ಹಫೀಜ್‌ ಬಂಧನ ವಿಸ್ತರಣೆ

ಲಾಹೋರ್‌: ಭಯೋತ್ಪಾದನೆಗೆ ಆರ್ಥಿಕ ನೆರವಿನ ಮೂಲಕ ಕುಮ್ಮಕ್ಕು ನೀಡುತ್ತಿರುವ ಆರೋಪದ ಮೇರೆಗೆ ಬಂಧಿತನಾಗಿರುವ ಜಮಾತ್‌-ಉದ್‌-ದವಾ(ಜೆಯುಡಿ) ಮುಖ್ಯಸ್ಥ ಹಾಗೂ ಮುಂಬಯಿ ಸರಣಿ ದಾಳಿ ಸಂಚುಕೋರ ಹಫೀಜ್‌ ಸಯೀದ್‌ಗೆ 14 ದಿನಗಳವರೆಗೆ ನ್ಯಾಯಾಂಗ ಬಂಧನವನ್ನು ವಿಸ್ತರಿಸಲಾಗಿದೆ. ಪಾಕಿಸ್ತಾನ ಗುಜ್ರಾನ್‌ವಾಲಾದಲ್ಲಿನ ಉಗ್ರ ನಿಗ್ರಹ ಕೋರ್ಟ್‌(ಎಟಿಸಿ) ಬುಧವಾರ ವಿಚಾರಣೆ ನಡೆಸಿ ಬಂಧನ ಅವಧಿ ವಿಸ್ತರಿಸಿದೆ. ಜತೆಗೆ ಪಂಜಾಬ್‌ ಪ್ರಾಂತ್ಯದ ಪೊಲೀಸ್‌ ಇಲಾಖೆಗೆ ಸೂಚನೆ ನೀಡಿದ ಕೋರ್ಟ್‌, ಆಗಸ್ಟ್‌ 7ರೊಳಗೆ ಉಗ್ರ ಹಫೀಜ್‌ ವಿರುದ್ಧ ಸಂಪೂರ್ಣ ಆರೋಪಪಟ್ಟಿಯನ್ನು ಸಲ್ಲಿಸುವಂತೆ ಹೇಳಿದೆ.
ಪಾಕ್‌ ಪೊಲೀಸರಿಂದ ಬಂಧನ ಎದುರಿಸುವ ಸುಳಿವು ಸಿಕ್ಕ ನಂತರ ಉಗ್ರ ಹಫೀಜ್‌ ಜಾಮೀನು ಪಡೆಯಲೆಂದು ಲಾಹೋರ್‌ಗೆ ತೆರಳುತ್ತಿದ್ದಾಗ ಜುಲೈ 17ರಂದು ಪೊಲೀಸರು ಆತನನ್ನು ಬಂಧಿಸಿದ್ದರು.