ಕರ್ತಾರಪುರ ಗುರುದ್ವಾರಕ್ಕೆ ನೀಡಿದ್ದ ಭೂಮಿ 42 ಎಕರೆಗೆ ಏರಿಕೆ

ಲಾಹೋರ್‌: ಮಹತ್ವದ ಬೆಳವಣಿಗೆಯೊಂದರಲ್ಲಿ ಪಾಕಿಸ್ತಾನದ ಪಂಜಾಬ್‌ ಪ್ರಾಂತ್ಯದಲ್ಲಿನ ಸಿಖ್‌ ಧರ್ಮೀಯರ ಪವಿತ್ರ ಕ್ಷೇತ್ರ ದರ್ಬಾರ್‌ ಸಾಹಿಬ್‌ನಲ್ಲಿ ಗುರುದ್ವಾರಕ್ಕೆ ನೀಡಲಾಗಿದ್ದ ಭೂಮಿಯನ್ನು 3 ಎಕರೆಯಿಂದ 42 ಎಕರೆಗೆ ಪಾಕ್‌ ಸರಕಾರ ಹೆಚ್ಚಿಸಿದೆ.

ಕರ್ತಾರಪುರ ಕಾರಿಡಾರ್‌ ಯೋಜನೆಯ ಶೇ. 80ರಷ್ಟು ಕಾಮಗಾರಿಗಳು ಪೂರ್ಣಗೊಂಡಿವೆ. 42 ಎಕರೆಯಲ್ಲಿ ಗುರುದ್ವಾರಕ್ಕೆ ಸಂಬಂಧಿತ ನಿರ್ಮಾಣಗಳು ನಡೆಯಲಿವೆ. ಮತ್ತೊಂದೆಡೆ, ಸುತ್ತಲಿನ 62 ಎಕರೆಯನ್ನು ಕೃಷಿಗೆ ಮೀಸಲಿರಿಸಲಾಗಿದೆ ಎಂದು ಪಂಜಾಬ್‌ ಪ್ರಾಂತ್ಯದ ರಾಜ್ಯಪಾಲ ಚೌಧರಿ ಮೊಹಮ್ಮದ್‌ ಸಾರ್ವಾರ್‌ ಹೇಳಿದ್ದಾರೆ.

ಇದರೊಂದಿಗೆ ಗುರುದ್ವಾರ ದರ್ಬಾರ್‌ ಸಾಹಿಬ್‌ನ ಒಟ್ಟು ಪ್ರದೇಶ ವಿಸ್ತೀರ್ಣ 104 ಎಕರೆ ಆಗಿದೆ.
ಈ ವರ್ಷ ಗುರು ನಾನಕರ 550ನೇ ಜನ,್ಮವರ್ಷಾಚರಣೆ ಸಂಭ್ರಮಕ್ಕೂ ಮುನ್ನ ಕಾರಿಡಾರ್‌ ಯೋಜನೆ ಕೆಲಸಗಳು ಪೂರ್ಣಗೊಳ್ಳಲಿವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.