್ತರಣೆ ಮಾಡಲು ಅವಕಾಶವಿದೆ.

ಕಳೆದ ಆರು ತಿಂಗಳಿಂದ ಗೃಹ ಬಂಧನದಲ್ಲಿರುವ ಇಬ್ಬರು ಮಾಜಿ ಮುಖ್ಯಮಂತ್ರಿಗಳಿಗೆ ಕೊನೆಯ ಅವಧಿಯಲ್ಲಿ ಈ ಕಾಯ್ದೆಯನ್ನು ಜಾರಿಗೊಳಿಸಲಾಗಿದ್ದು ಅವರ ಬಂಧನ ಅವಧಿ ಮುಂದುವರಿಯಲಿದೆ. ಈ ವಿಚಾರವನ್ನು ಮೆಹಬೂಬ ಮುಫ್ತಿ ಪುತ್ರಿ ತಮ್ಮ ಟ್ವಿಟ್ಟರ್‌ನಲ್ಲಿ ಅಧಿಕೃತವಾಗಿ ತಿಳಿಸಿದ್ದಾರೆ.

ಮಹಿಳಾ ಕಮಾಂಡರ್‌ಗಳನ್ನು ಪುರುಷರು ಒಪ್ಪಿಕೊಳ್ಳಲ್ಲ! ಮಹಿಳಾ ಅಧಿಕಾರಿಗಳು ಸೂಕ್ತವಲ್ಲ!: ಕೇಂದ್ರ

ಇವರ ಜತೆಗೆ ನ್ಯಾಷನಲ್ ಕಾನ್ಫರೆನ್ಸ್‌ನ ಅಲಿ ಮುಹಮ್ಮದ್ ಸಾಗರ್ ಹಾಗೂ ಪಿಡಿಪಿ ಪಕ್ಷದ ಸರ್ತಜ್ ಮಾದ್ವಿ ವಿರುದ್ಧ ಸಾರ್ವಜನಿಕ ಸುರಕ್ಷತಾ ಕಾಯ್ದೆಯನ್ನು ಜಾರಿಗೊಳಿಸಲಾಗಿದೆ.

ಒಮರ್‌ ಅಬ್ದುಲ್ಲಾ ಜಮ್ಮು - ಕಾಶ್ಮೀರದ ಸರಕಾರಿ ಅತಿಥಿ ಗೃಹ ಹರಿ ನಿವಾಸ್‌ನಲ್ಲಿ ಬಂಧನದಲ್ಲಿದ್ದಾರೆ. ಇತ್ತೀಚೆಗೆ ಅವರ ಗಡ್ಡಧಾರಿ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಮೆಹಬೂಬ ಮುಫ್ತಿ ಶ್ರೀನಗರದ ಸರಕಾರಿ ಅತಿಥಿ ಗೃಹದಲ್ಲಿ ಬಂಧನದಲ್ಲಿದ್ದಾರೆ.

ಪಾಕ್‌ನಲ್ಲಿರೋ ಧಾರ್ಮಿಕ ಅಲ್ಪಸಂಖ್ಯಾತರನ್ನು ರಕ್ಷಿಸಲು ಹೊರಟಿದ್ದ ನೆಹರೂ ಕೋಮುವಾದಿಯೇ? ಕಾಂಗ್ರೆಸ್‌ಗೆ ಪ್ರಧಾನಿ ಪ್ರಶ್ನೆ..!

ಸೆಪ್ಟಂಬರ್ 2019 ರಲ್ಲಿ ಒಮರ್‌ ಅಬ್ದುಲ್ಲಾ ಅವರ ತಂದೆ 84 ವರ್ಷದ ಫಾರೂಕ್‌ ಅಬ್ದುಲ್ಲಾ ವಿರುದ್ಧ ಈ ಕಾಯ್ದೆಯನ್ನು ಜಾರಿಗೊಳಿಸಲಾಗಿತ್ತು. ಸಹಜವಾಗಿ ಈ ಕಾಯ್ದೆಯನ್ನು ಭಯೋತ್ಪಾದಕರು ಹಾಗೂ ಪ್ರತ್ಯೇಕವಾದಿಗಳ ವಿರುದ್ಧ ಬಳಲಾಗುತ್ತದೆ.