​ಶಿವಶಕ್ತಿ ಯೋಗ ಕೇಂದ್ರದಲ್ಲಿ ಮಹಿಳೆಗೆ ಕಿರುಕುಳ

ಕೊಚ್ಚಿ: ಉದಯಂಪೆರೂರಿನಲ್ಲಿರುವ ಶಿವಶಕ್ತಿ ಯೋಗ ವಿದ್ಯಾಲಯದಲ್ಲಿ ಅಕ್ರಮವಾಗಿ ಕೂಡಿ ಹಾಕಿ ಕಿರುಕುಳ ನೀಡುತ್ತಿರುವುದಾಗಿ ಮಹಿಳೆಯೊಬ್ಬರು ಹೈಕೋರ್ಟ್‌ಗೆ ಹೇಳಿಕೆ ನೀಡಿದ್ದಾರೆ.

ಹಿಂದೂ ಧರ್ಮದ ಈ ಸಂತ್ರಸ್ತ ಮಹಿಳೆ ಬೇರೆ ಧರ್ಮದ ಹುಡುಗನನ್ನು ಪ್ರೀತಿಸುತ್ತಿದ್ದು , ಪ್ರೀತಿಯನ್ನು ಬಿಡಿಸಲು 'ಘರ್‌ ವಾಪ್ಸಿ' ಪ್ರಕ್ರಿಯೆ ನಡೆಸುತ್ತಿರುವ ಕೇಂದ್ರದಲ್ಲಿ ತನ್ನನ್ನು ಬಲವಂತದ ಗರ್ಭ ಪರೀಕ್ಷೆಗೆ ಒಳಪಡಿಸುವ ಜತೆಗೆ ಇತರ ದೈಹಿಕ ಹಿಂಸೆ ನೀಡಿದ್ದಾರೆಂದು ಆಕೆ ಹೈಕೋರ್ಟ್‌ಗೆ ಹೇಳಿದ್ದು, ಕೋರ್ಟ್‌ ಹೇಳಿಕೆ ದಾಖಲಿಸಿಕೊಂಡು ತನಿಖೆಗೆ ಆದೇಶಿಸಿದೆ.

ಶ್ರುತಿ ಎಂಬ ಮಹಿಳೆ ಹನೀಸ್‌ ಹಮೀದ್‌ನನ್ನು ಪ್ರೀತಿಸುತ್ತಿದ್ದು, ಆಕೆಯನ್ನು ಹುಡುಕಿಕೊಡುವಂತೆ ಹಮೀದ್‌ ಕೋರ್ಟ್‌ಗೆ ಹೇಬಿಯಸ್‌ ಕಾರ್ಪಸ್‌ ಅರ್ಜಿ ಸಲ್ಲಿಸಿದ್ದರು.

ಶ್ರುತಿ ಭೌತಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದರು. ಬೇರೆ ಧರ್ಮದವನ ಜತೆ ಮದುವೆಯಾಗುವ ನಿರ್ಧಾರದಿಂದ ಹಿಂದೆ ಸರಿಯಲು ಪೋಷಕರು ತನ್ನನ್ಜು ಯೋಗ ಕೇಂದ್ರಕ್ಕೆ ಸೇರಿಸಿದ್ದರು. ಅಲ್ಲಿನವರು ನಾನಾ ರೀತಿ ನನಗೆ ಹಿಂಸೆ ನೀಡಿದ್ದಾರೆ. ಅಲ್ಲಿದ್ದ 40-60 ಮಹಿಳೆಯರನ್ನು ಬಲವಂತದ ಗರ್ಭ ಪರೀಕ್ಷೆಗೆ ಒಳಪಡಿಸಲಾಗುತ್ತಿದೆ. ಬೆಳಗ್ಗೆ ನಾಲ್ಕಕ್ಕೆ ಎಬ್ಬಿಸಿ ಯೋಗಾಸನದ ಬಳಿಕ ಸಂಜೆವರೆಗೆ ಸತ್ಸಂಗ, ಯೋಗ ತರಗತಿಯಲ್ಲಿ ಕೂರಿಸುತ್ತಿದ್ದರು. ಈ ಮಧ್ಯೆ ದೈಹಿಕ ಹಿಂಸೆ ನೀಡುತ್ತಿದ್ದರು ಎಂದು ಶ್ರುತಿ ಕೋರ್ಟ್‌ಗೆ ತಿಳಿಸಿದ್ದಾರೆ.

ಶ್ರುತಿ ತನ್ನ ಪತ್ನಿ ಎಂದು ಹಮೀದ್‌ ಹೇಳಿದ್ದು, ನ್ಯಾಯಾಲಯವು ಇವರಿಬ್ಬರ ವಿವಾಹವನ್ನು ಕಾನೂನು ಪ್ರಕಾರ ನೋಂದಣಿ ಮಾಡಿಸಿಕೊಳ್ಳಲು ಒಂದು ತಿಂಗಳ ಕಾಲಾವಕಾಶ ನೀಡಿದೆ.

One more woman alleges: Hindu women, who were illegally detained at Siva Sakthi Yogavidya Kendram in Udayamperoor for 'ghar wapsi', after they fell in love with men from other religions,