20 ವರ್ಷದಿಂದ ಭಾರತದಲ್ಲಿ ನಕಲಿ ಆಧಾರ್, ಪಾಸ್ಪೋರ್ಟ್ನೊಂದಿಗೆ ವಾಸವಾಗಿದ್ದ ಪಾಕ್ ದಂಪತಿ ಸೆರೆ
ಅಕ್ರಮವಾಗಿ ಮುಂಬಯಿಯಲ್ಲಿ ವಾಸ ಮಾಡುತ್ತಿದ್ದ ಪಾಕ್ ಪ್ರಜೆಗಳನ್ನು ಮಹಾರಾಷ್ಟ್ರ ಪೊಲೀಸರು ಬಂಧಿಸಿದ್ದಾರೆ. ಭಾರತದ ಏಜೆಂಟರ ಮೂಲಕ ಅವರು ಪಾಸ್ಪೋರ್ಟ್, ಆಧಾರ್ ಕಾರ್ಡ್ ಮುಂತಾದ ದಾಖಲೆಗಳನ್ನು ಮಾಡಿಸಿಕೊಂಡಿದ್ದಾಗಿಯೂ ಹೇಳಿಕೊಂಡಿದ್ದಾರೆ.
TIMESOFINDIA.COM 19 Apr 2019, 11:49 am
[This story originally published in Times of India on April 19, 2019]
ಮುಂಬಯಿ: ಕುಟುಂಬದ ಜತೆಗೆ ಕಳೆದ ಎರಡು ದಶಕಗಳಿಗೂ ಹೆಚ್ಚು ಕಾಲ ಮುಂಬಯಿಯ ಓಶಿವಾರಾದಲ್ಲಿ ಅಕ್ರಮವಾಗಿ ವಾಸ ಮಾಡುತ್ತಿದ್ದ ಪಾಕಿಸ್ತಾನದ ದಂಪತಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಪಾಕಿಸ್ತಾನದ ಪೌರತ್ವ ಪಡೆದುಕೊಂಡಿರುವ ದಂಪತಿ ಅಕ್ರಮವಾಗಿ ಮುಂಬಯಿಗೆ ಶಿಫ್ಟ್ ಆಗಿದ್ದರು. ಅಲ್ಲದೆ, ನಕಲಿ ದಾಖಲೆಗಳ ಮೂಲಕ ಪಾಸ್ಪೋರ್ಟ್ ಮಾಡಿಸಿಕೊಂಡಿದ್ದರು ಎಂದು ಮಹಾರಾಷ್ಟ್ರ ಪೊಲೀಸರು ಮಾಹಿತಿ ನೀಡಿದ್ದಾರೆ. ಈ ಸಂಬಂಧ 55 ವರ್ಷದ ಅಹ್ಮದ್ ದೌದಾನಿ ಹಾಗೂ ಆತನ ಪತ್ನಿ ಅಶ್ರಫ್ (53)ರನ್ನು ಗುರುವಾರ ( ಏಪ್ರಿಲ್ 18,2019) ಬಂಧಿಸಲಾಗಿದೆ. ಅವರು ಪಶ್ಚಿಮ ಅಂಧೇರಿಯ ಗ್ರೀನ್ ಪಾರ್ಕ್ ಸೊಸೈಟಿಯಲ್ಲಿ ವಾಸ ಮಾಡುತ್ತಿದ್ದರು ಎಂದು ಓಶಿವಾರಾ ಪೊಲೀಸ್ ಠಾಣೆಯ ಅಧಿಕಾರಿ ಹೇಳಿದ್ದಾರೆ.
ಅಹ್ಮದ್ ಅಂಧೇರಿ ರೈಲ್ವೆ ನಿಲ್ದಾಣದ ಹೊರಗೆ ಹೆಲ್ಮೆಟ್ ಮಾರುವ ಕೆಲಸವನ್ನು ಮಾರುತ್ತಿದ್ದರು ಎಂದು ತಿಳಿದುಬಂದಿದ್ದು, 1999ರಲ್ಲಿ ಪಾಕಿಸ್ತಾನದಿಂದ ಬಂದ ಬಳಿಕ ಮುಂಬಯಿ ಹಾಗೂ ಥಾಣೆಯಲ್ಲಿ ವಾಸ ಮಾಡಿದ್ದೆವು ಎಂದು ಹೇಳಿದ್ದಾರೆ. ಅಲ್ಲದೆ, ರೈಲಿನಲ್ಲೇ ಪಾಕ್ನಿಂದ ಭಾರತಕ್ಕೆ ಬಂದಿರುವುದಾಗಿಯೂ ಹೇಳಿಕೊಂಡಿದ್ದಾರೆ.
ಅಹ್ಮದ್ ಮೊದಲು ಭಾರತದ ನಾಗರಿಕರಾಗಿದ್ದು, 1986ರಲ್ಲಿ ಅವರು ಪಾಕ್ಗೆ ಹೋಗಿ ಆ ದೇಶದ ಮಹಿಳೆಯನ್ನು ಮದುವೆಯಾದ ಬಳಿಕ ಇಲ್ಲಿನ ಪೌರತ್ವವನ್ನು ಕಳೆದುಕೊಂಡಿದ್ದರು ಹಾಗೂ ಪಾಕ್ ಪ್ರಜೆಯಾಗಿದ್ದರು. ಆದರೆ, ನಕಲಿ ದಾಖಲೆಗಳ ಮೂಲಕ ಭಾರತದ ಪಾಸ್ಪೋರ್ಟ್ ಹಾಗೂ ಇತರೆ ದಾಖಲೆಗಳನ್ನು ಪಡೆದುಕೊಂಡಿದ್ದಾಗಿಯೂ ಅವರು ಒಪ್ಪಿಕೊಂಡಿದ್ದಾರೆ ಎಂದು ಡಿಸಿಪಿ ಪರಮ್ಜಿತ್ ಸಿಂಗ್ ದಹಿಯಾ ಹೇಳಿದ್ದಾರೆ.
ಪಾಕಿಸ್ತಾನದಿಂದ ಬೇಸತ್ತು ತನ್ನ ಪತ್ನಿ ಹಾಗೂ ಇಬ್ಬರು ಹೆಣ್ಣು ಮಕ್ಕಳೊಂದಿಗೆ ಭಾರತಕ್ಕೆ ಮರಳಿದ್ದಾಗಿಯೂ ಅವರು ತಿಳಿಸಿದ್ದಾರೆ. ಮೀರಾ ರಸ್ತೆಯಲ್ಲಿದ್ದ ಏಜೆಂಟ್ ಒಬ್ಬರ ಮುಲಕ ತನ್ನ ಕುಟುಂಬಕ್ಕೆ ಭಾರತದ ಪಾಸ್ಪೋರ್ಟ್ಗಳನ್ನು ಮಾಡಿಸಿಕೊಂಡಿದ್ದಾಗಿ ಹಾಗೂ ಏಜೆಂಟರ ಮೂಲಕವೇ ಆಧಾರ್ ಹಾಗೂ ಪ್ಯಾನ್ ಕಾರ್ಡ್ಗಳನ್ನು ಮಾಡಿಸಿಕೊಂಡಿದ್ದೇವೆ ಎಂದೂ ಅವರು ಒಪ್ಪಿಕೊಂಡಿದ್ದಾರೆ ಎಂಬ ಬಗ್ಗೆಯೂ ಪೊಲೀಸ್ ಅಧಿಕಾರಿ ಮಾಹಿತಿ ನೀಡಿದ್ದಾರೆ.
ಇನ್ನು, ಅಹ್ಮದ್ ಮೊದಲ ಹೆಣ್ಣು ಮಗಳು ಈಗಾಗಲೇ ಮದುವೆಯಾಗಿ ಅಮೆರಿಕದಲ್ಲಿದ್ದಾರೆ. ಮತ್ತೊಬ್ಬರು ಹೆಣ್ಣು ಮಗಳು ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ ಎಂದು ತಿಳಿದುಬಂದಿದೆ.
ಮುಂಬಯಿ: ಕುಟುಂಬದ ಜತೆಗೆ ಕಳೆದ ಎರಡು ದಶಕಗಳಿಗೂ ಹೆಚ್ಚು ಕಾಲ ಮುಂಬಯಿಯ ಓಶಿವಾರಾದಲ್ಲಿ ಅಕ್ರಮವಾಗಿ ವಾಸ ಮಾಡುತ್ತಿದ್ದ ಪಾಕಿಸ್ತಾನದ ದಂಪತಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಪಾಕಿಸ್ತಾನದ ಪೌರತ್ವ ಪಡೆದುಕೊಂಡಿರುವ ದಂಪತಿ ಅಕ್ರಮವಾಗಿ ಮುಂಬಯಿಗೆ ಶಿಫ್ಟ್ ಆಗಿದ್ದರು. ಅಲ್ಲದೆ, ನಕಲಿ ದಾಖಲೆಗಳ ಮೂಲಕ ಪಾಸ್ಪೋರ್ಟ್ ಮಾಡಿಸಿಕೊಂಡಿದ್ದರು ಎಂದು ಮಹಾರಾಷ್ಟ್ರ ಪೊಲೀಸರು ಮಾಹಿತಿ ನೀಡಿದ್ದಾರೆ. ಈ ಸಂಬಂಧ 55 ವರ್ಷದ ಅಹ್ಮದ್ ದೌದಾನಿ ಹಾಗೂ ಆತನ ಪತ್ನಿ ಅಶ್ರಫ್ (53)ರನ್ನು ಗುರುವಾರ ( ಏಪ್ರಿಲ್ 18,2019) ಬಂಧಿಸಲಾಗಿದೆ. ಅವರು ಪಶ್ಚಿಮ ಅಂಧೇರಿಯ ಗ್ರೀನ್ ಪಾರ್ಕ್ ಸೊಸೈಟಿಯಲ್ಲಿ ವಾಸ ಮಾಡುತ್ತಿದ್ದರು ಎಂದು ಓಶಿವಾರಾ ಪೊಲೀಸ್ ಠಾಣೆಯ ಅಧಿಕಾರಿ ಹೇಳಿದ್ದಾರೆ.
ಅಹ್ಮದ್ ಅಂಧೇರಿ ರೈಲ್ವೆ ನಿಲ್ದಾಣದ ಹೊರಗೆ ಹೆಲ್ಮೆಟ್ ಮಾರುವ ಕೆಲಸವನ್ನು ಮಾರುತ್ತಿದ್ದರು ಎಂದು ತಿಳಿದುಬಂದಿದ್ದು, 1999ರಲ್ಲಿ ಪಾಕಿಸ್ತಾನದಿಂದ ಬಂದ ಬಳಿಕ ಮುಂಬಯಿ ಹಾಗೂ ಥಾಣೆಯಲ್ಲಿ ವಾಸ ಮಾಡಿದ್ದೆವು ಎಂದು ಹೇಳಿದ್ದಾರೆ. ಅಲ್ಲದೆ, ರೈಲಿನಲ್ಲೇ ಪಾಕ್ನಿಂದ ಭಾರತಕ್ಕೆ ಬಂದಿರುವುದಾಗಿಯೂ ಹೇಳಿಕೊಂಡಿದ್ದಾರೆ.
ಅಹ್ಮದ್ ಮೊದಲು ಭಾರತದ ನಾಗರಿಕರಾಗಿದ್ದು, 1986ರಲ್ಲಿ ಅವರು ಪಾಕ್ಗೆ ಹೋಗಿ ಆ ದೇಶದ ಮಹಿಳೆಯನ್ನು ಮದುವೆಯಾದ ಬಳಿಕ ಇಲ್ಲಿನ ಪೌರತ್ವವನ್ನು ಕಳೆದುಕೊಂಡಿದ್ದರು ಹಾಗೂ ಪಾಕ್ ಪ್ರಜೆಯಾಗಿದ್ದರು. ಆದರೆ, ನಕಲಿ ದಾಖಲೆಗಳ ಮೂಲಕ ಭಾರತದ ಪಾಸ್ಪೋರ್ಟ್ ಹಾಗೂ ಇತರೆ ದಾಖಲೆಗಳನ್ನು ಪಡೆದುಕೊಂಡಿದ್ದಾಗಿಯೂ ಅವರು ಒಪ್ಪಿಕೊಂಡಿದ್ದಾರೆ ಎಂದು ಡಿಸಿಪಿ ಪರಮ್ಜಿತ್ ಸಿಂಗ್ ದಹಿಯಾ ಹೇಳಿದ್ದಾರೆ.
ಪಾಕಿಸ್ತಾನದಿಂದ ಬೇಸತ್ತು ತನ್ನ ಪತ್ನಿ ಹಾಗೂ ಇಬ್ಬರು ಹೆಣ್ಣು ಮಕ್ಕಳೊಂದಿಗೆ ಭಾರತಕ್ಕೆ ಮರಳಿದ್ದಾಗಿಯೂ ಅವರು ತಿಳಿಸಿದ್ದಾರೆ. ಮೀರಾ ರಸ್ತೆಯಲ್ಲಿದ್ದ ಏಜೆಂಟ್ ಒಬ್ಬರ ಮುಲಕ ತನ್ನ ಕುಟುಂಬಕ್ಕೆ ಭಾರತದ ಪಾಸ್ಪೋರ್ಟ್ಗಳನ್ನು ಮಾಡಿಸಿಕೊಂಡಿದ್ದಾಗಿ ಹಾಗೂ ಏಜೆಂಟರ ಮೂಲಕವೇ ಆಧಾರ್ ಹಾಗೂ ಪ್ಯಾನ್ ಕಾರ್ಡ್ಗಳನ್ನು ಮಾಡಿಸಿಕೊಂಡಿದ್ದೇವೆ ಎಂದೂ ಅವರು ಒಪ್ಪಿಕೊಂಡಿದ್ದಾರೆ ಎಂಬ ಬಗ್ಗೆಯೂ ಪೊಲೀಸ್ ಅಧಿಕಾರಿ ಮಾಹಿತಿ ನೀಡಿದ್ದಾರೆ.
ಇನ್ನು, ಅಹ್ಮದ್ ಮೊದಲ ಹೆಣ್ಣು ಮಗಳು ಈಗಾಗಲೇ ಮದುವೆಯಾಗಿ ಅಮೆರಿಕದಲ್ಲಿದ್ದಾರೆ. ಮತ್ತೊಬ್ಬರು ಹೆಣ್ಣು ಮಗಳು ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ ಎಂದು ತಿಳಿದುಬಂದಿದೆ.