ಹೊಸದಿಲ್ಲಿ: ತನ್ನ ನೆಲದಿಂದ ಕಾರ್ಯಾಚರಣೆ ನಡೆಸುತ್ತಿರುವ ಉಗ್ರ ಸಂಘಟನೆಗಳ ಮೇಲೆ ಕಠಿಣ ಕ್ರಮಗಳ ಕೈಗೊಳ್ಳಬೇಕು ಎಂದು ಅಂತಾರಾಷ್ಟ್ರೀಯ ಒತ್ತಡ ಎದುರಿಸುತ್ತಿರುವ ಪಾಕಿಸ್ತಾನವು, ಈ ವಿಚಾರವಾಗಿ ಜಾಗತಿಕ ಸಮುದಾಯ ಹಾಗೂ ಭಾರತವನ್ನು ಮತ್ತೊಮ್ಮೆ ವಂಚಿಸಿದೆ. ಪಾಕ್ ಸರಕಾರ ಫೆ.21ರಂದು ಬಿಡುಗಡೆ ಮಾಡಿರುವ ನಿಷೇಧಿತ ಉಗ್ರ ಸಂಘಟನೆಗಳ ಪಟ್ಟಿಯಲ್ಲಿ ಮಸೂದ್ ಅಜರ್ನ ಜೈಷೆ ಮೊಹಮದ್ ಹಾಗೂ ಹಫೀಜ್ ಸಯೀದ್ನ ಲಷ್ಕರೆ ತಯ್ಯಬಾ ಸೇರಿವೆ. ಜತೆಗೆ, ಲಷ್ಕರೆ ಸಹೋದರ ಸಂಘಟನೆಗಳಾದ ಜಮಾತ್-ಉದ್-ದಾವಾ (ಜೆಯುಡಿ) ಹಾಗೂ ಫಲ್ಹಾ-ಇ-ಇನ್ಸಾನಿಯಾತ್ ಫೌಂಡೇಷನ್ (ಎಫ್ಐಎಫ್) ಕೂಡ ಇವೆ. ಆದರೆ ಇವುಗಳನ್ನು ನಿಷೇಧಿಸಿರುವ ಕುರಿತು ಇದುವರೆಗೂ ಅಧಿಕೃತ ಆದೇಶವನ್ನೇ ಹೊರಡಿಸಿಲ್ಲ! ಕೇವಲ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿ ಜಗತ್ತಿನ ದಾರಿ ತಪ್ಪಿಸುವ ಕುತಂತ್ರವನ್ನು ಪಾಕಿಸ್ತಾನ ಮಾಡಿದೆ. ಹಫೀಜ್ ಸಯೀದ್ನ ಲಷ್ಕರೆ ತಯ್ಯಬಾ 2001ರ ಸಂಸತ್ ದಾಳಿ ಸೇರಿದಂತೆ ಭಾರತದಲ್ಲಿ ಅನೇಕ ದಾಳಿಗಳನ್ನು ನಡೆಸಿದೆ. ಕೆಲವು ದಾಳಿಗಳಿಗೆ ಜೈಷೆ ಕೂಡ ಸಹಕಾರ ನೀಡಿದೆ.
ಪಾಕ್ನಿಂದ ಮತ್ತೆ ವಂಚನೆ
ಉಗ್ರ ಸಂಘಟನೆಗಳ ನಿಷೇಧಿಸಿರುವ ಕುರಿತು ಇದುವರೆಗೂ ಅಧಿಕೃತ ಆದೇಶವನ್ನೇ ಹೊರಡಿಸಿಲ್ಲ!
Vijaya Karnataka 5 Mar 2019, 5:00 am