ಬಾಲ್ಯ ವಿವಾಹವಾದಾಕೆಗೆ ನೀಟ್‌ ರ‍್ಯಾಂಕ್

ಕೋಟ: ನೀಟ್‌ ಪರೀಕ್ಷೆ ಫಲಿತಾಂಶದ ಮತ್ತೊಂದು ಪ್ರೇರಣಾದಾಯಕ ಕಥೆ ಇಲ್ಲಿದೆ. ಎಂಟನೇ ವಯಸ್ಸಿಗೆ ಬಾಲ್ಯ ವಿವಾಹವಾಗಿದ್ದ 20 ವರ್ಷದ ಯುವತಿ ರಾಷ್ಟ್ರೀಯ ಅರ್ಹತಾ ಮತ್ತು ಪ್ರವೇಶ ಪರೀಕ್ಷೆಯಲ್ಲಿ ರ‍್ಯಾಂಕ್ ಪಡೆದು ದೇಶದ ಗಮನ ಸೆಳೆದಿದ್ದಾಳೆ.

ಡಾಕ್ಟರ್‌ ಆಗಬೇಕು ಎಂಬ ಕನಸಿಗೆ ಆಕೆಯ ಬಾಲ್ಯ ವಿವಾಹ ಅಡ್ಡಿಯಾಗಿಲ್ಲ. ರಾಜಸ್ಥಾನದ ಸಾಂಪ್ರದಾಯಿಕ ಬಡ ಕುಟುಂಬದಲ್ಲಿ ಬೆಳೆದ ರೂಪ್‌ ಯಾದವ್‌ ನೀಟ್‌ ಪರೀಕ್ಷೆಯಲ್ಲಿ 603 ಅಂಕಗಳನ್ನು ಗಳಿಸುವ ಮೂಲಕ ದೇಶಕ್ಕೆ 2,612 ರ‍್ಯಾಂಕ್ ಗಳಿಸಿದ್ದಾಳೆ.

ಆಕೆ 3ನೇ ತರಗತಿಯಲ್ಲಿರುವಾಗಲೇ ಆಕೆಯ ಮದವೆಯಾಯಿತು. ರೂಪಾ ಹಾಗೂ ಆಕೆಯ ಅಕ್ಕ ರುಕ್ಮಾಳ ಮದೆವೆ ಸೋದರರಾದ ಶಂಕರ್‌ ಲಾಲ್‌ , ಬಾಬುಲಾಲ್‌ ಜತೆ ಆಗಿತ್ತು. ಓದಿನಲ್ಲಿ ಮುಂದಿದ್ದ ರೂಪಾ 10ನೇ ತರಗತಿಯಲ್ಲಿ ಶೇ.84ರಷ್ಟು ಅಂಕ ಪಡೆದಿದ್ದಳು. ಮುಂದೆ ಶಿಕ್ಷಣ ಮುಂದುವರಿಸಲು ಪತಿ ಹಾಗೂ ಭಾವ ಸಹಕರಿಸಿದ್ದರು.

ನೆರೆ ಹೊರೆಯವರ ಕೊಂಕಿನ ಮಾತಿನ ನಡುವೆಯೇ ರೂಪಾ ಛಲ ಬಿಡದೇ ಗುರಿ ಸಾಧಿಸಿದ್ದಾರೆ. ಪತಿ ಬಾಬು ಲಾಲ್‌ ಆಟೋ ಓಡಿಸಿ ರೂಪಾ ಶಿಕ್ಷಣಕ್ಕೆ ನೆರವಾಗಿದ್ದಾರೆ. ಅತ್ತೆ ಮಾವ ಸಹ ಓದಿಗೆ ಸಹಕರಿಸಿದ್ದಾರೆ ಎಂದು ರೂಪಾ ಹೇಳಿದ್ದಾಳೆ.