ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಎನ್ಡಿಎ ನಾಯಕರಾಗಿ ಅವಿರೋಧವಾಗಿ ಆಯ್ಕೆಯಾದ ಬಳಿಕ ಸಂಸತ್ತಿನ ಸೆಂಟ್ರಲ್ ಹಾಲ್ನಲ್ಲಿ ಅವರು ಎನ್ಡಿಎ ಒಕ್ಕೂಟದ ನೂತನ ಸಂಸದರನ್ನು ಉದ್ದೇಶಿಸಿ ಮಾಡಿದ ಭಾಷಣದಲ್ಲಿ 'ಅಭಿನಂದನ್' ಪದವನ್ನು ತಪ್ಪಾಗಿ ಅರ್ಥೈಸಿ ಪಾಕಿಸ್ತಾನದ ಸುದ್ದಿವಾಹಿನಿ ವರದಿ ಮಾಡಿದೆ. ''ಬಿಜೆಪಿಯ ಅಮೋಘ ಗೆಲುವಿಗೆ ಶ್ರಮಿಸಿದ ಪಕ್ಷದ ಕಾರ್ಯಕರ್ತರಿಗೆ ಕೋಟಿಕೋಟಿ ಅಭಿನಂದನೆ ಸಲ್ಲಿಸುತ್ತೇನೆ,'' ಎಂದು ಮೋದಿ ಹಿಂದಿಯಲ್ಲಿ ಹೇಳಿದ್ದರು. ಅವರ ಭಾಷಣದ ಸುದ್ದಿ ಬಿತ್ತರಿಸಿದ ಪಾಕ್ನ ಎಆರ್ವೈ ಸುದ್ದಿವಾಹಿನಿಯ ನಿರೂಪಕ ಪಾಕ್ ವಾಯುಪಡೆಯ ದುಸ್ಸಾಹಸ ಮಟ್ಟ ಹಾಕಿದ್ದ ಧೀರ ಯೋಧ ವಿಂಗ್ ಕಮಾಂಡರ್ 'ಅಭಿನಂದನ್' ವರ್ಧಮಾನ್ ಹೆಸರನ್ನು ತಲೆಯಲ್ಲಿಟ್ಟುಕೊಂಡು 'ಅಭಿನಂದನ್' ಪದವನ್ನು ತಪ್ಪಾಗಿ ವ್ಯಾಖ್ಯಾನಿಸಿದ್ದ. ''ಮೋದಿಯವರು ವಿಂಗ್ ಕಮಾಂಡರ್ ಅಭಿನಂದನ್ ಅವರನ್ನು ಹೊಗಳಿದರು,'' ಎಂದು ಹೇಳಿಬಿಟ್ಟ! ಇದಾದ ಬಳಿಕ ಟ್ವೀಟಿಗರು, ''ಹಿಂದಿಯಲ್ಲಿ 'ಅಭಿನಂದನ್' ಎಂದರೆ ಕೃತಜ್ಞತೆ. ನಿಮಗೆ ಅಷ್ಟೂ ಗೊತ್ತಿಲ್ಲವೇ,'' ಎಂದು ಹೇಳಿ ಟಿವಿ ನಿರೂಪಕನನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಅಭಿನಂದನ್ ತಪ್ಪಾಗಿ ವ್ಯಾಖ್ಯಾನಿಸಿದ ಪಾಕ್ ನಿರೂಪಕನಿಗೆ ಟ್ವಿಟಿಗರ ತರಾಟೆ
ಮೋದಿಯವರು ವಿಂಗ್ ಕಮಾಂಡರ್ ಅಭಿನಂದನ್ ಅವರನ್ನು ಹೊಗಳಿದರು ಎಂದು ಹೇಳಿಬಿಟ್ಟ!
PTI 28 May 2019, 5:00 am