ದೇವಾಲಯ ಭೇಟಿ: 220 ಭಾರತೀಯರಿಗೆ ವೀಸಾ ನೀಡಿದ ಪಾಕ್

ಹೊಸದಿಲ್ಲಿ: ಪಾಕಿಸ್ತಾನದಲ್ಲಿ ಬುಧವಾರ (5/12/2018) ಆರಂಭವಾಗಿ 16ರವರೆಗೆ ಮುಂದುವರೆಯುವ ಶಿವ ಅವತಾರಿ ಸದ್ಗರು ಸಂತ ಶಾದಾರಾಂ ಸಾಹೀಬ್ ಅವರ 310ನೇ ಜಯಂತಿ ಕಾರ್ಯಕ್ರಮದಲ್ಲಿ ಭಾಗವಹಿಸಲು 220 ಭಾರತೀಯ ಯಾತ್ರಾರ್ಥಿಗಳಿಗೆ ಪಾಕ್ ಹೈಕಮಿಷನ್ ವೀಸಾ ನೀಡಿದೆ.

ಉಭಯ ದೇಶಗಳು ಸಿಖ್ ಯಾತ್ರಾ ಕ್ಷೇತ್ರವಾದ ಕತಾರ್ಪುರ್ ಸುಗಮ ಸಂಪರ್ಕ ಕಲ್ಪಿಸುವ ಕಾರಿಡಾರ್ ನಿರ್ಮಿಸುವ ಯೋಜನೆ ಘೋಷಿಸಿದ ಬೆನ್ನಲ್ಲೆ ಪಾಕ್ ಈ ನಡೆ ಅನುಸರಿಸಿದೆ.

ಧಾರ್ಮಿಕ ದೇವಾಲಯಗಳ ಭೇಟಿಗೆ ಸಂಬಂಧಿಸಿದಂತೆ 1974ರಲ್ಲಿ ಮಾಡಿಕೊಂಡಿರುವ ಒಪ್ಪಂದದ ಪ್ರಕಾರ, ಪ್ರತಿವರ್ಷ ಭಾರತದ ಸಿಖ್ ಹಾಗೂ ಹಿಂದಬ ಯಾತ್ರಿಗಳು ಪಾಕಿಸ್ತಾನದಲ್ಲಿ ನಡೆಯುವ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುತ್ತಾರೆ.